Jeremiah 4:4 - Ohiatonhseratokénti

⁴ Sehwahtienawasthónhak ne sehwateriwahsehronniátsheras nakonháke, seh Watiá꞉ner, tánon sehwathaterihwahthokentísten nakonháke, íseh ne tiónkwe ne Judah ó꞉ni ne Jerusalem. Tó꞉ka iáh tothaisehwáhiere, nakenahkwátshera enhióteke tsi ní꞉ioht nótsire tioríwa tsi nikariwahétken tsi nisehwatiéren. Kwáh enhióteke, tánon iáh ónhka tahontetʼsénhri nahionskwáthe.”

Jeremiah 4:4 Referans Kwoze

Deuteronomy 10:16

É꞉tho káti, kén꞉en ienwatáhsawen tsi sewawenhnarákwak ne Roiá꞉ner tánon kén꞉en ienwatáhsawen sewátkaf tsi nisewanonhtsistaʼní꞉ron.

Colossians 2:11

Tsi tetiateriwahsóntere ne Kerístos iesawahrakwè꞉taron, iáh ónhkwe teiesawahrakwetá꞉ron, onk Kerístos iawahrakwè꞉taron, neh iehiokwékʼton tsi tsisatatewenniió꞉on tsi nokwáh ne kaʼsatsténhsera ne sariwahnerahatʼténni.

Deuteronomy 30:6

Ók ki ne Roiá꞉ner SewaNí꞉io kwáh enhakwahtháko ne seweriánes ní꞉se ó꞉ni tsi niensewatwatsí꞉rine natsisewawenhnaráhkwake, ne káti ne kwáh seweriasakwé꞉kon tsi atsisewanorónhkwake ó꞉ni sewatonhnetserakwé꞉kon, ne káti ne iahisewakón꞉taʼkwe ne tho nón꞉we nihiohontsá꞉ien ahisewanákereʼke.

Amos 5:6

Tsi sewahiatí꞉sak ne Roiá꞉ner ne nahónton ahí꞉tionnheke, khés kwáh é꞉tho nienhénre iensakotsatónhti nonkweshón꞉as tsi ronhnónhshote ne Só꞉se tsi ní꞉ioht notsí꞉re, tánon kwáh enwatsáhate ne Bethel, tánon iáh ónhka taiekwé꞉ni nahonsahiónswate.

Zephaniah 2:2

nohénton ne kaianerénhsera aontónnhete nohénton ahontenhniseró꞉hetste, tsi ní꞉ioht ne káwahe ne tsi iahóte ká꞉tses; nohénton ne nón꞉we nahisewárane tsi niotenakwawenhráti Roiá꞉ner ahisewárahne nohénton ne raonhakwáhtshera ne Roiá꞉ner ahisahráne.

Ezekiel 20:33

“Tsi nihioriwí꞉io tsi Í꞉i, ne Wakenonhtí꞉io Watiá꞉ner, tsi konhnhehónwe Ní꞉io, konhiaronhkaténhnis thóh nakenahkwahtsherákon kwáh entkonhniaró꞉tarohke né꞉ne kashástsʼte atsáhna, né꞉ne kwáh akeshastsʼtenserahkwékon.

Ezekiel 24:13

Jerusalem, tsi natehiótsion tsi niseweienʼnhótens ne teshahiathatsiónton. Ethosáne wahkatheniénten ne ahonsakonhionʼnahserónhni, iaskónhtakwe wateshathatsathátsionte. Iáh shé꞉kon tahonshasatsiató꞉hare tsi nióre iensátʼtoke ne kwáh kashastsʼtenserahnáhnon nakenahkwáhtshera.

Lamentations 4:11

Ne Roiá꞉ner kwáh thokén:en tsi kasastenserakwékon tahátkaʼwe ne rahonhakwátsera; Wahatsiróten ne Zion nónwe kwáh ohontsiáke wahónni.

