Hosea 10:12 - Ohiatonhseratokénti

¹² Ne sewathatsiénthos ne karihwakwahrihshióntsheras; ne sewaienthó꞉ko ne iorihwató꞉ken kanoronkwáhtshera; tesakenrawénhrie tsi nón꞉we nisatonhontsaserón꞉ni; asè꞉ken ó꞉nen iehióhe natsiatísake ne Roiá꞉ner, ne kí nahónton nahóntare tánon ne ahakenhnóreste ne karihwakwahrishón꞉tshera shón꞉hake.

Hosea 10:12 Referans Kwoze

Ne꞉ne Sák Rohiaton 3:18

Tánon ne tkariwaiéri né kaientʼtkwáʼkwas tsi nihothiiénhthoserons ne rathinónwes ne skén꞉nen.

Isaiah 45:8

Iotsataratsiéson naiokénhnoʼre, Ó karonhiakésons, né éhʼneken nahontá꞉we, tánon ánion ne tsi karonhiátes ne tsiokénhnóre ne karihwakwahrishióntshera; ánion watenotónhko tsi ionwenhtsáte, né꞉ne kaienawaséhtshera ahontaká꞉reke, tánon né ahiónhni ne karihwakwahrihshióntsheras tahiót꞉kaʼwe; I꞉i ne Watiá꞉ner wakʼsahánion.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Isaiah 55:6

Tsiaʼtísak ne Roiá꞉ner tsík sénhak shé꞉kon ahonwahiaʼtatʼtshénhri, iaʼtienáton tsík sénhak shé꞉kon ákta í꞉res;

Hosea 6:3

Ánion ionkwahterientáran, tewá꞉rek natsitewaienterahʼne ne Roiá꞉ner; tsi nontahawenonhátie etʼniiorihwí꞉io tsi ní꞉ioht tsi tahiorenhehátie; kwáh thóh ní꞉ioht tsi enshonkwahiatórenhne tsi ní꞉ioht ne iotsatará꞉tses nokenhnoré꞉seras, tsi ní꞉ioht ne kokwitè꞉ne iokenhnó꞉res ionekanóntens nonhóntsa.”

Isaiah 44:3

Asèken entewatnekónti ne ioniatʼtátʼtens ohóntsa, tánon enkahionhaténionhne thóh ne tsi iahontsiát꞉ten; Kwáh entkáweron nakenikónra rononhàke ne sehiohokónhas, tánon natiaʼtaterítsheras rononhàke tsi iensatʼwatsiríne.

Ecclesiastes 11:6

Ohronhkéne tánon ohkarasnéha nikaháwi tsentʼtóhsehron. Iáh nonhwénhton tesateriéntahre thóh káken akwékon entkánio iáh ó꞉ni taskwéni nasatró꞉ri kanikáien sénha iohianeráston.

Psalms 105:4

Rahonháke ne Roiá꞉ner niaháseʼwe natsisewaʼiénawaʼse; tánon iehiokonhtakwénhak tsi sewaʼsenhnaiénsek.

Luke 13:24

Tontahenron: seȣaskennha ne tsinonkati nikannhohaha aheseȣataȣeiatakȣe, aseken kȣarori, kentiokoȣanen enhionteniente nʼiaiontaȣeiate nok iah taiekȣeni.

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Amos 5:6

Tsi sewahiatí꞉sak ne Roiá꞉ner ne nahónton ahí꞉tionnheke, khés kwáh é꞉tho nienhénre iensakotsatónhti nonkweshón꞉as tsi ronhnónhshote ne Só꞉se tsi ní꞉ioht notsí꞉re, tánon kwáh enwatsáhate ne Bethel, tánon iáh ónhka taiekwé꞉ni nahonsahiónswate.

Isaiah 31:1

Iothatithénrat tsi nihiákon ne thóh niehiakawénon ne Egypt nón꞉we iakawesák꞉kon ne kaienawaséhtshera tánon ne ronón꞉ha né꞉ne ratiniahésen ne iakosá꞉tens, ne ronón꞉ha thóh né nonhnithonetákwen notsiónkwas tsioríhwa tsi niwé꞉so rotiseré꞉taien tánon ne rotisáhtens kosáhtens tsioríhwa tsi kwáh í꞉ken tsi nihatishátste, ók iáh kí tsatehonwakánere ne Roiatatokénti í꞉ken NʼIsraerʼronónke khés nahonwarihwaʼnontónhni ne Roiá꞉ner!

Amos 5:4

Asè꞉ken ne kí aorì꞉wa ne Roiá꞉ner shakohró꞉ris nonhkweshón꞉a ne Israerró꞉nonhke: Takwahiatí꞉sak tánon tiónhnhek;

Hosea 12:6

Ók kí ní꞉se, Saní꞉io nón꞉we nionsáse, ne satienawastónhak ne raʼonoronhkwáhtshera tánon ne kaianéren, tánon tasakontakwénhak tsi tsiaterá꞉rat ne Saní꞉io.

