Genesis 8:1 - Ohiatonhseratokénti

¹ Eʼthó sá꞉ne iawehnó꞉tonkwe énska tewenʼniáwe tanon wísk niwáhsen nón꞉ta nikarí꞉weʼskweʼ ók kiʼ ne Rawenni꞉io rawehiá꞉rahkweʼ kíʼ ne Noah ó꞉ni kontikwé꞉kon ne kontírioʼs ó꞉ni ne ienáhskwahiens ne skátne ratiiaʼtí꞉tahkwe ne kahón꞉wakon. Tánon ne Rawenni꞉io waʼthaweratásehte ne tsi ionhwentsá꞉te, tánon nohné꞉kanos ehtà꞉ke nionsá꞉we;

Genesis 8:1 Referans Kwoze

Genesis 30:22

Eʼthó꞉ne ne Rawenni꞉io sahshakawehiá꞉raʼne ne Rachel, tánon ne Rawenni꞉io sahshakótsenʼte tánon sahahnhotón꞉ko ne tsi iewiraráhkhwah.

Genesis 19:29

Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

Exodus 2:24

rahónʼha wahothón꞉teʼne tsi nihoʼnonhsèhna tánon waʼrehiá꞉rahne ne raonateriwasehronhniátshera ne Abraham, lsaac, ó꞉ni ne Jacob.

Psalms 136:23

Kwáh seh rahónha ne iáh tesonhkwahiatanikonhrénhen nó꞉nenh sihionkhisénhnion; asèken ne iorihwatóken raonoronhkwáhtshera tsi nénhwe enkátake;

1 Samuel 1:19

Oronkétsʼtsi wahontkétsko tánon wahonwasénhnaien ne Roiá꞉ner; eʼthóhʼne ó꞉nenh tsi thoʼtinónshoʼte nionsahón꞉ne thóh nón꞉we Ramah. Ne Elkanah sakoientériʼkwe ne ró꞉ne Hannah, tánon ne Roiá꞉ner shaʼrehiáraʼne.

Exodus 14:21

Ne Mahís iaʼthanénhtsaʼtaʼte é꞉neken ne kaniatarahkheʼkó꞉wa, tánon ne Roiá꞉ner onàhken wahanekenháwiʼte né꞉ne kwáh kawerahshátsʼte ne nákon nonhthakaʼwerénhaʼwe. Ahsonhtaʼkwékon wakʼkáʼweraʼkwe tánon waʼkastháhʼtaʼte ne ohóntsa. Noné꞉kanos tehiotetʼkháshion,

Psalms 106:4

Takehiá꞉rak, Ó Saiá꞉ner nó꞉nenh ensehiénawaʼse ne shonkwetaʼshón꞉has; thowaʼtiatawénhtet nó꞉nenh ensehsehiatáko;

Amos 8:7

Ne Roiá꞉ner, né꞉ne raónha nʼIsraerʼró꞉nons raotikwenienstátsera í꞉ken: Orihwiiohón꞉we kwáh iáh nonhwénton tsiahonsonkeʼnikónren tsi nihatiweienhnó꞉tens.

Habakkuk 3:2

O Saiá꞉ner wakerihwaʼrón꞉ken tsi nisarihwanakerátston, tánon tsi niwakerihwanerakóhon, O Saiá꞉ner, ne sahiothénhsera. Nón꞉wa tsi nihionkwahtenhniseraténion shekon thononhsatser; Satanithenratskónhak, ó꞉ni nó꞉nenh kwáh sanakwénhen.

Psalms 137:7

Sehiárak, Ó Saiá꞉ner, sehiatʼkónhten ne Edomró꞉nons ne tewenhniseráteʼkwe ne Jerusalem sonhtakahiáthenhne, tsi nahonhníron, “Serihwéntʼtho! Serihwéntʼtho! Kwáh tsi nió꞉re tkenstʼkwáhere!”

Psalms 132:1

O Saiá꞉ner, tó꞉sa tsiatanikónhren ne Táwit ó꞉ni norihwaʼkwékon tsi nihoronhiaʼkénhon tsi nihotakáts꞉taton.

