Genesis 50:1 - Ohiatonhseratokénti

¹ Eʼthó꞉ne ne Só꞉se roʼníha rakonhsà꞉ke iahatatiaʼtiè꞉nenhte, tsi nihoʼnikonhráksenʼs tánon tehonoronhkwanión꞉tonʼs.

Genesis 50:1 Referans Kwoze

Genesis 46:4

Enkoniatiaʼtónʼthahse tsi nienhénhse ne Egypt, tánon kwáh shé꞉kon tentkoniaʼténhawe; tánon kwáh Só꞉se rahtsaʼnà꞉ke tenhiaròn꞉weke nó꞉nen enhsíheie.”

1 Thessalonians 4:13

Tewatenroʼshón꞉a, tehionkwahtonhontió꞉ni naisewahteriéntarahne norihwiʼioʼónwe tsi niháti ne rohnenhéion, nekáti ne tóhsa aisewahnikonrákʼsen, tsi nihotihiátawens ne iáh thènen tehotirahratsheráien.

Ephesians 6:4

Sewawiraiéntons, tóhsa thènen seiatewehienaksáten ne ietʼtsiʼienhokónha nehne akarihónʼni aietʼtsinákwase. Khék, teietʼtsihiaróthon tsi enietʼtsihieiáron tsi nòkwa ne kariwihiosthontserákon ó꞉ni ahontewéienste nahontahonwethákwen ne Ié꞉sos Kerístos.

Acts 8:2

Tóhka niháti ne rohtiriwiʼióstons ronʼnónkwe wahonwahiatátha ne Stephen, kwáh rothitsithówas tánon tsehotiwenʼnakethótha tsi nihonwanátens.

2 Kings 13:14

Né rotokenséhaʼkwe Elisha wahononwákten né꞉ne iáh tetieiewénhtas, tánon shiʼrenhéionsʼkwe, ne Ronnontí꞉io Jehoash Nisraeʼró꞉nonke wahonatenrénhsera. “Rá꞉keni, Rá꞉keni!” ratónnions tsi naʼtehasénthos. “Kwáh í꞉ken tsi teshé꞉neskwe Nisraeʼró꞉nons!”

Genesis 23:2

Tánon ne Sarah Kiriath-arba nón꞉we iaʼkénheie (ne ne Hebron nón꞉we) ne aotonhontsà꞉ke ne Canaan; tánon nʼAbraham iahatáweiaʼte nahatshón꞉nion tánon né tahahsénthoʼse.

Genesis 49:33

Nó꞉nen ne Jacob shaharihókten tsi nahshakoʼnikonhraientáhten ne raonekenhteronʼtsheraʼshón꞉ʼa, kanaktà꞉ke tonsaharahsiʼtahrónnion, ne nohná꞉ken tontahatonriseratihéntho.

Genesis 50:2

Eʼthó꞉ne ne Só꞉se wahshakóhnhaʼne ne raohnhaʼtsheraʼshón꞉ʼa ne rontétsenʼts nahonnenheionʼtahserón꞉ni ne roʼníha raoieròn꞉ta. Sók kiʼ ne rontétsenʼts wahonnenheionʼtahserón꞉ni ne raoieròn꞉ta;