Jeremiah 26:9 - Ohiatonhseratokénti

⁹ Nonhtiéren tsi né wahshíron thóh rahosénnahkon ne Roiá꞉ner kí꞉ken Ononhsatokénti kwáh eh nenhiáwenhne tsi niʼhioiathawénhʼon ne Shiloh tánon kí꞉ken kanatowáhnenh kwáh enkariwénhtʼthonke tánon iáh ónhka tahonsahienáhkerehke?” Ethóhʼne nonhkweshón꞉a wationkenenhrónni.

Jeremiah 26:9 Referans Kwoze

Acts 22:22

Nonkwesónha ronwatahónsatheʼkwe ne Kór tsi nióre ne kí꞉ken sahénron; nók etʼthóhʼne tahontásawen kwáh tsi nihatiwénʼna tehothihenrétha, “Ahéren tsi sewahiatenháwit! Tsíʼsewanonwariákon! Iáh thatehoténtion narónʼnheke!”

Acts 21:30

Kwáh kanatakwékon wathonanithónʼnien, tánon nonkwesónhas rathikwékon iathonwaráhthate, wahonwaiéna ne Kór, tánon wahonwahiatísere tsi sahonwahiathínekenwe Nʼononsatokentíke. Kwáh óksaʼk onthenóton Nʼononsatokentíke.

Acts 13:50

Nók neh Sitaeró꞉nons wahatitsirónni tsi tahonténrowe ne ratisennowánens ne kanátakon ó꞉ni ne iáh tekontisitaerónons neh iotikwatsénions tionatʼthonwísens ne ronwasénnaiens ne Rawenni꞉io. Tahontásawen niahonwanatsiatónni ne Kór tánon ne Barnabas tánon sahonwatihiatínekenwe ne kanakeraserákon.

Acts 6:14

Ionkwatʼthontéʼon tsi ráwen nètho kí꞉ken Ié꞉sos ne Nazarethʼronon tsi enhanonsarí꞉shion nononsatokénti tánon akwékon tenhatáton tsi nitionkwarennahón꞉ne tsi nitesonkwáwi ne Mahís!”

Acts 5:28

“Kwáh ioníron tsi nih hionkwariwáston ne tóhsa ahonsaietʼtsirihón꞉nien thóh rahosénʼnakon kí꞉ken rónkwe,” wahénron; “nók satkátho tsi niseníʼiere! Kwáh watiʼtiaréniaʼte tsi waʼheʼtsirihónʼnien ne Jerusalem, tánon í꞉seneʼre i꞉i ahontaskwáraʼse tsi rawenhéion!”

John 8:59

Ethone are onen ȣathatinenhiakȣanion nahonȣaiente; nok tanon ne Iesos ȣahatatasete tontahaiakenhne nʼononsatokentikoȣane, tehatiiatokensson sahatohestste; nok eh niiot tsi sahatenti.

John 8:20

Tsi ieȣistaroroksta nonȣe nontahaȣenninekenne neh nikaȣennotens shisakotatis Ononsatokentikoȣane; iah ki tanon onka tehonȣaiena, netsi areko siieiotenniserihe ne raȣennisera.

St. Mark 15:11

Nok ki tanon ne ratitsihenstakȣeniios, ȣasakotinikonrata nʼonkȣeokon Barabas hahatiriȣanonton ahonsahonȣatkaȣe.

Matthew 27:20

Nok tanon ne Ratitsihenstoȣanens oni ne rotikstenhokonha, ȣasakotinikonrata nonkȣeokon ne Barabas ahonȣariȣanonton, nok ahonȣatonte ne Iesos.

Matthew 21:23

Nonen Ononsatokentike siiehenteron, eh ȣahonneȣe ne Ratitsihenstakȣeniios oni ne rotikstenhokon nok ȣahonȣenhase; kah nitisakȣeniatserenha tsinisierha nonȣa, onka oni iesakȣeniatseraȣi?

Micah 2:6

“Tó꞉sa iaserihwá꞉ken”—nek kík sáka iehatirihwákens— “Iáh tehió꞉wenk ne iahatirihwà꞉ke kí nahorihoʼténhsons khés ne natehénsera entionkwahró꞉rohke.”

Amos 5:10

Ronwáhsons tsi niká꞉ien ne rátʼretsárons tsi iothenhenrakáronhte, tánon ronwáhsons tsi niká꞉ien ne rotarákwen norihwí꞉io.

