Hosea 7:1 - Ohiatonhseratokénti

¹ né nó꞉nen ensketsiénte Nisrael, nahoriwahetkénhsera ne Ephraim enkarihotáshionke, tánon ne ahoweienhnatʼkénsera ne Samaria; asè꞉ken ne tewareniá꞉tha nonhó꞉wen, ne ratinénskwas tehatinoharíhtha tsi iehontawehiá꞉tha, tánon ne ratinénskwas atstésons ó꞉ni nón꞉we nisakotinenhrakárias.

Hosea 7:1 Referans Kwoze

Hosea 7:13

Rotithentáhsere, asè꞉ken é꞉ren ró꞉neton nakonhà꞉ke! Atkaronhniátshera enhotirá꞉ne, asè꞉ken iáh tehionkewenhnaráhkwah! Ahónton nakheniá꞉kente, ók ionkanowenhténhnis.

Hosea 6:4

Onʼnakoniérase ní꞉se, O Ephraim? Onʼnakoniérase ní꞉se Judah? Ne senineronhkwáhtsera thóh ní꞉ioht kwáh né꞉ne iotsatarónhnion, kwáh tsi ní꞉ioht ne iohawé꞉ien iostó꞉re teskahaweiáhkwa.

Luke 19:42

Aiaȣens kenhas oni nise, arahona oni onȣa kenh ȣenniserate aesariȣaientereon, tsini karihotens tsi oni nonȣe aontakaientakȣe asetsenri ne skennen! Iah ki oh taonsaiaȣenne onense tesateronȣekon.

Hosea 4:2

Rontewenhnatsatánions, ronhnowenhtánions, tánon shonterihwatewatánions, tánon kanenskwátsheras tánon kanakwaiesátshera ioterihwathéntion; kwáh rotinekwenhsarónhnions.

Luke 13:34

Jerusalem, Jerusalem ise ne sheiaȣenttos ne Rotitokense, nok shenenhioiaks ne tiesatennietenni! toh niioriȣake ȣakatenienten nakheiataroroke ne Seienhokonha, tsinikaierha ne kitkit tsi iakoiataroroks nakoienhokonha kaneraontsokon, nok iah tesathontaton.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

Micah 6:16

Asè꞉ken ne sateweiénton ne raoianerénhseras ne Omri tánon akwé꞉kon tsi nikahiothenseróhthens ne raonónskon káien ne Ahab, iaskóntakwe ne waʼtsere tsi nihatiweienó꞉tens. Né kíʼ aorì꞉wa kwáh kíʼ karihwaieshá꞉tshera enkonionniáte, tánon ne skátne sewanákeres ne enhieshón꞉niate taiesahtienhónhase; káti í꞉se ensatkéthate ne kakenronhniá꞉tshera nakonkweʼtashón꞉as raotirihwà꞉ke.

Amos 8:14

Tsi niiá꞉kon né꞉ne konwarihwanirá꞉ti ne kaiatónhni Ashimah ne Samaria nón꞉we, tánon iónton, “Tsi nirónhne ne saní꞉io, O Dan,” tánon, “Tsi ní꞉ioht tsi ronón꞉nhe ne Beersheba”— kwáh kí enhatihiatsenénhne tánon iáh nonhwénton thatahonsahatí꞉tane.

Hosea 11:12

Ne Ephraim kwáh ne tewakatsathá꞉ton nonó꞉wens, tánon nonkweshón꞉as Nisraeró꞉nonke né꞉ne ratinikonráhtha; ók ne Judah shé꞉kon ki nenhné꞉e Rawenni꞉io skátne tehiatekhahákwa, tánon iorihwató꞉ken rahonhà꞉ke ne Rohiatatokénhti í꞉ken.

