Genesis 44:16 - Ohiatonhseratokénti

¹⁶ Tánon ne Judah wahén꞉ron, “Nahó꞉ten aiakwakwé꞉ni ahshakwahró꞉ri ne atiá꞉nehr? Nahó꞉ten aiakwakwé꞉ni aiakwèn꞉ron? Oh ní꞉ioht tsi aiakwarihwahní꞉rate tsi iáh teionkwahnhí꞉kon? Rawenni꞉io waharihwahtshén꞉ri tsi nihotihnhí꞉kon ne sahnhaʼtsheraʼó꞉konʼs; kenʼ katíʼ iákweʼs, ne natiá꞉nehr raohnhaʼtsheraʼshón꞉ʼahs, nonkwátiaʼke tánon tsi niká꞉ien ne rahá꞉wahkwe ne teionthnekontáhkhwa ne wahonwatshénriaʼse.”

Genesis 44:16 Referans Kwoze

Genesis 44:9

Tókaʼ akatshénrion nónhka tsi niiátion ne sahnhá꞉tshera, rénheh kiʼ; sénha kiʼ í꞉si nón꞉we nonkwátiaʼkes iakwanáhskwa eniakwáhton raonhá꞉ke natiá꞉nehr.”

Daniel 9:7

Í꞉se Saiá꞉ner ne kaiá꞉neren, ók nonkwatiaʼkéshon tió꞉konte ne ionkwaró꞉ron ne iáh teiotkwéniens. Ne ki ne kwáh eʼtho ní꞉ioht tsi niiátion ne Judah tánon ne Jerusalem nón꞉we niiakwanákere tánon ratikwé꞉kon ne Israerʼró꞉nons tsi niká꞉ien ne aktéshon nón꞉we tionhontsaké꞉rons iaʼtehsheiareniá꞉ton, aktatiéʼshón꞉ʼa ó꞉ni ahinónhshons niió꞉re, ne tsi iáh tehotirihwatokén꞉ne ne sonhá꞉ke.

Luke 12:2

Aseken iah tekaien neioteriȣaseton ne iah takatokensere; iah oni ȣene taontonsere ne kariȣaseton.

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Acts 2:37

Neh nónen nonkwesónha sahakohthónteʼne kí꞉ken, kwáh íken tsi wationtaʼtenikonráren tánon wahonwénhase ne Tiér ó꞉ni ne ronátiakes ratikweʼkón꞉ne, “Onhʼnenhiakwáiere, tewathatékens?”

Matthew 7:2

Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

Isaiah 27:9

Né꞉tho í꞉ken neh ne raonhí꞉tsera ne Jacob kwáh kíʼ éhren enkahawí꞉tonke, tánon né kí kí꞉ken né kwáh enkaná꞉nonhake tsi enkariwanirate tsi eren enskahawitonhke ne raorihwanerahát꞉tshera: né nó꞉nenh neh enrón꞉niate nó꞉nenhiaokons ne tsi wát꞉tsenharakwahs tsi ní꞉ioht ne ohsawé꞉ta oneniá꞉okon tekarí꞉ton kenknihwas, iah kaneka ne iotó꞉kenti kanawahatásonhas kes nahontsienkwahronhniate ne ietsienharaʼkwà꞉ke ne shé꞉kon akatá꞉ke.

Isaiah 5:3

Tánon ó꞉nen ne Jerusalem sewahnákere tánon ne tsiónkwes ne Judah, teskwahiatoréhtas ní꞉i tánon tsi wakatenenhárhare.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Proverbs 17:15

Tahsheiaʼtó꞉rehte ne iáh teiakohnhí꞉kon tókaʼ ó꞉ni aonsahsheiáhtkaʼwe ne iakorihwanéren—tetsá꞉ron ráhswens Roiá꞉ner.

Job Tánon ne Raoronhiakensera 40:4

“Satkáto, ní꞉i iáh othé꞉non sateiakenatéken; onʼní꞉ioht tsi takonrihwaʼserá꞉kwahse? Watienawá꞉kon tsitsaká꞉ronhte.

Ezra 9:15

Ne Roiá꞉ner Rawenni꞉io ne Israerró꞉nonhke, thisarihwaié꞉ri, ók waskwahrí꞉hon nahiatsónhnheke. Iáh kwahrihwaní꞉rats nonhkwáh nítsera ne shonhà꞉ke; iáh othé꞉nen tehionhkwaianerenhserá꞉ien ne sahénton niahiákwe.”

