Genesis 9:6 - Ohiatonhseratokénti

⁶ Nónhka aiontatenonhwariá꞉kon nón꞉kwe, akó꞉ren nón꞉kwe entiontatenonhwariá꞉kon; aseʼkénh kwáh tsi nihatkathohtsheró꞉ten ne Rawenni꞉io tsi shakoiaʼtíson nón꞉kwe.

Genesis 9:6 Referans Kwoze

Leviticus 24:17

“Nónhka ahonsahionteriwáʼtewaʼthe ónenk tsi enhonwanonhwariákon,

Matthew 26:52

Ethone tahenron ne Iesos: Saseta ne sasharekoȣa tsinonȣe niionakte: Aseken tsiniiakon neh enkonȣaniahese ok neh entsiakorioste.

Revelation 13:10

Tó꞉ka ní꞉se iaiesaiá꞉tenhawe naiesanhó꞉ton, ne naiesanhó꞉ton iaháse, tó꞉ka ní꞉se aiesanonwarià꞉khon asareʼkó꞉wa á꞉honste, asareʼkó꞉waki enwátston tsi entiesanonwarhià꞉khon. Kí꞉ken ne kariwanón꞉tons ne rotiiatatokéntis ne rotinikonkátste tánon thonhnhetákwen.

Numbers 35:33

Tó꞉ka kíʼ thóh nenhsewáiere, kwáh kíʼ tenhsewénhtsionste nonhóntsa tsi nónhwe nisewanákere. Né sakonaséhtha tehatitsónstha nohóntsas, ók iáh nènhne ne ronhwanonhwariákon ne sakoséhton kwáh iáh othènen tetsóien nahionterihwaténhtiate norihwakahionhnéha ne tsontonhʼnakanonhnitákwah íken né tsi ionhonhtsáien tsi nónhwe né ónhkak hionhthataséhton.

Ne꞉ne Sák Rohiaton 3:9

Ne tewástha ne tatsitewanonwehráton ne Sonkwaiáner ó꞉ni ne Kanísera tánon ó꞉ni naietʼthikenrenserónni nakorénson, tsi nikáien né꞉ne tetʼthonwanathenenténston ne Rawenni꞉io tsi ronwathihiathíson.

Genesis 5:1

Ne kí꞉ken ne ratihsennaʼrónnion tsi wahahwatsiratátie ne Á꞉ton. Nó꞉nen ne Rawenni꞉io sahshakoiaʼtón꞉ni nonkweʼshón꞉ʼa, kwáh thó ní꞉ioht tsi shakoiaʼtíson tsi níhát꞉katotseró꞉ten ne raónha.

Romans 13:4

neh kíʼ tsi Rawenni꞉io rahonkwetaʼsónhas í꞉se sariwáke tsi rotihióte. Nók tokáha kariwáksen tsi nensátiereh, ehʼthóhʼne kíʼ setʼtsanísek, Asèken neh rahothisasténsera kwáh íken tsi hioníron nensakotiréhwaʼte. Rawenni꞉io seh rahonkwethasónhas tánon Rawenni꞉io rahorehwahthátsera rónstha nónka ensakotiréhwaʼte ne kariwáksen tsi nenhóntiereh.

Genesis 4:14

Nón꞉wa wenhniseráte é꞉ren wahstiaʼtenhá꞉wihte nokenrake, ó꞉ni waskatkonsashéhten; kwáh kí enwakeʼnatenhawíson tánon enkonhontsaié꞉sha, tánon nónhka tahiatsiatát꞉ken nonhtierek enhionkenonhwariakhon.”

Psalms 51:4

Waʼkerihwáneren tsi nòkwah ní꞉se, tánon kariwák꞉sen tsi niwaʼkatiéren ne sahénton, tesèhrits nó꞉nen enskénhase, saníkon tsi watestsiatórete tkariwaʼiéri tsi ní꞉ioht tsi wasetréwaʼte.

Numbers 35:25

Né khók ensewánhike ne sewaterihwatewáʼthon íken, tánon ne ienákere entietshiniákenhte tsi nó꞉kwah ne iakawenhéhion ronhtátenonhkwe, tánon tsitʼkanatowánen nenhtsetsiʼiaténhawe tsi nónhwe iesewaniakenʼne. Tánon thóh nónhwe iensewaná꞉kereʼke tsi nióre ienhrénheʼie ne kwáh é꞉neken thótʼthe ratsihénstatsi íken.