Hosea 10:5

Ne Samaria nihatinákeres wahotihiatísonkwe né꞉ne tionhnóns꞉kwaron owí꞉ra owistanó꞉ron kahiatón꞉ni wakarihón꞉ni ne Beth-aven nón꞉we. Ne nahonkweʼtashón꞉as kwáh enhiontsiónhnionkwe, tánon né kahiatón꞉nis konwashén꞉naiens ratitsihénstatsis kwáh thenhotihénrete ne entkarihón꞉ni, ne tsi ahohiatanerakwáhtshera tsi é꞉ren tsawéton.

Hosea 8:9

Asè꞉ken Assyria nón꞉we niehoné꞉non, tsi ní꞉ioht ne karakonró꞉non tewahòn꞉tes rahonhahák꞉kok tehotawenhreháties; Ne Ephraim ne iakonháhon ne ratinakwenhá꞉wis.

Hosea 8:5

Í꞉k shóns tí꞉ken owistanó꞉ron tionhnónskwahron Sahiatón꞉ni O Samaria. Tsió꞉tets nakenakwáhtshera tsi nokwáh ní꞉se. Thóh nikarì꞉wes iatahatikwé꞉ni ne thé꞉nen ahontonhníhien?

Hosea 5:1

Sewathóntet kí꞉ken, O sewatsihénstatsis! Sewathenʼnikónhraren, O tiónkwes Israerró꞉nonhke! Sewatahónsatat, O rahonkweʼtashón꞉as ne Ronnontí꞉io! Asè꞉ken ne karihwenhtátsheras í꞉se sewarihwá꞉kes; asè꞉ken í꞉se teietsinikará꞉rahkwe ne Mizpah nón꞉we, tánon ahá꞉re watkonwatakwaríten ne Tabor,

Hosea 4:17

Ne Ephraim kahiatonhnishón꞉as nenené꞉e iehiakotsatará꞉ni— thóh wé꞉sek.

Ezekiel 23:4

Oholah nahakosenhnóten ne tiekowáhnen tánon Oholibah ionhtátsiats ne tsiathatekénha. Í꞉ih akonhkwéta wahtsiáton, tánon wahotiwirahiéntahne rothiskenrahkéte ó꞉ni tionahthonwísenh. Ók tsi nihiothisenhnótens, ne Oholah né nènhʼne iakothátsiase ne Samaria ók ne Oholibah ne nènhʼne iakothátsiase ne Jerusalem.

Ezekiel 16:46

“Ne tshiekowáhnen satsíha, ne akonahtasónhas, ne꞉ne Samaria, né꞉ne othoréke nòkwahti hiotséton. Ne kén nienhiakáha sehkénha, skátʼke nakonahtasónhas, né꞉ne Sodom, né꞉ne entiéʼne nokwàti hiotséton.

Jeremiah 51:9

Ne thiononhontsá꞉te ne nón꞉we nihatinákeréhkwe wahonhní꞉ron, wahakwateʼnién꞉ten nahiakwasnié꞉nonhke Babylonia ok sótsi wahonkwanísko. Á꞉nion ó꞉nenh tsi tewathénhti. Rawenni꞉io rarewá꞉ton ne Babylon kwáh roshatstenhserakwé꞉kon tánon kwáh roriwéntʼtho.”

Isaiah 59:12

Asèken nonkwaterihwatewaʼtónhtshera ne sahénton tsi niʼiaweʼtowáhne, ó꞉ni nonkwahrihwaʼneraháktsheras né karihwanírats ionkwatʼkónte nontionhá꞉ke. Nonwaterihwaʼtewatón꞉tshera kwáh í꞉ken tsi iakwahkwékon, tánon iakwahriwaʼhientéri nonkwarihwaʼneraháktsheras:

Isaiah 28:1

Áh, ne rotiʼnaiéston ne katsitsaʼrahrá꞉kons tsi kakakwenhtónhni ne ratiʼnekakástha ne Ephraimke, tánon ne iotashó꞉kwen notsítsa ne nahohiatanerakwáhtshera í꞉ken tsi niʼioràse, thóh káhere ratiʼnontsínes tsi niháti ne ronatewehrénhko tsi nihónhneks ne iokwaréhsens, né꞉ne tsi niháti teotirenhkénhnies notsí꞉tsa!