Amos 5:8

Né꞉ne tsi niká꞉ien ne rotsistokonhniánion ne iohshónte ienekaráhkwa tánon ne ratórats, tánon ne kwáh tetiò꞉karas tetsoswát꞉tes noronhkè꞉ne, tánon nenhtieʼkè꞉ne oʼkaráhsa iesewá꞉tons, tánon kaniatarakeʼkowáhne iehanekákwas, tánon è꞉neken ne tsi ionhontsá꞉te tanekawé꞉rons, né raoshén꞉na né꞉ne Roiá꞉ner í꞉ken,

Hosea 8:7

Asè꞉ken nowé꞉ron ahatiiéntʼtho, tánon kwáh kí ne enhatiientʼwáko ne tekaweratá꞉ses. Nonátsia kaiénthon iáh othé꞉nen tehionatsóhare, iáh othé꞉nen takatheseronhní꞉hake; tó꞉ka thé꞉nen ahontakáhawe, thiononhontsá꞉te nenhné꞉e enhontekwí꞉sa.

Acts 2:18

Iekaní꞉hare ne rotiskenhrakè꞉te tánon ne tionaʼthonhwí꞉sens ratinhá꞉tsheras, né thóh entewenhniseraténionhke, kwáh entkawé꞉ron nakeshatsténhsera, tánon ó꞉ni enhonteriwanóten nakateriwaʼnothátshera.

Ezekiel 34:26

“Kwáh enkhehiatatéristhe tánon enkheríhon nakonhthiterónhtake aktónhtse nakenonhthatokentíke. Thóh nónhwe nenhkhehiathatéristhe tsi nenhiotsatarahtséʼsehke nokenhnorésehra nónenh tehonathonhóntsiohse.

Isaiah 32:20

Sewatáskats ní꞉se tsi nítsion ne thóh nón꞉we nisewaiéntʼton kwáh tsi nón꞉we niʼkahionhaténions, í꞉se ietsirihwáwi ne tehotinákares tánon ne tewahóntes watenatowánen tsi ahontatewenhní꞉ioʼke.

Isaiah 30:23

Kwáh enhakenhnó꞉reste tsi nisatsinetarón꞉tion nonwenhtsàke, tánon nonátsias, tsi nentkáhawe nonwenhtsàke, né꞉ne enhiokwatsʼtónhake tánon enkanákerenhne. Nètho enwennhniseráteʼke ne satshenenhókons tionnónskwahrons thóh nón꞉we nenhkontekónhni tsi watenhenró꞉wanenke;

Jeremiah 50:4

Ethóhʼne ne Israerʼró꞉nons ó꞉ni ne Judahró꞉nons iaʼtehóntiesʼthe, “Ráton ne Roiá꞉ner, tehonséntʼthos tánon ronhwahiatísaks ne Roiá꞉ner raotiʼNí꞉io.

Isaiah 5:6

Kwáh ne enkatonhontsatsesate; kwáh iáh tahontkwiraseronhníhake khés nahionthontháiake, tánon kwáh ne thentsoróhronʼke nonionhwáras tánon ohíktas; kwáh enkenane ne tsi otshataʼókons ne tó꞉sa ahonsaiórane ne thóh nón꞉we nihiokwénhraʼre.

Proverbs 18:21

Tsi nahò꞉ten enhsì꞉ron enkakwé꞉ni nakanónhstate natónhnhets, tókaʼ ó꞉ni akarihwáhtonʼte; ó꞉nenk ká꞉ti tsi enhshié꞉na tsi neniá꞉wenʼne nahò꞉ten entehsewennínekenʼne.

Psalms 72:6

Waʼkaterénhnaien thóh nahahiatoténhake tsi ní꞉ioht ne iohkenhnó꞉ron tsi nón꞉we nikaientʼthóhseron, tsi ní꞉ioht tsi iohtsatará꞉ties tsi iokenhnó꞉res nonhwenhtsáke.

2 Corinthians 9:10

Rawenni꞉io tehshakó꞉wis ratiiénthos ne kanenhaʼshónʼa. Ó꞉ni akwé꞉kon niehshakonón꞉tens. Tenhaiá꞉seren tsi nisá꞉ien, né꞉ʼe ne iaonsahshé꞉ion ónhka teiontkárias.

Isaiah 48:18

Ó ní꞉se nahiʼsathahonsatá꞉tonhke naʼkwatsawenhrátsheras! Eʼthó꞉ne ne sahiataterítshera thóh nahiotón꞉hake tsi ní꞉ioht né nakaniaʼtaratátie, tánon tsi niʼsaterihwathentiáton kwáh né꞉ne tsi ionontakwarontátses kaniatarakhekówaʼne;

Hosea 14:1

Tonhtásehwe, O Israel, rahonhà꞉ke ne Roiá꞉ner Sewaní꞉io, asè꞉ken tesewarakwénhtaras ne karihón꞉nis sehwarihwaneraháktshera.

Isaiah 54:14

Karihwaʼkwarishiontsherákon ní꞉se nón꞉we nenhsarihwaníronhke; ní꞉se ahí꞉non nió꞉re enteshé꞉seke naʼiesanikonraronhiákente, asèken ní꞉se iáh tahisaterónhseʼke; tánon nahontáwe ne katerontserowánen, asèken iáh tsatákʼta tahontáhwe.