Genesis 45:6 - Ohiatonhseratokénti

⁶ Aseʼkénh natonhkariá꞉kon ó꞉nen ne kí꞉ken teiohserakehátie siwatenaʼtsheranó꞉ron ne tsi iohontsá꞉ien; tánon shé꞉kon wísk niiohserá꞉ke iotatén꞉ron ne iáh thakenʼtarakahrháthonke khehs nakaienthóhkwen.

Genesis 45:6 Referans Kwoze

Genesis 47:23

Eʼthó꞉ne ne Só꞉se wahshakawènhahseʼ nonkwehshón꞉ʼa, “Nón꞉wa kén꞉ʼen wenhniserá꞉te waʼkwaiaʼtahninónnion tánon ne tsonhontsaʼshón꞉ʼa ne ne Pharaoh raorihwá꞉ke, ne ká꞉tiʼ kí꞉ken ne kanenhaʼshón꞉ʼa ne sewarihwá꞉ke; sewaienthóhseron.

Genesis 41:56

Tánon natonhkariá꞉kon tsi naʼtewaré꞉ni nonhontsakwé꞉kon, né Só꞉se wahahnhotonkwenhá꞉ton akwé꞉kon tsi nón꞉we nihanatsaientáhkhwah, tánon wahshakotenhní꞉nonʼse ne Egyptró꞉nonʼs, aseʼkénh tsi naʼteiotenonhianíhton natonhkariá꞉kon ne tsi ionhontsá꞉ien ne Egypt.

Genesis 41:54

tánon ó꞉nen tontáhsawen ne tsá꞉tak niiohserá꞉ke nikarí꞉wes naiontonhkáriake, kwáh katíʼ tsi nithá꞉wen ne Só꞉se. Kwáh ó꞉ni tsi niaʼtekanakerahserá꞉ke tsi wahontonhkariá꞉khon, ók ne tsi niwatonhontsá꞉ien ne Egypt tsi rotikhwaièn꞉tahkwe nenʼ ne ʼeh.

Isaiah 30:24

tánon ne teonákares tionónskwahron tánon ne tewahóntes ne ratiʼtarakarát꞉thos kwáh kí né enhónhneke ne iaʼwenhnekerát꞉then, né꞉ne waʼséhwenh ne rahkareniátha tánon tehionató꞉ken wáts꞉ton.

1 Samuel 8:12

tánon kwáh iatehahiáti ensakoiatará꞉ko nasakotiʼhéntense ne tewenhniawehetsherásens ó꞉ni nasakotiʼhéntense ne wiskshonniwasenhátie, tánon ótiakes enhatiʼtarakarhathóseʼke raoʼhontsiá꞉ke tánon enhatiʼientkwáko ne raorihwáke, enhonʼnonnánion ne ionteriʼiostákwas tánon tsi niwatstaʼshón꞉ʼahs ne raoʼserehshón꞉ʼahs otsiónkwas.

Deuteronomy 21:4

Tho nón꞉we nienkonwaiaʼténhawe ne tiokwénrare ákta ne kahionhatátie né꞉ne iáh nonwén꞉ton tewástes tánon tsi nón꞉we ne iáh nonwén꞉ton teʼkentarakarà꞉thon iáh ó꞉ni teʼkaièn꞉thon, tánon tho nón꞉we naʼtenhkonhwaniá꞉riahke.

Exodus 34:21

“Iáh꞉iak nónhta sáien nahisahióten ne sahioténsera, ók tó꞉sa kíʼ sahióten ne tsatákhaton niwenhniserakéhaton, iáh ó꞉ni tsi niʼietarahkaráthos nikaháwi khés niʼieientóhkwas.

Genesis 47:18

Tánon nó꞉nen shiahontohserókten, sahonwatkenʼsé꞉ra tsohsera ohnaʼkèn꞉ke, tánon wahonwènhahse, “Iáh thaiakwakwé꞉ni nahshakwariʼwáhsehte ne shonkwaiá꞉nehr tsi ní꞉ioht nonkwahwísta tsi watiesáhton; ne teiotinaʼkarontón꞉ʼa, kaiaʼtákeras, tánon ne tiohnhónskwaronʼs shonkwaiá꞉nehr ne raotshenenʼó꞉kon. Iáh kiʼ oh thé꞉nen tetsotatén꞉ron raohén꞉ton ne shonkwaiá꞉nehr ne khók ne iakwaieròn꞉ke tánon nontionhontsaʼshón꞉ʼahs.

Genesis 37:2

Ne ki꞉ken ne raotikaraʼshón꞉ʼa né Jacob rahowá꞉tsire. Ne Só꞉se, tsá꞉ta iawén꞉re shaʼtehaohseriiá꞉kon, ráonha tánon ne rontateʼkoʼokón꞉ʼa shakotiʼnikonhrarátieʼskwe ne teiotinaʼkarontón꞉ʼa tánon kaiaʼtákeras; shakohshnié꞉nonskweʼ ne aotinekenhteronʼtsheraʼshón꞉aʼhs ne Bilhah tánon ne Zilpah, ne ne roʼníha ró꞉ne; tánon ne Só꞉se ronwaʼnihnéha iaharihwénhawe ne iáh tekarihwí꞉io ne raotirihwá꞉ke.

Genesis 41:46

Ne Só꞉se áhsen niwáhsen shaʼtehaohseriiá꞉kon sontahatáhsawen wahoióʼtenhse ne Pharaoh né ronnontí꞉io í꞉ken ne Egypt. Tánon ne Só꞉se iahaiá꞉kenʼne tsi nón꞉we ní꞉res ne Pharaoh, tánon ohontsakwé꞉kon nontá꞉rehte ne Egypt.

Genesis 41:53

Ne tsá꞉ta niiohserá꞉ke niaʼtekonhshón꞉ʼa kanákerehkwe iahontó꞉kten ne tsi ionhontsá꞉ien ne Egypt;

Genesis 41:35

Sheríhon ratikhwaró꞉rok ne kí꞉ken enkaiánerahste ne taiohseratátie, karohrónhak tánon nonátsa wateweienʼtónhak thóh raoʼshatstenhserá꞉kon ne Pharaoh ne nahotitkhwaièn꞉take ne kanà꞉takonʼs tánon tehontekhwanonhiá꞉nite.