Jeremiah 9:11

Ne Roiá꞉ner ráton, “Kwáh enkónhnien ne Jerusalem nahiothonhióthonke ne ioriwahiesáhsehrons, thóh nónhwe ne érhar nenhathináhkerehke; ne tsi kanahtowáhnenhs ne Judah karhákonh enwáhthon, thóh nónhwe ne iáh ónhka tahienáhkerehke.”

Isaiah 29:21

nón꞉ka neh aiakoriwahióten nón꞉kwe aiakó꞉ti ne kaianerenhseràke, nón꞉ka ne ronhwateristaiénhni ne rarihwénhtha ne tsi iothenhenrakáronhte, tánon né iáh othènon tahontakarihónhniaʼte ahiontonhníhen ne karihwakwahrihshiónhtshera tsi nikáien ne tseiérits.

2 Chronicles 25:16

“Kát꞉ke onhtèken,” ne Amaziah waʼthorihwihiatʼse, “Í꞉se kén kwahiatarákwen naʼtiatenikonhrahsónhterase ne ronnontí꞉io? Sát꞉kaf tsi sáthare, tó꞉ka iáh enkonhnonwarhiákhon!” Káti ne rotokenhséhakwe wahát꞉kaʼwe kíʼ, ók niáhreʼkwe kíʼ wahénron, “Ó꞉nen kí onhkateriénhtaraʼne ne Rawenni꞉io tsi í꞉rehre ahiáthonte tsioríhwa tsi nisatieránion kí꞉ken orihwakwé꞉kon tánon waʼshatarónhti tsi nihkonhiatenikonhráhwisʼkwe.”

Acts 3:11

Ne rónkwe tsi nasakotiénawasʼthe ne Tiér tánon ne Sán thóh tsi ioskwénʼnonte ne Solomon, tsi nikonwanathónkwaʼkwe, nonkwesónha kwáh íken tsi wahakoneráko tánon hiathonwanaráhthaʼte.

Acts 5:12

Wéso ne ioriwanerákwat ó꞉ni ne ionerakwathénions tsi nisakonatierase nonkwesónhas ne ratikweʼkónʼne. Ratikwékon ne thoʼnetáhkwen wahontiataróhroke tsi ioskwénnonʼte tsi ronónsohte ne Solomon.

Joshua 18:1

Nó꞉nen sahatiiéna nonhontsaʼshón꞉as, kwáh kenʼnenhrakwé꞉kon ne Israerʼró꞉nonhke wahonhnitiohkwaró꞉roke ne Shiloh nón꞉we tánon wahonthatoserothón꞉nion tsi nón꞉we ní꞉res ne Roiá꞉ner.

Jeremiah 32:3

Ne Ronnontí꞉io Zedekiah thón nónhwe nihakenhóthonʼkwe tánon wahakerihwáhroh nahonkerihowahnháthonʼke nètho Roiá꞉ner naháwenhke, “Enhiríhon ne ronnonhtí꞉io ne Babylonia nahaiéna ne kanahtowáhnen,

Jeremiah 33:10

Ne Roiá꞉ner wahénron, “Nonhkweshón꞉a ionthónnions ne kénʼen watenáhthaien kwáh thóh ní꞉ioht tsi ní꞉ioht ne iahonwenhtsiaténhake, iáh tehiahonkwéthaien iáh ó꞉ni ne katʼtshénenh nahienáhkerehke. Tánon thaʼthihiérits; tsi kanhatheiénthons ne Judah ó꞉ni ne Jerusalem onhatóskonh íken; iáh nonhkweshón꞉a iáh ó꞉ni ne katʼtshénenhs tehatiʼnáhkere né nónhwe. Ók kí꞉ken nikanhatótens shé꞉kon ki entsisehwáhronhke

Jeremiah 36:29

Ne Roiá꞉ner wahakró꞉ri nahiʼiénhaʼse ne ronnonhtí꞉io, “Washatʼthiathonsehráhtsahaʼthe, tánon wahsheriwahnónhtonseh ne Jeremiah nonhtiéren tsi rohiáthonʼkwe nètho ronnonhtí꞉io ne Babylonia tsi éntʼreh tánon enhronhontsákʼshaʼthe ne kíʼ ionhontsáien tánon enshaʼkononhwahrhiakónnion nonhkweshón꞉a ó꞉ni ne kontiʼtshénens.

Lamentations 4:13

Nok thoniʼiawén:en, iehonataweiáthon neh tsi rothiriwáneren nahonkwetaʼsónhas ne iehathiriwákens tánon nahotsihénstatsis rothinhíkon Neh tsi ronnónha rothirihónni iakawenhéion nónkwe ne iathénen tehothinhíkons.