Genesis 5:2 - Ohiatonhseratokénti

² Tsi shakoiaʼtíson roskenrakéhte ó꞉ni tsothonwí꞉sen, wahshakoiataté꞉riste, tánon wahshakosén꞉non “Ón꞉kwe.”

Genesis 5:2 Referans Kwoze

St. Mark 10:6

Nok tsi tiotasaȣe noriȣakȣekon, Niio ȣasakoiatonni enskat roskenraketa nok enskat tsiothonȣisen.

Matthew 19:4

Tontasakoȣennaȣeron, ȣahenron: iah kenh teseȣaȣennanote tsini kaiaton ne sontahatasaȣen sasakoieronnistste, roskenraketa oni tsiothonȣisen ȣasakoiatonni.

Genesis 2:23

Eʼthó꞉ne ne rón꞉kwe wahawénhahse ne Rawenni꞉io, “Keniéntshia tsi iáh oʼthé꞉nen tewakehrá꞉rehkwe ó꞉nen kén꞉ʼen ón꞉we né kwáh ne shaʼákeniʼnekwénhsha í꞉ken— naʼóstsien akstsientáke nón꞉we nitiawé꞉non, tánon naʼowá꞉ron akeʼwahrónhne nón꞉we nitiawé꞉non. Ión꞉kwe enkonwanatónhkhwake né tsi ronkwè꞉ne non꞉we nitiawé꞉non.”

Genesis 1:27

Káti ne Rawenni꞉io waʼhoiatísa rón꞉kwe kwáh tsi nihatkahtsherò꞉ten, kwáh tsi nihaiatò꞉ten ne Rawenni꞉io wahshakoiaʼtísa: rohskenrakéhte tánon tsothonwí꞉sen, wahshakoiatísa.

Acts 17:26

Tsi thoʼhiatíson ne saiátat rónkwe thóh nitsiaʼwénon tsi niaʼteienekwénsakes nónkwe tánon kwáh tsiknonwéson ne tsi ionwentsiáte nisakóteron. Kwáh rahonhatsíwa ohénton thóh kwahʼtákwen tsi nienkáhewe tsi ni kawistáheks ó꞉ni kwáh kathóʼkenk tsi nónweh nahathinákereke.

Malachi 2:15

Iáh kenh shaià꞉taʼk khok ne Rawenni꞉io tehaiaʼtíson? Tetsá꞉ron noʼwá꞉ron tánon natónhnhets tsi ráonha raó꞉wenk í꞉ken. Tánon nahó꞉ten ne shaià꞉taʼ khok ne Rawenni꞉io rahská꞉neks? Ne ne Rawenni꞉io shakoioʼokón꞉ʼa akénhake. Katíʼ sewatatkaʼén꞉ion, tánon tóhsa ónhka ne tsi nítson naesewaʼnikonhráten ne ión꞉kwe ne sewatateniaktén꞉ni ne kenʼsitisaión꞉ha.

Genesis 2:15

Eʼthó꞉ne ne Roiá꞉ner Rawenni꞉io kahéhtakon ne Eden nón꞉we nahóʼteron ne rón꞉kwe né꞉ne tahaʼkenhrawénrie ó꞉ni nahatenʼnikón꞉raren.

Genesis 1:28

Rawenni꞉io wahshakoiatatérihste, tánon ne Rawenni꞉io wahshakóhnaʼne, “Sewawatsirowáhna tánon sewentiohkowáhna, tánon thontasewáraʼn ne tsi ionhwentsá꞉te tánon tasewaniarotáhrhok: tánon ietshiiatiaʼtakweʼní꞉iohste ne kentsonʼshón꞉ʼa ne kaniatarakehkowáhne ó꞉ni notsitenʼokón꞉ʼa ne tsi karonhiá꞉te kontitses ó꞉ni kwáh tsi nikón꞉ti ne konnónhne ne kón꞉nes ne tsi ionhwentsá꞉te.”

Genesis 5:3

Nó꞉nen ne Á꞉ton énska tewenʼniáwe áhsen niwáhsen shatehahoseriiá꞉kon wahoneʼkenterontseraién꞉taʼne tánon kwáh í꞉ken tsi shoié꞉ren, tánon Seth wahoná꞉tonkwen.