Jeremiah 26:5 - Ohiatonhseratokénti

⁵ tánon né tsi wesehwaʼtennikonhráhren ne raotiʼwenhnasónhas nakenhátsheras, ne rotiʼtokénse, tsi nikáien ne tiotkonhónwe iekhehiateniéthaʼkwe ne tionháke. Iáh nonhwénhton tesehwatewenhnaráhkwen tsi nihónenh.

Jeremiah 26:5 Referans Kwoze

Jeremiah 11:7

Sahthontakhehiatínekenhwe ne sakothisotʼthonkonhkénʼen ne Egypt, Kwáh tohkénʼen tsi wahkheretiaron nahionkewénhnaraʼkwe, tánon iewakʼkontákwen tsi kheretsiárons nonhkweshón꞉ʼa shé꞉kon nónhwa kénʼen wenhniseráhte.

Jeremiah 7:25

Ne tewenhnisehráhthekwe ne ietʼtsisotʼthonkonhkénʼen shontahathihiákenʼne ne Egypt tsi nióre nónhwa wenhnisehráte kwáh tiókonthe tsi iekhehiateniéthakwe nakenahtsheraókons, ne rothitó꞉kense.

Jeremiah 7:13

Oriwahkwékon kí꞉ken wahsheriwahneráhatʼthe, tánon ethohʼsáne tethewahkatʼnahnéten tsi konhtharáhni, iáh tesatʼthontháton nahishatahonshatháton. Iáh thateshá꞉rihwahsehrahkwen shiá꞉konnahton.

Ezra 9:11

né teskwahwí꞉hon rononhà꞉ke ne shonkweʼthashón꞉as, ne rotitokénhse. Wahonkhiró꞉ri né꞉tho tiohontsá꞉ien ne ienhiakwahtienawásthe tsi iáh tehiotkwé꞉niens tiorì꞉wa nonhkweshón꞉as ne thóh ratinákereʼkwe tehiahontsihiá꞉kon tsi ne rotinahnóntston ne ioterihwatehashón꞉as, tehioweienátsons.

2 Kings 9:7

Ó꞉nenk tsi entsenonwariákon ne iánas ronnontí꞉io, né꞉ne Ahab roʼiénha, né ká꞉ti nahónton natréwate Jezebel tsi iakosé꞉ton nakonkweʼtashón꞉ʼas rotitokenséhakwe tánon nó꞉ia nakenatserahókons.

Revelation 11:18

Ne ronhnonhontsakeró꞉nons waonatenakwahwenhrát꞉tse, ók saterhiatitkhóntsera ón꞉we, tánon iaʼká꞉hewe ne tasheiató꞉rehte ne ronenhé꞉ion, Asè꞉ken ne nasekariatseniónhase ne sanhatseraó꞉kons, ne ne rotitokénhse ó꞉ni ne rotiiatatokéntis tánon ratikwé꞉kon ne ratikweniénstha sasénhna, tetsá꞉ron né꞉ne kenk naiesenhnáske ó꞉ni naiesenhnowanénhake, tánon ne naseiatón꞉te tsi niiá꞉kon ne iakohetkénton tsi ionwenhtsá꞉te.”

Revelation 10:7

nok tsi nenhwenhniserá꞉tekes nó꞉nenh ne tsá꞉ta nihá꞉ti ratironhiakeró꞉nons enhonthatíste ne iehonrakwátsta, tsi nihoteʼnikonhrón꞉ni ne Ní꞉io kwáh kíʼ ienkanáhne, tsi nishakorihowanahténhni ne raonhatserashón꞉as rotitokénhse.”

Zechariah 1:6

Nakenhatsherahó꞉kons ne rothitokenséhakwe nón꞉we nitsawè꞉nonh tsi tekhehiá꞉wi ne ietsisoʼthonkonhkén꞉en tsi kheró꞉ri tánon kheronkahtén꞉ni, ók iáh othé꞉nen karì꞉wa tehononhʼni tánon wahathironhiáken tsi niahá꞉wenhne. Ethò꞉ne shahontatré꞉wahte tánon wahathiriwahní꞉rahte tsi Í꞉i, ne Watiá꞉ner Wakeshatstenhserowá꞉nen, kherewáhthon tsi natehonhaténtʼtion tánon tsi niwahkatenikonrón꞉niʼne tsi niénhtiere.’”

Amos 3:7

Oriwiioʼón꞉we ne Roiá꞉ner tsi iáh oh thé꞉nen thahá꞉iere, ne iáh ohén꞉ton thahshakorihotahshienní꞉re ne karihwahséhton ne raonkweʼtaʼshón꞉ʼahs rotitokénhse.