Ezekiel 24:8

Nonekwénhsa totʼtewahkátsion, tsi nónhwe ne iáh tahónton nahionhséhte, tsi nónhwe nekariwahnónhtons ne kanahkwáhtshera tahonsakariwahserahkwáhthonke.”

Ezekiel 16:38

Kwáh enkhonréwahthe ne tsi satenahkwahieshá꞉tha tánon sehiaséhtha, tánon nahkenahkwahtsherákon ó꞉ni tsi wahkatenahkwahwenhráhti kwáh enkhonréwahthe ne꞉ne ashihéhiaʼte.

Ezekiel 8:18

Kwáh enhóntʼthoke kashastsʼtenserahkwékon nakenahkwáhtshera. Kwáh iáh takhenónhsthate iáh ó꞉ni takhenahtónhase nataniténron. Kwáh tenhotihénreʼte nahterénhnaient nakonháke tsi nihiorahkaréhni tsi ahathikwéhni, ók iáh kíʼ taʼkhehiatahónshathaʼte.”

Ezekiel 6:12

Kannrahtarinhétshera enhiakohiatiénenhte tsi niháti ne ahínonh nióre iehiakonahkeráhkwen. Ateriʼiósera enhiakóthonte tsi niháti ne ákta ratináhkere, Tánon nónhka iatenhiakotátere athonkarhiákon enhiakoríhiote.

Jeremiah 36:7

Tó꞉ka kíʼ nónhwa shé꞉kon tensontkarahténi tsi nihatiʼweiennáksens tánon ahonʼwahriwahnónhtonse ne Roiá꞉ner ahonshaʼsakonikónhrenhse nohénton sóhtsi ahiokaraháthaʼne. Asèken ne Roiá꞉ner ne tehiotenonhianíthon rahonhakwáhtshera tsi ohénton tonwahnaronkahténni.”

Jeremiah 23:19

Ne raonahkwáhtshera tekawerahthaséhtha, tehiowerahnónhiani tenʼkawerahtáseh raoʼtinonhtsisthakenhiátʼtions ne rononhkwetaʼhétkens,

Jeremiah 21:5

Kwáh keshastsʼtenserahkwékon tsi entiaterí꞉io, naʼkaterhiatitkhóntshera, naʼkenahkwáhtshera, tánon tsi waʼkatenahkwahwenhráhti.

Isaiah 51:17

Í꞉i tie, Í꞉tie! Téstan Ó Jerusalem, í꞉se ne sanekíren thóh ratshanàke ne Roiá꞉ner né꞉ne tehiotnekonthá꞉kwah kátshe ne raonakwáhtshera í꞉ken, wasnekíra kwáh tsiʼnió꞉re nonón꞉wa í꞉ken né nakéra ne tehiakoiatakentónhtha.

Leviticus 26:28

ethòne kíʼ akenakwatsherákon kwáh kíʼ enkonhiatkónhten tánon shé꞉kon tsáta naʼtestsiáseren sénha enkonhréwaʼte tsi ní꞉ioht ne tsiotserénhton.

Ezekiel 21:17

Kwáh kíʼ ó꞉ni Tenkahshá꞉roke, tánon nakenahkwáhtshera enwahtó꞉hetsthe. Í꞉i, ne Watiá꞉ner, wakatáti.”

Ezekiel 18:31

Sehwatiakwahrísi akwékon ne kariwáksenhs tsi nisehwahtieránion, tánon áse sahtiónhni ne sehwahnikónhras ó꞉ni ne sehwéris. Onhnonhtséren ní꞉se Israerʼró꞉nons tsi ísehwere nahisewénheie?

Deuteronomy 32:22

Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.

Romans 2:25

Tohká꞉a satewenʼnarákwa ne kaianerénsera, tsi satewarakwétaron iorihontákwen; nók kíʼ tòhka꞉a iáh tesatewenʼnarákwa ne kaianerénsera, sénha iohiánere꞉ne neh tóhsa nonwénton ahiesawarakwétaron.

