Hosea 2:8 - Ohiatonhseratokénti

⁸ Iáh kí tehioterienʼtá꞉rakwe né꞉tho tsi í꞉i tká꞉wine nonátsa, ne onenhará꞉keri, tánon ne kénhie, tánon í꞉i watseritʼtse ne kawistará꞉kens tánon nowistanoronhshón꞉as tsi ne ronstákwen tsi ronhwasenhnaiénskwe ne Baal.

Hosea 2:8 Referans Kwoze

Isaiah 1:3

Né tehonákares tionhnónskwahron rátsinn roienhtérih né raotshénen, ne tewahón꞉tes roteriénhtare tsi nón꞉we nihatekwahtahástha tsi nón꞉we nihonóntens ne rahiatakwení꞉io; ók né Israel iáh né tehioteriéntare, nakonkwetaʼshón꞉ʼas iáh tehotiʼnikonhraiéntas.

Hosea 13:2

Tánon nón꞉wa iehotikontákwen rotirihwanerenháties tánon ronónha ronhthatsatonhniseronhnién꞉nis, né꞉ne kahiatonhnishón꞉as ne kawistará꞉kens ne tsioianénhas tsinihotinikonraiéntas, akwé꞉kon né꞉ne rawistón꞉ni rasahánions. “Ronónha ietsiiateskóntʼtas,” enhonhní꞉ron. Nonkweshón꞉as tionhnónskwahron owí꞉ra kahiatonhnishón꞉as tekonwatinoronhkwahnióntons!

Hosea 8:4

Washakotinontiiotseronhniá꞉nion, ók iáh kí akonhà꞉ke nón꞉we tetsawé꞉non; washakotiiatarakwenhá꞉ton nahonwatihénthenhse, ók kí iáh kí tekherihwanirá꞉ti. Né꞉ne raonáwenk kawistará꞉kens tánon nowistanó꞉rons ne wahontsatonhniseronhniátakwe kwáh ronhnón꞉ha wahontatónhnien nahotiiathatónhte.

Hosea 4:11

kanakwaieshátshera. Onenharákeris tánon nonékase onenharákeris ne iekáhas ne raotinikonhraienthátshera.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Luke 15:13

Iah tokariȣes onen akȣekon roienahatie ne kenh niraha tsinikon raoȣenk, nok ȣahatenti, ihnon tienakere eh niiahare, eh nonȣe iahatekkȣisa kenteserakon ne raoȣistakenha.

Habakkuk 1:16

Kwáh ó꞉ni iekaní꞉hareh wakonwasenhná꞉ien ne raonáhare tánon wahontsienkwahrón꞉niate; asè꞉ken thóh nitsawé꞉non tsi natehokháson kwen ne iawetowá꞉nen í꞉ken, tánon ne raókwas tsi niiókwats.

Hosea 2:5

Asè꞉ken ne konhwanisthénha ne iotswátonhne ne kanakwaiesátshera; tsi niká꞉ien ne iakawenhnakerátston atehenserákon tsi nihiotié꞉ren. Asè꞉ken iáwenh, “Kwáh kí enkheséhreson naskareshónhas; ronónha ionkenataranónhtens tánon ionkhenanóntens, ne teiotinaʼkarontónha ononwé꞉ron tánon nakeniatarahashónhas, nakénhie iakeiewáthas tánon ne katonhwesenhtákwah ohnekashón꞉as.”

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Jeremiah 7:18

Ne ratiksaʼokónhas rathiʼientahró꞉roks ne iontekahthákwa, ne ronnónhkwe rontʼtsienhónnis, tánon ne konnʼonhkwe tehiotisehrahwénhrie nakonhwanahtharónnien ne kahiatónni né konhwahnathónkwa Ionnonhtí꞉io ne Karonhiáke. Kwáh ó꞉ni thóh thinekawéhron notsítsia nakonwathítatʼtie nóia kahiatónnis, né꞉ne ahiontʼkahréwahthe.

Isaiah 46:6

Tsi ní꞉iakon ne tseiakokthonró꞉hon nowistanóron tsi tsaketákwas nakonathatserákon, tánon iekontserihara ne kawitará꞉kens— wahhonwánhaʼne ne rawistanorontserónni, né꞉ne wahaniʼioserónniaʼte; eʼthó꞉ne wahontsiaʼtiénenhte tánon wakonwasénhnaien!

Judges 9:27

Ratikwékon tsi rotinenharaientʼthóserons niahónhne tánon wahatinenharáko, né wahontnekónhniaʼte ne onenharatasehontserákeri, tánon wahontenikonhró꞉ri. Ethò꞉ne ononsatokentikowáhne niahón꞉ne ne raotiní꞉io, wathonská꞉on ó꞉ni wahatinekí꞉ra, tánon thahonwaié꞉ron ne Abimelech.

Hosea 10:1

Nisraeró꞉non kwáh í꞉ken tsi iokwáts tsi ní꞉ioht tsi watenenharí꞉sehres tsi niwé꞉so wahianihiontʼtha. Ne sénha wé꞉so enwahianihiónten sénha kí wé꞉so ensrónh꞉ni ne ietsenhará꞉kwa; ne raonakeráhsera tsi nenhioianerásthen, sénha kí wahaianeráste ne kanawahatashón꞉as ne tsi raterenhnaientáhkwa.

Deuteronomy 8:18

Sewehiá꞉rak tsi Roiá꞉ner sewaNí꞉io tetshisewá꞉wis ne kaʼshatsténhsera nahisewakwahtsè꞉ne. Thóh ki nihaié꞉ra tiorí꞉wa tsi shé꞉kon roriwató꞉ken nón꞉wa wenhniserá꞉te ne nateriwaʼseronhniá꞉tshera ró꞉shon skátke ne ietsisoʼthonkonhkén꞉en.

Ezekiel 23:41

Eh entsiátien ne kwáh watsitskwarahtserí꞉io, nahothihénton eh wahtetkwahrahtseró꞉the titkáhere ne iohiáneres, ó꞉ni ne wenhnekeráhkon nahiontsienkwahrónhniate tánon ne iakeniewáhtha kénʼie né꞉ne tetkhehiáwi.

Daniel 3:1

Ronnontí꞉io Nebuchadnezzar wahaténhnhaʼne ahonwaiaʼtonnihserónnien à꞉ohskon ohwistanó꞉ron, tióhton niwáhsen niwahshítake naontaiótteke tánon tióhton niwahshítake naʼtaontaká꞉ron tánon Dura tsi aotonhwentsià꞉ke iahahiaʼtonnihseró꞉take, tsi watonhontsá꞉ien ne Babylònhne.

Hosea 13:1

Nó꞉nen ne Ephraim enhatháti, watsiahontsíshonkwe; rasenhnowanénkwe ne Israerró꞉nonhke; ók wahatatsatotares꞉te ne kanhí꞉tsera rahonhà꞉ke ne Baal tánon warenhéie.

1 Chronicles 29:16

O Saiá꞉ner, onhkwaNí꞉io, taiakwáhaʼwe akwé꞉kon skát꞉ke kí꞉ken ahtsokowátshera né naiakwahtenonsón꞉ni nononsatokentiʼkówa naiakwahkwéʼnienste ne sasennaʼtokénti, ók akwé꞉kon í꞉seke nitsawé꞉non tánon akwé꞉kon í꞉se sáwenk.

Job Tánon ne Raoronhiakensera 19:8

Ne Rawenni꞉io wahatenhenraién tsi watkhá꞉tatse ne káti ne iáh tatkwé꞉ni ne akatóhetste; tánon tahakáraste ne tsi wakhá꞉tatse.