Nehemiah 13:31

Tánon noién꞉te tsi nithatiiéstha tsi nienkáhewe, tánon nenhtewatiérenhte enwahiárih. Takhehiá꞉rak tanon tatiataté꞉rist, a꞉keʼNí꞉io.

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Nehemiah 13:29

Sheiehiá꞉rak, á꞉ke Ní꞉io, tiorì꞉wa tsi wathatitiónste tsi ratitsihénstatsi nahatiiaʼtó꞉ten tánon ne raonaterihwasheronhniá꞉tsheras ne ratiʼtsihénstatsis ó꞉ni ne Levites.

Nehemiah 13:14

Takwehiá꞉rak, o ake Ní꞉io, kí꞉ken tánon tó꞉sa shaserónko tsi nitewakeriwaié꞉riton natiotenhsera né꞉tho tsi niwakatié꞉ren thóh raonónskon náke Ní꞉io tánon ne raoioténhsera.

Revelation 18:5

asè꞉ken naoriwanerahák꞉tsheras iotonhióte thóh nitsót꞉te tsi tkaronhiá꞉te, tánon ne Ní꞉io sarehiá꞉rane naoterenhtawenhriétsheras.

Revelation 16:19

Ne kanatowanénke watewatekhá꞉si áhsen ní꞉kon iahón꞉ton, tánon ne ronhnonhontsakeró꞉nons raotinatakónshons watewaré꞉ni. Ne Ní꞉io sharehiá꞉rane ne teiotenonhianì꞉ton Babylon tánon tá꞉ron ne otsí꞉tsa-teiontnekontáhkwah né꞉ne raotenakwahwenhrhá꞉tsera ne raoterhiatitkóntshera.

Proverbs 25:23

Taierihwenhá꞉wihte nek tkáhas kanaʼkhwénhsera ne taié꞉ren tsi oʼthorè꞉ke ówera tewatenniéhtha naiokén꞉nore.

Job Tánon ne Raoronhiakensera 14:13

Tó꞉ka ní꞉se astsiataséhte ne tsi tionhontsá꞉ien ne kenhé꞉ion nón꞉we, né꞉tho ní꞉se astsiataséhte tsi nió꞉re ne sanakwáhtshera iahontó꞉hetste; né꞉tho ní꞉se askerá꞉kwahse thóh nakariwéshonke, tánon takehiá꞉rak!

Numbers 22:32

Ne raronhiakeró꞉non taharihwáreke, “Onhnihiotiéren tsi thóh ní꞉ioht tsi watshenonhwenhserário ne satʼtshénen tewahóntes áhsen nihiorihwáke? Tá꞉ke nakonhahí꞉hiakse, tsioríhwa tsi iáh tehioterihwíson ne thasatháhakwe.

Jonah 4:11

Thó shé꞉kon niiorí꞉wake, akheténhrake ne Nineveh, ne eʼtho kanatowá꞉nen. Eʼtho kí nen né꞉e, í꞉si nón꞉we ne énska tewenʼniá꞉we niwenniaweʼetserá꞉sen niionkwé꞉take ne eʼtho ratinákere ne iáh tehonaterién꞉tare ne tkarihwaié꞉ri tánon ne karihwàksen, ó꞉ni ionatiohkowá꞉nen ne kontitshé꞉nen.”

Psalms 36:6

Né sarihwaʼkwahrihshión꞉tsera thóh ní꞉ioht tsi ní꞉ioht ne kwáh tiotenonthatónhnion, né sarihwenhthátseras thóh ní꞉ioht tsi ní꞉ioht né kwáh tsionó꞉tes; Kwáh satéhiot tsi Í꞉se tesehiatkawénhnis nonkweʼshónha ó꞉ni ne kontitshénens, Ó Saiá꞉ner.

