Genesis 9:10 - Ohiatonhseratokénti

¹⁰ tánon kwáh tsi niaʼtewatonhnhnehtsherá꞉ke ne sewakwé꞉kon, notsiʼtenʼokón꞉ʼas ó꞉ni ne ienáhskwaiens—kwáh tsi niaʼtehá꞉ti ne kontírioʼs ne tsi ionhwentsá꞉te ne skátne sewaiaʼtí꞉tahkwe ne kahón꞉wakon tánon ne skátne sesewatitáhko ne kahón꞉wakon, tsi nihá꞉ti ne sahontitáhko ne kahón꞉wakon tánon tsi nihá꞉ti nenhonnónhnheke ne tsi ionhwentsá꞉te né kén꞉ʼen eniótiehteʼ.

Genesis 9:10 Referans Kwoze

Jonah 4:11

Thó shé꞉kon niiorí꞉wake, akheténhrake ne Nineveh, ne eʼtho kanatowá꞉nen. Eʼtho kí nen né꞉e, í꞉si nón꞉we ne énska tewenʼniá꞉we niwenniaweʼetserá꞉sen niionkwé꞉take ne eʼtho ratinákere ne iáh tehonaterién꞉tare ne tkarihwaié꞉ri tánon ne karihwàksen, ó꞉ni ionatiohkowá꞉nen ne kontitshé꞉nen.”

Psalms 145:9

Ne Roiá꞉ner onhkwetakwékon tsi torihwaiéri í꞉ken, tánon sakothénren ratikwékon tsi nisakohiatíshon.

Genesis 8:1

Eʼthó sá꞉ne iawehnó꞉tonkwe énska tewenʼniáwe tanon wísk niwáhsen nón꞉ta nikarí꞉weʼskweʼ ók kiʼ ne Rawenni꞉io rawehiá꞉rahkweʼ kíʼ ne Noah ó꞉ni kontikwé꞉kon ne kontírioʼs ó꞉ni ne ienáhskwahiens ne skátne ratiiaʼtí꞉tahkwe ne kahón꞉wakon. Tánon ne Rawenni꞉io waʼthaweratásehte ne tsi ionhwentsá꞉te, tánon nohné꞉kanos ehtà꞉ke nionsá꞉we;

Genesis 9:9

“Ní꞉i iaʼtetià꞉ti, wakonnihátie nakaterihwahsehronniáhtshera tsi naʼtetiátere ó꞉ni tsi nienhsathwatsí꞉rine ne kén꞉ʼen ieniótiehteʼ,

Genesis 9:11

Tsi Wakonnihátie nakaterihwahseronniáhtshera waʼkonhrharátsten ní꞉se, tsi iáh nonwén꞉ton shé꞉kon ne iakónhnhe thaonsaiakóhtonʼte nohnékanos nawenhnóton, tánon iáh shé꞉kon nonwén꞉ton naonsonhwenhnó꞉ton né tsi ionhwentsá꞉te.”

Genesis 8:19

Tánon kontikwé꞉kon ne konhtitshé꞉nens, kontikwé꞉kon ne konté꞉sereʼs, tánon tsi niaʼtekatsiʼtenʼserá꞉ke, kwáh tsi nahó꞉ten ne kontoriá꞉neronʼs tsi ionhwentsá꞉te, skontihwatsirátshonʼs tsi sakontitáhko ne kahón꞉wakon.

Hosea 2:20

Kwáh karihwatokentitserá꞉kon tsi ienkonhiathénhawe ní꞉se ne tethenitéron ahsá꞉ton; tánon kwáh entsienterá꞉ne ne Roiá꞉ner.