Ezra 9:10

“Ók ó꞉nenh ki nón꞉wa, O Sewenní꞉io, onhʼnahó꞉ten ahonsahiakwahkwé꞉ni nahonsahiakwénhron nó꞉nen akwé꞉kon é꞉tho niiawénhen? Shé꞉kon ki á꞉re iáh tetsonkwatewenhnaráhkwen ne karihwatatʼtseras

Judges 1:7

Ne Adonibezek wahénron, “Iehioteratsʼton tsáta niwáhsenh niháti ró꞉tinonhtiios khetsiwehionkariá꞉kon ó꞉ni ne ronhhiakwirowánen, nes rónhneks nakatekhwaʼratieróhkon tehiótharons. Ónenh kíʼ ne Rawenni꞉io thóh nonhsahatiéraʼse tsi kíʼ nikheiérashe ne ronónha.” Jerusalem niahonwahiaténhaʼwe, thóh nónhwe iarénheʼie.

Joshua 7:18

Ethò꞉ne ki ne Zabdi raowá꞉tsire ákta niashakohiaʼténhawe, sathihiataʼtsions, tánon ne Achan, ne roiénha ne Carmi ó꞉ni ne roteréha ne Zabdi, ne wahonwathihiaʼtará꞉ko.

Joshua 7:1

Ne Roiá꞉ner washakoʼtiawénhratse Nisraerʼró꞉nonke ne tó꞉sa othé꞉nen iehatíhaf ne Jericho akaiénthake né꞉ne akariwathóntonhke tánon iáh tehonatewenhnarákwen. Rónhkwe né꞉ne Achan ronhwáiats iáh tehotewenhnaráhkwen tsi nihonhwaró꞉ri, tánon káti ne Roiá꞉ner wahotenaʼkwawénhratse tsi nòkwah ne Israerʼró꞉nons. (Ne Achan ne roiénha ne Carmi tánon ne rotheréha ne Zabdi, tánon thóh nónhwe nihahià꞉tare ne Zerah rahotiʼthá꞉rakon, né꞉ne nihiorihwáha né꞉ne Judah rahotitióhkwa.)

Deuteronomy 25:1

“Tó꞉ka shí꞉ken teʼnihiáse Israerʼró꞉nons tsi teiehiatoreʼtákhwa niaháne nahonateriwasehrón꞉nien tsi natehotiriwatí꞉ronhte, tánon saiá꞉ta wahé꞉nene iáh tehoníhkon ók ne saiáta roníkon nénhne.

Genesis 44:32

Iáh thok té꞉kon, tsi kónhnhe riiatkaraientahkwén꞉ni ne rakeʼníha tsi nonkwá nétho raksá꞉ʼa, wá꞉ken, ‘Tó꞉kaʼ iáh thaʼtaontahiiaʼténhawe ne raksá꞉ʼa ne shonhá꞉ke, eʼthó꞉ne kiʼ í꞉i entkatáterahse raohén꞉ton ne rakeʼníha kwáh tsi nikónhnhes.’

Genesis 37:9

Shé꞉kon ó꞉ia sahotétshén꞉én, tánon sahshakohró꞉ri ne rontatekoʼokón꞉ʼa, ratónnions, “Sewatkáhtho, shé꞉kon ó꞉ia sonkatétshen: ne karáhkwa, nahsonthenhnékha karáhkwa, tánon énskat iawén꞉re nikatsistóhkwake kwáh teionatshá꞉kton nakhén꞉ton.”

Genesis 37:7

Tewakwé꞉kon kahentà꞉ke iteweʼskwe, tewentstohkwanerénkhonhskwe ne kanaʼtsiiá꞉kon. Thontaiawénhstsi nakitstóhkwa ontkétsko tánon kwáh onttakwaríhshion; eʼthó꞉ne ní꞉se sewentstóhkwaʼs waʼtkonwatà꞉senhte tsi waʼkonteró꞉roke tsi nón꞉we ní꞉kate nakitstóhkwa, tánon waʼtkonwatentshóthahse nakitstóhkwa.”

Genesis 44:17

Ók ne Só꞉se wahén꞉ron, “Aí꞉non ítken nakerihwá꞉ke neʼthó nátiere! Ne khók tsi niká꞉ien ne rahá꞉wahkwe ne teionthnekontáhkhwa ne wahonwatshénriaʼse ne kiʼ akehnhá꞉tshera enhá꞉ton; ók ní꞉se, wáhs skén꞉nonʼk khók iaʼnihnéha nionsá꞉se.”

1 Kings 17:18

Wahawénhase ne Elijah, “Rón꞉kwe Ní꞉io rahonkwéta, onhnontséren kíʼ tsi thóh nastséraʼse? Kenʼthonʼnonhtháse nahonsatsehiarákwen ne Rawenni꞉io nakerihwanerahát꞉tseras tánon né wakarihónhni ne rihiénha tsi warénheʼie?”