Exodus 15:10

Ók énskak khók iaʼsahthonhniserónhti, Saiá꞉ner, tánon ne Egyptró꞉nons wahaʼtískoʼnhe; thóh ní꞉ioht tsi wahonʼtenonwàhien tsi ní꞉ioht noʼristhakwènhthe tsi natehiotenonʼhianí꞉ton ne kaniaʼtarahkhekówa.

Numbers 10:9

“Nónen tsionhontsáke nónhwe nihiakoterí꞉io, tisehwatatèhnes tsi nó꞉kwah ne tesehwatáʼtshons tsi nikáien ne tsitʼieietʼtsihiatsiatónhtion, sehwatátis ne ionhteriʼiostákwah kíken kenihonrawatskówas. Í꞉i ne Watiá꞉ner ne Sewaní꞉io enkwahiénawase tánon enkwahiatanónstate tsi nó꞉kwah ne tesewatáʼtshons.

Job Tánon ne Raoronhiakensera 12:15

Tó꞉ka iáh tahakenhnóreste, enhionhontsákthen; tó꞉ka enthaténiete nokenhnoré꞉sera, enwenhnotón꞉nion tsi ionwenhtsá꞉te.

Psalms 29:10

Né Roiá꞉ner rénskote ne raonitskwáhrane éhʼneken ne tsi nitsaweʼnótonhkwe; ne Roiá꞉ner rénskote ne raonitskwáhrane rotenonhtiʼióston né꞉ne tsi nénhwe enkénhake.

Psalms 105:42

Asèken rehiá꞉re ne iotokénti í꞉ken tsi nihorahratsténhni, ne Abraham, né꞉ne raonhátshera í꞉ken.

Isaiah 44:27

ónhka sakawénhnis ne tsi ionotésons, “Wastátʼthen— Kwáh kí enstáthate ne tsi saʼteniatarénions”;

Nahum 1:4

Wahathárahse ne kaniatarakeʼkówa tánon wahrón꞉nien nahonstát꞉ten, tánon wahastát꞉thaʼte akwé꞉kon tsi kaniatareʼéhnions; Bashan ó꞉ni Carmel onstát꞉ten, tánon tsi nihiotsitiónhnis ne Lebanon onhtashó꞉ko.

Genesis 9:10

tánon kwáh tsi niaʼtewatonhnhnehtsherá꞉ke ne sewakwé꞉kon, notsiʼtenʼokón꞉ʼas ó꞉ni ne ienáhskwaiens—kwáh tsi niaʼtehá꞉ti ne kontírioʼs ne tsi ionhwentsá꞉te ne skátne sewaiaʼtí꞉tahkwe ne kahón꞉wakon tánon ne skátne sesewatitáhko ne kahón꞉wakon, tsi nihá꞉ti ne sahontitáhko ne kahón꞉wakon tánon tsi nihá꞉ti nenhonnónhnheke ne tsi ionhwentsá꞉te né kén꞉ʼen eniótiehteʼ.

Psalms 115:12

Né Roiá꞉ner kwáh seh shonkweiáre; kwáh enshonkwahiatatérisʼte; kwáh ensakohiatateriste nʼIsraerʼró꞉nons; tánon ratikwékon ne Rawenni꞉io raotsihenstatsishónhas;

Jeremiah 50:38

Táhsaf nahionhontsátʼthaʼte nahonhontsáke tánon wastátʼten nahoniathaʼrehsónha. Ne Babylonia ne iahontionhniáton ne hiotʼteronhthónhnion kahiatónhnis ne wahakahónhnien nonhkweʼshón꞉a nahontahonahthonnhókʼthaʼke.

Zechariah 10:11

Nó꞉nenh thóh nón꞉we nenhontó꞉hetsthe ne kaniatarakeʼkó꞉wa ne tekanihkónhrare, Í꞉i ne Watiá꞉ner, enkenonhwáhrehke ne iononhthakwahronhthónties, tánon tsi nihionótes ne Nile kwáh enwastátʼten. Tsi niwahthatón꞉ni ne Assyria kwáh tenkonhwenhtsó꞉ten, tánon tsi nihioshatstenhserowá꞉nen ne Egypt kwáh enhiothónse nahoshatsténhsera.