Genesis 9:5 - Ohiatonhseratokénti

⁵ Tó꞉ka, ónhkaʼk aiontatáhsehteʼ nakó꞉ren nón꞉kwe, kwáh kíʼ í꞉i enionkeʼnikonhraientáhten nontié꞉ren tsi thóh naiá꞉wenʼne: kwáh ratikwé꞉kon né kontitshé꞉nens kwáh ne saʼorí꞉wa tsi enkeriʼwanón꞉ton tánon kwáh ó꞉ni tsi nokwá nonkwehshón꞉ʼa, tóka ónhkak aʼiontatáhsehte kwáh kíʼ enionthré꞉wahte.

Genesis 9:5 Referans Kwoze

Exodus 21:12

“Ónhka akénhake naʼsakokónhreʼke tánon wahononhwarhiákon kwáh kíʼ enshonʼwanonhwarhiákon.

Psalms 9:12

Tsi nikáien né sakáriaks tsi nòkwah né shonaterihwatewáton wasakoiénterene né shakotironhiakéntha; iáh tehatarónhtsiens tsi natehonséntʼthos né kaienawaséhtshetra.

Matthew 23:35

Naeseȣateriȣaketate tsinikon ionekiren nonȣentsia ne kanekȣensanoron, tiotasaȣe tsi thonȣario nʼAbel, tsiniiore ne Zakari Barachi roienkenha, akta tsi ietsienharakȣa hetsiseȣario.

Leviticus 19:16

Tó꞉sa tesewaterihó꞉kwah noʼnówens ne tsík ónhka akénhake, tánon nónen nónhkak tehonwahiatorétha ne tsi rónhnhe, sewathátiat ne sewarihwanhiʼrátshera tó꞉ka ahoiénawaʼse. Í꞉i ne Watiá꞉ner.

Exodus 20:13

“Tó꞉sa shehiáset nónkwe.

Acts 17:26

Tsi thoʼhiatíson ne saiátat rónkwe thóh nitsiaʼwénon tsi niaʼteienekwénsakes nónkwe tánon kwáh tsiknonwéson ne tsi ionwentsiáte nisakóteron. Kwáh rahonhatsíwa ohénton thóh kwahʼtákwen tsi nienkáhewe tsi ni kawistáheks ó꞉ni kwáh kathóʼkenk tsi nónweh nahathinákereke.

Genesis 42:22

Eʼthó꞉ne ne Reuben waʼtehshakorihwaʼserákwahse, “Iáh kenh tekwahró꞉ri ne tóhsa tshisewateweienaksá꞉ten ne tho raksá꞉ʼa? Ók iáh tesewatahonsatá꞉ton. Katiʼ ó꞉nen í꞉ʼi tsonkwakariaʼkonhátie ne raonekwènhsa.”

Judges 9:56

Tánon káti Rawenni꞉io seh shahokáriaʼse ne Abimelech ne karihwát꞉senh tsi nihotiéren tsi nòkwah ne roʼníha tsi washakononhwariakónhnion ne tsáta niwáhsen nihátikwe ne ronhtatekenhokónhasʼkwe.

2 Samuel 4:11

Thóh káti shé꞉kon ní꞉kon, nó꞉nenh ne ronkwetahét꞉ken róhrio ne thronkweʼtaié꞉ri tho raonaktáhke ne kwáh raón꞉ha raonónskon! Tánon nón꞉wa iáh kén takeriwanón꞉ton ne raonekwénhsa ne í꞉sawe satshanáke, tánon naiesáthonte ne tsi ionwenhtsá꞉te?”

2 Chronicles 24:22

Né ronnontí꞉io iáh othènen tesré꞉hiare tsi nihiorihwató꞉kenʼne rohiótenhskwe nètho Zechariah ronikénʼen Jehoiada tsi naʼtehorihwasnieséhakwe, tánon wahaténhnahne nahonwanonwariáhkon ne Zechariah. Tsi nirenhéions ne Zechariah, waʼthohénrete, “Aiáwens ne Roiá꞉ner ahatkátho tsi nisewatiérah tánon atsisewaréhwaʼte!”

Leviticus 24:17

“Nónhka ahonsahionteriwáʼtewaʼthe ónenk tsi enhonwanonhwariákon,

Leviticus 24:21

Nónh꞉ka niaʼtahatikónhten ne katshénen ónenk tsi óia ientsióntkaʼwe, ók nónhka nónhkwe enhionthatenonwariákon ónenk tsi enhtsiothatenonwariákon.

Numbers 35:16

“Ók, tó꞉ka shí꞉ken, ónhkak tsi níhtson wésewatsthe ne ionhteriʼiostáhkwah né꞉ne karístatsi khès nonénhia khès nó꞉ienthe nónhkak enhietshinonhwariákon, né kíʼ wesewànhike nathataséhton íken tánon ónenk kíʼ tsi enhietsinonhwariákon.

Numbers 35:21

khès ne wahetshikónhreke, wesehwánhike kíʼ nathataséhton íken tánon ónenk tsi entsiʼen tsinonhwariákon níse. Né iakawenhé꞉ion ne kwáh ákta ronhtátenonhkwe né kíʼ ronaterihwaiénhni nahonshaʼhonwanonhwariákon ne shakoséhton. Nó꞉nen entsiʼsewahiatatʼtsénhri ónenk kíʼ tsi i꞉se enhtsiʼsewanonhwariákon.

Deuteronomy 19:11

“Ók tó꞉ka shí꞉ken thesarihó꞉se wasthiá꞉sehte ne tetsiatà꞉tions ne iáh othé꞉nen tetsorihonhní꞉hon tánon ethò꞉ne iashatekwáhsen kak niká꞉ien ne kanatowá꞉nen nahonteshá꞉ne.

Deuteronomy 19:12

Tsi thóh nikarihò꞉ten, ne ietsihéntenhse ne sewanatá꞉kons ahontaiesenhnónhksa tánon iahiesatsaʼkwaríshi tsi nokwáh ne raotiwá꞉tsire ne ronateriwaiénhni nahonshahatikharià꞉ke ne sewateriwatewáton, ne káti nahónton naieshanonhwarià꞉kon.

1 Kings 2:6

Sateriéntare tsi nénhshieʼre; tó꞉sa tseríhon ne skénhnonk khók tsi ní꞉ioht tsi arénheie.

2 Kings 11:1

Kwáh tsi niʼiostóre ne Ronnontí꞉io Ahaziah ronisténha Athaliah waʼkarihwáronhke né roʼiénha tsi ronwaséhton, onhtènhnane kwáh ratikwé꞉kon ne rontinontí꞉ios rahotiwátsires tsi ahonwatinonwariakónhnion.

2 Chronicles 33:24

Né Amon rahonkweʼtaʼshón꞉as wahonwaterísthaien tánon wahonwarónhthaʼte thóh kanonhtiʼiotsherákon.

2 Chronicles 33:25

Nonhkweʼshón꞉as ne Judah saʼhonwatinonwariákon ne ronhwaronhtháton Amon tánon né꞉ne roiénha Josiah sahonwanontí꞉iosʼte.