Ezekiel 38:17

Í꞉se né konhtharáhkwenhne ne wahónhnise tkènʼne, nónenh sakerihówahnahte ronónhake nakenhátsheras, ne rotitokenséhakwe ne Israerʼró꞉nonhke, ne tsi wenhnisehrathénions táwe ónhkak enhthihiaténhawe ne iashakotsathónti ne Israerʼró꞉nons.” Ne Ronhnontí꞉io Roiá꞉ner wahatáti.

2 Kings 24:2

Ne Roiá꞉ner iashakoténiete ne ronterí꞉ios raotiʼtsiókwas né꞉ne Babyloniaró꞉nons, Syriaró꞉nons, Moabró꞉nons, tánon ne Ammonró꞉nons niahonwatiatón꞉ni ne Jehoiakim né꞉ne ahatiʼrihwáthonte ne Judah, tsi kiʼniháwen ne Roiá꞉ner rahonháke ne raonhátshera rotokenséhakwe tsi thó kíʼ nenhá꞉iere.

2 Kings 17:23

kwáh tsi nióre ne Roiá꞉ner éhren washakoiatenháwite ne rahohénton, kwáh kíʼ tsi nihorarátston rahonháke ne rahonkwéʼta rotó꞉kense tsi kwáh thóh nenháiere. Ká꞉ti nonkweʼshón꞉ʼas Nisraeʼró꞉nonke Assyria nón꞉we iahonwananahkerákwahte, tánon shé꞉kon thóh nón꞉we thatinákere.

2 Kings 17:13

Né Roiá꞉ner iehoteniéton ne rahonkwéʼta rarihwakaré꞉nies ó꞉ni ne rotó꞉kense nashakoronhkáten Nisraeʼró꞉nons tánon ne Judah: “Sewatsakwahríhsi tsi nisewaweienhnáksens tánon takwahwénhnarak, tsi thóh nón꞉we niwatá꞉rons ne kaianerenhserákons ne tekheiáwi ne sewasókʼtseras tánon tsi nitkwahwíʼons rahonháke nakenáhtseras ne rotiʼtó꞉kense.”

Jeremiah 29:19

Ne kíʼ thóh nenhothihiáthawenh tioríwah tsi iáh tehonahʼtewenhnharáhkwen naʼteriwahnhothátshera tsi nihiorihwahtó꞉ken ieʼkhehiathenieténnisʼkwe rononháke ne akonhkwethasónhas ne rothitókense. Iáh tehonatʼthontháton nahonahthaʼhonsahtáthonʼke.

Jeremiah 32:33

Wahonkatswahthénien; ethosáne iewatkonhtáhkwen kherihonniénni, iáh kíʼ tahontahónsahthaʼte ó꞉ni nahatiʼweienthéthaʼne.

Jeremiah 35:15

Iewakʼkhonthákwenh ieʼkhehiathó꞉res tionháke nahkhenhátsheras ne rothitó꞉kenʼse, tánon ietʼtsiró꞉ri naʼisehwahtiakwahríshi tsi niʼsehwahweienʼnáksens tánon ne sehwahióhten ne tkariwahiéri. Ietʼtsiretiarónhon ne tó꞉sa aietʼtsisénhnaien ne thiʼkaniʼioserahténions, ne ne iaʼisehwahkónthaʼkwe thóh nónhwe naʼisehwenhterónthaʼke tsi ionhwénhtsaien ne tkwáhwi ó꞉ni ne ietʼtsisotʼthonkonkénʼen. Ók kíʼ iáh teʼskwahthahonsahtáton iáh ó꞉ni karíhwah tetionníhon.

Jeremiah 35:17

Káti nónhwa, Í꞉i, ne Watiá꞉ner Keshastsʼtenserowáhnen, ne kheʼNí꞉io ne Israerʼró꞉non, enkwaiénhaʼse ne tiónkwe ne Judah ó꞉ni ne Jerusalem oriwahkwékon ne kahkaronniátshera ne wahkarahrátston. Kwáh kíʼ thóh nénhtiere tsioríwa tsi iáh tesehwathahonsahtáton nónenh sahkwahthárahse, tánon iáh thaʼtesehwariwahseráhkwen nónenh siakwahnáhton.”

Jeremiah 44:4

Iewatʼkhontáhkwenh ieʼkhehiateniéthaʼkwe nahkenhatsherahókons ne rotitokénʼse, ronónha ietʼtsiró꞉ri ne tó꞉sa éhtho nahisehwá꞉iereh kí꞉ken tehioriwahnónhiani ne íksons.