Genesis 7:9 - Ohiatonhseratokénti

⁹ tekontiiaʼtakeháties, ne꞉ne ratí꞉tsiʼn ó꞉ni notiʼnhéhtienʼs, kahón꞉wakon iakontitárion skátne ne Noah, kwáh kiʼ tsi nihonhá꞉on ne Rawenni꞉io ne Noah.

Genesis 7:9 Referans Kwoze

Isaiah 65:25

Nokwáho tánon né teiotinakaronhtónha owí꞉ra kwáh kí skát꞉ne tsi thenonatskahontiéseʼke, né kénreks kwáh thóh ní꞉ioht tsi enkawahetseráke tsi kí ní꞉ioht né tionónskwahron teonákares; ók nóniare—naókwha okénhra nenhnéʼe enkénhake! Kwáh iáh tahiakotikaréwaʼte khés naiakonátonhte ratiʼkwékon nakenontatokentíke, rá꞉ton ne Roiá꞉ner.

Genesis 7:16

Tánon tsi nihá꞉ti ne iahontáweiaʼte, né꞉ne ratí꞉tsiʼn tánon notiʼnhéhtien ne nakwé꞉kon ronnonhnhénion, iahontáweiate kwáh kíʼ tsi nihotenhnhá꞉on ne Rawenni꞉io; tánon ne Roiá꞉ner tahohnhó꞉ton.

Genesis 2:19

Sók kiʼ ne Roiá꞉ner Rawenni꞉io wahshakoiatonniánion noʼkenhrà꞉ke nonhtáwe ne niaʼtehá꞉ti karioʼshón꞉ʼa ó꞉ni notsiʼtenʼokón꞉ʼa. Sók tsi í꞉tres ne rón꞉kwe niahshakoiaténhawe oh sí꞉ken nahò꞉ten enhshakoná꞉tonkweʼ; eʼthó kiʼ nitiawé꞉non tsi nahoʼténshon konwatiiátshonʼs.

Colossians 3:11

Tsi niateionéhnon, iáh ó꞉nen thé꞉nen taʼtestsiatʼthí꞉en tsi naʼtehón꞉tere ne iáh Tehatisitaeró꞉non tánon ne Sitaeró꞉nons, nahonwatiwahrakweráron tánon ne iáh tehonwahtiwarakweráron, tihononhontsá꞉tes, ratirahkonró꞉nons, ratináskwas, tánon ne rontatewenní꞉ios, nok Kerístos seh norihwakwé꞉kon, Kerístos seh tsehahiatakwení꞉io.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.

Jeremiah 8:7

Séhkon ne kawirahkaʼrénies ioteriéntahre kíʼ nónenh tahónthaʼwe; orítes, kentarakonhá꞉ka, ó꞉ni ne tsiskóko ronahteriéntahre nónenh tahonshahonnáthaʼkwe. Ók nakonhkwetahshón꞉a, iáh tesehwahianerenserahientéris tsi ní꞉ioht tsi tkwaniarotáhron.

Genesis 7:8

Ne ionatkwéniens konhtitshé꞉nens, ó꞉ni ne iáh teionatkwéniens, tánon noná꞉tiakes otsiʼtenʼokón꞉ʼa tánon ne niaʼtekón꞉ti ne konté꞉seres nonhontsá꞉ke,

Genesis 7:10

Tsá꞉ta nónta ohnakén꞉ke nohné꞉kanos nawenhó꞉ton waʼkahnekó꞉ne ne tsi ionhwentsá꞉te.

Genesis 7:15

Kahón꞉wakon iaʼkontítaron skátne ne Noah, tekeʼní꞉shons né꞉ne akwé꞉kon ronnonhnhénion ne꞉ne ronnonniserá꞉ien tsi ronnónhne.

Genesis 6:22

Ne Noah kwáh akwé꞉kon tho naháiere tsi nahóhnhaʼne ne Rawenni꞉io.