1 Corinthians 11:7

Ne rónkwe iáh tatehotonwenhtióni nahatenontsistóroke, tsoríwah tsi renéstha tsi nateskaieróntare ne Rawenni꞉io tánon ne raoiatanerahkwáhtshera. Nok ne tiotonwísen ne wenéstha ne rónkwe rahorensaróntshera;

Genesis 42:22

Eʼthó꞉ne ne Reuben waʼtehshakorihwaʼserákwahse, “Iáh kenh tekwahró꞉ri ne tóhsa tshisewateweienaksá꞉ten ne tho raksá꞉ʼa? Ók iáh tesewatahonsatá꞉ton. Katiʼ ó꞉nen í꞉ʼi tsonkwakariaʼkonhátie ne raonekwènhsa.”

Exodus 20:13

“Tó꞉sa shehiáset nónkwe.

Deuteronomy 5:17

“‘Tó꞉sa shehiá꞉set.

Judges 9:56

Tánon káti Rawenni꞉io seh shahokáriaʼse ne Abimelech ne karihwát꞉senh tsi nihotiéren tsi nòkwah ne roʼníha tsi washakononhwariakónhnion ne tsáta niwáhsen nihátikwe ne ronhtatekenhokónhasʼkwe.

1 Samuel 15:33

Ók kíʼne Samuel wahén꞉ron, “Tsi né꞉eh ne sahsarehkó꞉wa iakahonhniénhni néne konnón꞉kwe tsi iáh tahiotiwiraiéntahne, sanísten kwáh ó꞉ni iáh taiaowiraientane.” Tánon ne Samuel wahó꞉tsowe ne Agag kenkníwas rahohénton ne Roiá꞉ner thóh nón꞉we Gilgal.

2 Kings 11:16

Wakonwaiéna ká꞉ti, tánon tsitʼkanónshoʼte ne kanontiʼiotserákon niakonwaʼiaténhawe, tánon thóh nón꞉we tsi iotenhenraká꞉ronte ne koshá꞉tens konwanatónkwa nakonwanonwaʼriákon.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Ecclesiastes 3:3

tsi nienkáhewe nahionthatenonhwarhiákon tánon tsi nienkáhewe nahonsahionthatetiénthe, tsi nienkáhewe nakariwénhthonke ne kanahtowánens tánon tsi nienkáhewe nahonsakakwahtakwénhke.

Numbers 35:16

“Ók, tó꞉ka shí꞉ken, ónhkak tsi níhtson wésewatsthe ne ionhteriʼiostáhkwah né꞉ne karístatsi khès nonénhia khès nó꞉ienthe nónhkak enhietshinonhwariákon, né kíʼ wesewànhike nathataséhton íken tánon ónenk kíʼ tsi enhietsinonhwariákon.

Deuteronomy 19:11

“Ók tó꞉ka shí꞉ken thesarihó꞉se wasthiá꞉sehte ne tetsiatà꞉tions ne iáh othé꞉nen tetsorihonhní꞉hon tánon ethò꞉ne iashatekwáhsen kak niká꞉ien ne kanatowá꞉nen nahonteshá꞉ne.

2 Samuel 4:11

Thóh káti shé꞉kon ní꞉kon, nó꞉nenh ne ronkwetahét꞉ken róhrio ne thronkweʼtaié꞉ri tho raonaktáhke ne kwáh raón꞉ha raonónskon! Tánon nón꞉wa iáh kén takeriwanón꞉ton ne raonekwénhsa ne í꞉sawe satshanáke, tánon naiesáthonte ne tsi ionwenhtsá꞉te?”

1 Kings 2:9

Ók iáh kíʼ tehiówenk né kénk tsahonhsáre ne tó꞉sa othènen wahonwaréwaʼthe. Sateriénthare tsi nenhshié꞉re, tánon ónenk tsi né enshaterihwathéntsaʼte nahonwanonhwaʼrhiákon.”

2 Kings 11:1

Kwáh tsi niʼiostóre ne Ronnontí꞉io Ahaziah ronisténha Athaliah waʼkarihwáronhke né roʼiénha tsi ronwaséhton, onhtènhnane kwáh ratikwé꞉kon ne rontinontí꞉ios rahotiwátsires tsi ahonwatinonwariakónhnion.

2 Kings 11:20

Kwáh onʼkwetakwéʼkon kaná꞉non tsi iakotonhnáhere, tánon ne tsi kanatowanénhke kwáh sakʼtí꞉ken, né tsi ó꞉nen ne Athaliah tsi konwanonwariákon thóh tsi kanontiʼiotserákon.

2 Chronicles 33:24

Né Amon rahonkweʼtaʼshón꞉as wahonwaterísthaien tánon wahonwarónhthaʼte thóh kanonhtiʼiotsherákon.