Leviticus 26:41

Tánon né wakarihónhni nakhehiatʼkónhten tánon hiaʼkhehiató꞉ri tsi waʼkhenakerákwahthe né꞉ne tsi thononhontsáien ne tehonhtátʼtions niahónhne. Neʼnónenh, ne tsi nenhsewatʼwatsírihne ehtháke ensonhthatónhni tánon teshotirihwasehrákwen ne rahotirihwanerahák꞉tsheras tánon tsi nihonateʼnonhtsisʼtakshaʼthónhne,

Isaiah 10:17

Naʼoswaʼthétshera ne Israel ótsire ienhwáton, tánon ne Roiataʼtó꞉kenti Í꞉ken otón꞉kwah nènhneʼe; tánon kwáh enhiotéke tánon enwáhtonte ne raohiktaʼshón꞉has ó꞉ni ne raonionhwáhras sewenhnísera khók enkénhake.

Isaiah 30:33

Asèken ne iotékha kanátaien wahónhnise tkaweienhnenhtáhon; oriwiʼiohónhwe tsi ne kasahathákwen tsi niʼkaweienhnenhtáhon ne ronnontí꞉io raorihwàke, tanon tsi iontsahatákwah iosónhwes í꞉ken tánon tewatakáron, né ótsire tánon nóiente wé꞉so káien; ne rahonhnísera ne Roiá꞉ner, kwáh né꞉ne iontenatentástha í꞉ken, ne enwatekátakwe.

Jeremiah 9:25

Ne Roiá꞉ner ráton, “Ienkáhewe nónenh enkheréwahte nonkweshón꞉a ne Egypt, Judah, Edom, Ammon, Moab, tánon ne kahentahkeʼkówa nónwe nihathináhkere, ne ne kénk nisohthinonkwíseres tsi rohnatateʼnónkaron. Onhkwetahkwékon tsi iáh tehonatewarahkwétaron, tánon tsi niaʼtekanonhsáhkes ne Israel ne rahonerhianéson tsi iáh tehonatewarahkwétaron.”

Jeremiah 44:22

Ne kwáh kénʼen wenhnisehráhte ne tionhontsashón꞉a ekahkérons iahontsahiesáhon tánon iáh ónhka thóh tetienáhkereh. Waʼtewahnithakwátʼtho, tánon nonhkweshón꞉a rahosénnha ióntstha tsi ieriwahieshá꞉tha ne ahoríhwa ne Roiá꞉ner iáh ónenh thahónthon nahonshaʼhathaʼkátsʼthaʼte tsi nitionkwethaʼhétken tánon kariwáksen tsi nisehwahtiérah.

Ezekiel 44:7

Rotihetkénton nakenonsatokénti tsi wahonwathiríhon ne iáh tehonatewahrahkwétharon ne thihononhontsátes, nónhkwe ne iáh tehionkewenhnaráhkwa, niahontháwehiathe Nononhsatokentiʼkówahne nónenh ne ionarésenhs tánon ne rahothinhekwénhsas ne konhwanahtsatatʼtsahátons ne katshénenhs hiontʼtáti. Káti nahkonhkwetashón꞉ʼas wahthatíhiake nahkateriwahsehronhniátshera né tsi nihioteriwahthehasónhas tsi nihonahtieráhnions.

2 Chronicles 34:25

Ionkʼkenronhníʼon tánon né iahonwatítatʼtse nahonwanateskóntʼthaʼse ne tikaniʼioserátes, tánon ká꞉ti wahonkenakwísa norihwakwéʼkon tsi nahatiʼieráhnion. Nakenahkwáhtsera ontʼkétsko tsi nòkwah ne Jerusalem tánon iáh tsiahonsakénheʼie.

Jeremiah 15:14

Kwáh enkhehiónnien ne ne ahonwahtihiótenhse ne tehontátʼtions ne tsi ionwenhtsáte ne kwáh iáh othènen tehathiriwahientéri, tioríwa nakenahkwáhtshera eh ní꞉ioht tsi ní꞉ioht nótsireh, tánon kwáh tsi nénhweh tsi enhiothékhaʼke.”