Haggai 1:4 - Ohiatonhseratokénti

⁴ Ó꞉nenh ken thóh tsi nikahá꞉wi ní꞉se ne iatesewahiátis thóh nahisewenhterónhtake ne washirowá꞉nens oswénhkare wasthá꞉nion ne sewanonskónhsons, tsi ná꞉he ní꞉i nakénonsa iorihwenhtà꞉on?

Haggai 1:4 Referans Kwoze

2 Samuel 7:2

ne ronnontí꞉io wahawénhaʼse ne rotó꞉kense Nathan, “Skatkátho ó꞉nen, ní꞉i thóh kíteron tsi kanón꞉shote nonenhtakwénhte, ók ne raoneró꞉kwah nateriwaseronniátshera ne Ní꞉io atoserákon nenʼné꞉eh tká꞉ien.”

Philippians 2:21

Ne ronatsakhéson nek khók nènʼne ronʼnontónʼnions nahóten ne ahontatrákwase nók iáh nènʼne tsi nahóten roskènen ne Ié꞉sos Kerístos.

Haggai 1:9

Wesewésake ne wé꞉so akénhake ók kenk nón꞉kon wesewaʼtshén꞉ri. Tsi nahotentontesewáhawe; i꞉se iahonká꞉ti. Nón꞉tieren? rá꞉ton ne Sakoiá꞉ner ne ratironhiaʼkehró꞉nons. Tiorì꞉wa nakenonsatokentikó꞉wa ehtà꞉ke káien iorihwenhtàhon, otsák ní꞉se sewakwé꞉kon iathetsisewatskén꞉ni tsi tisewahnonshó꞉ton nientsisewatátkhe.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Jeremiah 52:13

Wahatenónhkwahtekʼte Nononhsatokentiʼkówa, tánon ne tsi rohnónhsohte ne Ronhnonhtí꞉io, tánon ne tsi rohtiʼnonhsóhtons ne ronhnonhkweʼtowáhnenhs ne Jerusalem;

Micah 3:12

É꞉tho káti í꞉se sarì꞉wa ne Zion kwáh tsi ní꞉ioht ne kahentà꞉ke tsi enhathitarakarát꞉tho; né Jerusalem né꞉ne ienhwá꞉ton enhiontohiótane ononhwénhsera, tánon Nononsatokentikó꞉wane karakonʼkó꞉wa enwá꞉ton.

Lamentations 4:1

Tsi natehiostarátʼthekwe nonkwáhwenk nowistanóron iáh ó꞉nen tatetsiostarát:te; Ne tekaneniaserónnionʼkwe nononsatokentíke kanatakónsons tehiotáron.

Lamentations 2:7

Ne Roiá꞉ner wahakénron neh rahówenk ientsenharákwa ó꞉ni ahéren wárehte ne Rahononsatoʼkentíke; Wahsakoríhon ne tehontátswens nahathirísi noshontasónhas. Wahthotihénrete natesenniétsera tsi nónwe nihiakwaterénnaienskwe ne sihionkwatʼtsennónni.

Jeremiah 33:12

Ne Roiá꞉ner Roshastsʼtenserowáhnenh ráton, “Ne kénʼen ionwénhtsiaien kwáh thóh ní꞉ioht tsi ní꞉ioht ne iahonwenhtsaténhake tánon tsi nónhwe iáh ónhka nonhkweshón꞉a ó꞉ni ne katʼtshénenh tehatináhkere, kwáh káti shé꞉kon énska iensehwáhtheratsʼte enskahenthaiénthake nahkonhwahtiʼterontákwahke ne katʼtshénenhs tsi nónhwe ne teiotinahkarontónha sahkotinónhʼne nienshakotiʼhiaténhaʼwe ne teiotinahkarontónʼa.

