Hosea 2:1 - Ohiatonhseratokénti

¹ Tsiénhas ne tsatatekén꞉a, Ammi, tánon ne tsatenosénha, Ruhamah.

Hosea 2:1 Referans Kwoze

1 Tiér 2:10

Ieióhene iáh níse Rawenni꞉io rahonkwéta tekènne, nók ónen kíʼ rahónha rahonkwéta sewatónʼon; ieióhene iáh tesewateriéntarakwe ne Rawení꞉io raotaniténrat.

Hosea 2:23

Tánon kwáh í꞉i entsienthó꞉serons nohontsá꞉ke. Tánon kwáh enkithénren ne Lo-ruhamah, tánon kwáh enhiiénhase ne Lo-ammi, “í꞉se nakonkwè꞉ta í꞉ken”; tánon kwáh enhénron, “í꞉se nakení꞉io í꞉ken.”

1 Timothy 1:13

iawerohátsien ne tiothohétston kariwáksen tsi ní꞉ioht tsi rihiatátiase ó꞉ni rihronhiakénton tánon rihnikonraksáton. Nók ne Rawenni꞉io kwáh wahakhìtenre tsoríwa tsi iáh arèkok sitewahketákwen tánon káti iáh tewahkateriéntarahkwe tsi nikatiérahkwe.

2 Corinthians 4:1

Sótsi thorihwaié꞉ri ne Rawenni꞉io neh waʼkarihón꞉ni waʼshonkwaniá꞉hese naionkwaióʼten ne raoʼioténhsera. Ne aorì꞉wa tóhsa kiʼ tewaʼnikonhrókten.

Zechariah 13:9

Tánon enhihiatheniénten ne ahsénhaton ne iatenhotáhtereh ó꞉ni kwáh enshekhehionhnahserón꞉ni tsi ní꞉ioht ne ó꞉tsire sahkaristahní꞉rahte ne karistará꞉ken. Kwáh enkhehiateniénten tsi ní꞉ioht tsi wahteniéntha ne ó꞉tsire ne owistahnó꞉ron. Ethò꞉ne hakónhake nón꞉we nenhonterén꞉naien, tánon tenkheriwahserá꞉kwahse. Entkhehró꞉ri tsi Í꞉i akonkweʼthashón꞉ʼa, ó꞉ni kwáh enhatiriwahní꞉rahte tsi Í꞉i raothiní꞉io.”

Ezekiel 37:27

Kwáh thóh nónhwe skátʼke enhiakwahnáhkereke; Í꞉i ne raotiNí꞉io enkénhake, tánon rohnónha nakonhkwetashón꞉ʼa enkénhake.

Ezekiel 36:28

Ethòne thóh nónhwe nenhsenákerehke tsi ionhontsáien ne shesotʼthonkonhkénʼen tekhehiáwi. Í꞉se nakonhkwéta enhkénhake, tánon Í꞉i ne sahNí꞉io enkénhake.

Ezekiel 11:20

Ethòne enhonteweiénton natianerénhseras tánon enhothiriwahtokénhake tsi enhontewénhnarahkwe nakeriwahtátʼtsheras. Ronónha nahkonhkwetashón꞉ʼa enkénhake, tánon Í꞉i ne raotiní꞉io enkénhake.

Jeremiah 32:38

Ethóhʼne Í꞉i akonhkwetaʼshón꞉a enhónton, tánon Í꞉i ne raotiʼNí꞉io enkénhake.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Hosea 2:2

Tesenirihwakénha ne saʼnisténha— asè꞉ken iáh ne tehionkeniniákon, tánon ne raónha iáh ne tehionkeniniákon— tesenirihwakénha né꞉ne taká꞉taʼne tsi niwatenakwahiesátha tsi niwatkontonhonstánions ne kanónsake, tánon tsi nihiotenaiéston ne tsi tekanontó꞉kens,

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Jeremiah 51:5

Í꞉i, ne Watiá꞉ner KeʼNí꞉io Keshastsʼtenseroʼwáhnen, iáh tekhehiatewenhthéton ne Israel ó꞉ni ne Judah, iáh wehrohátien tsi rotiʼriwáhnerenh tsi nòkwah ní꞉i, ne Rotokénti ne Israel.

Ezekiel 36:11

Kwáh enkhehiónhnien nonhkweshón꞉as ó꞉ni ne konhthitshénenhs nahionatiokowáhna. Sénha í꞉se ensewenhtiokowahkénhke tsi nitiothónhne, tánon wéso ensewahwirahiéntahne. Kwáh enkwahríhon thóh nónhwe nahisewahnáhkereke tsi nisewahrenhnáhonhne, tánon kwáh sénha enhkwahkwasétsten tsi nitiotónhne. Ethòne ensewahteriéntarahne tsi Í꞉i ne Watiá꞉ner.