Ezekiel 24:13

Jerusalem, tsi natehiótsion tsi niseweienʼnhótens ne teshahiathatsiónton. Ethosáne wahkatheniénten ne ahonsakonhionʼnahserónhni, iaskónhtakwe wateshathatsathátsionte. Iáh shé꞉kon tahonshasatsiató꞉hare tsi nióre iensátʼtoke ne kwáh kashastsʼtenserahnáhnon nakenahkwáhtshera.

Hosea 11:8

Onh ní꞉ioht tsi akonhiatsakwaríhsi, Ephraim? Onh ní꞉ioht tsi iakonhiát꞉kawe O Israel? Onh ní꞉ioht tsi thóh nakonhión꞉ni tsi ní꞉ioht ne Admah? Onh ní꞉ioht tsi thóh nakonhiatsérase tsi ní꞉ioht ne Zeboiim? Nakwé꞉ri tehiowishónkwa nakonhà꞉ke; nakenoronhkwáhtshera tsotarí꞉hens tánon ionétskas.

Isaiah 59:13

tsehionkwahtaʼtewenhniʼiostonháties, tánon tsi tewatonhníha ne Roiá꞉ner, tánon hionkwatsʼwaténion ne tó꞉sa atsitewá꞉sehre nónhkwah Ní꞉io, né ionkwahthaʼrákwen ne karonhiakénhsera tánon nahiaʼkinenraká꞉ri, né iatiónnhets nonówens owenhnaʼókons tánon tsi nihionkwahthaʼrákwen tsi nitewé꞉tha nonkweʼriá꞉ne.

Isaiah 59:14

Né kaiáneren onàken skahawíton, tánon né karihwakwahrishióntshera ahí꞉non nió꞉re ít꞉kaʼte; asèken norihwí꞉io íken thóh tsioshiʼtsiásks tsi iontkenhnisahá꞉tha nón꞉kwe, tánon né tkarihwaiéri iáh takakwéni niahontáweiaʼte.

Hosea 12:1

Ne Ephraim thóh enontsiatá꞉ren tsi teioweratá꞉se, tánon ne ratiweráhsera kontaseʼkó꞉wa ne tsitkarahkwí꞉nekens nentkawerénhawe; ne tehatinanetárions nonhó꞉wens tánon ne iaothé꞉nen kaianerénhsera tè꞉ken; wahontsanerenhserón꞉ni skátne ne Assyria, tánon ne kénʼie Egypt niahatíhawe.

Hosea 12:2

Ne Roiá꞉ner ró꞉ien nasakorihwáro ne Judahró꞉nons; tánon ó꞉ni enhoré꞉wate ne Jacob ne entsoianénhawe tsi nihaweienó꞉tens, tánon ne enshokariákten tsi nihahiothenseró꞉ten.

Amos 3:9

Ietshirihowanáhten tsi niiá꞉kon ne Rotinontiió꞉sons raotinónhskonʼs ieʼterón꞉ton ne Ashdod, tánon ne tsi kanonhsó꞉tonʼs ne tsi ionhontsá꞉ien ne Egypt, tánon sewén꞉ron, “Sewanitiohkwaró꞉rok ne tsi ionhniahrónnion aktóntieʼs ne Samaria, tánon sewatkáhtho tsi niiorí꞉tstare ne nón꞉we, tánon ne sewaterihwateʼwáhton niioterihwahténtion neh nón꞉we.”

Amos 3:10

Iáh tehonaterién꞉tare oh ní꞉ioht tsi ahotiriwatokénhake, rá꞉ton ne Roiá꞉ner, tsi niiá꞉kon ne ne iakoteweienʼtónties ne kaianerenhseráksens tánon kanenhskwáhtsera ne raotinonhskónhsons.