Jeremiah 33:10

Ne Roiá꞉ner wahénron, “Nonhkweshón꞉a ionthónnions ne kénʼen watenáhthaien kwáh thóh ní꞉ioht tsi ní꞉ioht ne iahonwenhtsiaténhake, iáh tehiahonkwéthaien iáh ó꞉ni ne katʼtshénenh nahienáhkerehke. Tánon thaʼthihiérits; tsi kanhatheiénthons ne Judah ó꞉ni ne Jerusalem onhatóskonh íken; iáh nonhkweshón꞉a iáh ó꞉ni ne katʼtshénenhs tehatiʼnáhkere né nónhwe. Ók kí꞉ken nikanhatótens shé꞉kon ki entsisehwáhronhke

Jeremiah 26:18

“Nonenh ne Hezekiah sihononhtí꞉io ne Judah, ne rotó꞉kense Micah ne ne Moresheth nónhwe onhkwetahkwékon wahshaʼkoró꞉ri nètho Roiá꞉ner Roshastsʼtenserowáhnen ráwenh, ‘Ne Zion kwáh ki enkatenrahratʼton kwáh né꞉ne kahentà꞉ke; Jerusalem kwáh enhiosthoʼkotónke tsi nihioriwentà꞉on, tánon nononsatokentiʼkó꞉wa iononhtáhere karákon neh enwá꞉ton.’

Jeremiah 26:6

Tó꞉ka iesehwahthasónteren ne iáh tahisehwahtewénhnarahkwe, ethóhne kíʼ éhtho nenhtiérahse kí꞉ken Ononhsatokentiʼkówah tsi nitiérahse ne Shiloh, tánon onhkwetaʼkwékon ne tsi ionwenhtsiáte ne énhionsthe kíʼ kanatowáhnenh ahosénna naʼieriwahiesáhtaʼkwe.”

Psalms 102:14

Né sanhatsherahókons konhwaʼnorónkwah, iawerohátien tsi konwathónhton konhwénʼthenre iawerohátien tsi iorihwaʼiesáhon.

Psalms 74:7

Waʼhontenonkwa꞉htekʼthe ne Sanonsatokentiʼkówa; waʼthatítionste tsi nón꞉we niʼiesahsenhnaienthákwah, okenhráke wahonhnón꞉ni.

Ezekiel 24:21

Nisraeró꞉nonhs nahonthakwáhion kí꞉ken ateriwahnothátshera: Sehwahthatónhni tsi nikashástsʼte nononhsatokentiʼkówa. Tionwéskwahni nahisehwahkenhénhion tánon niahisehwahnahtaréhnen, ók kíʼ ne Roiá꞉ner henhahétkente. Tánon ne kén nithotihiónsa ne sehwahwatsiráhkon ne Jerusalem nónhwe niatehonathaténron kwáh tsi wahterí꞉io nónhwe nenhonwahtinonhwahrhiákon.

Jeremiah 22:14

Enhariwahiésha nónhka ráton, “Enkataʼtenonhshónnien ne kanonhsohwáhnen enhionatʼthowanénhsehke ne kanhotʼtsoharáhke.” Sók kíʼ wahaʼnonhstonkwahkaʼrónten ne tsi ronónhsohthe, onenhthakwenthétsheras wahashontónniaʼthe, tánon onekwéntahra tahakontieráhrho.

Haggai 1:3

Eʼthò꞉ne ne raowén꞉na ne Roiá꞉ner rahonhà꞉ke ne rotokénhse Haggai nontá꞉we, ratónhnions:

Haggai 1:5

Nón꞉wa rá꞉ton ne Sakoiá꞉ner ne ratironhiaʼkehró꞉nons: Tesewaiaʼtó꞉ret tsi ní꞉ioht tsi tionnhétie.

Leviticus 19:25

Ók ne wískʼkhaton nihioserakehátsie enhwáton nahonsehsewáhiake. Tó꞉ka kí꞉ken oriwakwékon thóh nenhsewáiere, ne sewaronhtasónhas sénha wéso enwahianihiónten. Í꞉i ne Watiá꞉ner Sewaní꞉io íken.

2 Kings 5:26

Ók né Elisha wahénron, “Iáh kén nék khók nakenikónhra tsi thóh iéweskwe nó꞉nen ne rónhkwe shonthahathitáko ne rahoseréthakon notsónhkwa ne tahitsatátken? Iáh kíʼ tsehióhe naieiéna nowísta tánon natʼtserónhniat, iakeniewátha karonhthaiéntʼtons ó꞉ni ne onénhare kakwiraiéntʼthons, teiotinakaronhtónʼa ó꞉ni tsonónskwahrons, khés ne kanhátseras!

Ecclesiastes 3:3

tsi nienkáhewe nahionthatenonhwarhiákon tánon tsi nienkáhewe nahonsahionthatetiénthe, tsi nienkáhewe nakariwénhthonke ne kanahtowánens tánon tsi nienkáhewe nahonsakakwahtakwénhke.