Genesis 43:11 - Ohiatonhseratokénti

¹¹ Eʼthó꞉ne ne ronwaʼníha Israel wahshakawènhahse, “Tókaʼ ó꞉nenk tsi tho neniohtónhake: ken kiʼ naʼsewá꞉iehr: sewaiá꞉rakonʼs sewatárion iaʼsewáhahf ne kwáh tekaiehstahshiónkwen ne ionkhwákwen tsi ionhontsá꞉ien, tánon tho nón꞉we iaʼsewáhahf ne iahtshítion ne rón꞉kwe—ostón꞉ha kén꞉ie, ostón꞉ha otsiʼnahkontahkwá꞉ne otsikhé꞉ta, ne iohnehtokhá꞉ʼon, ne orontákeri, iontiaʼtakonʼonhstáhkhwa, tánon niaʼtekahsó꞉kwakeʼs.

Genesis 43:11 Referans Kwoze

Genesis 37:25

Eʼthó꞉ne wahóntien ne tahontská꞉hon; tánon tsi wahontahrakétsko wahshakotí꞉ken rotinenhrí꞉ni Ishmaelró꞉nons Gilead nón꞉we nontahonenonhátie, tahatikwekonhátie ne raotitshenenʼó꞉konʼs iotiniaʼkwáhere iotihrieʼnakéhte ne iohnehtotkhá꞉ʼon, tánon ne kanonhkwaʼtsheranó꞉ron wenserákonʼonʼs, tánon ne wenienanó꞉ron iontatiaʼtohkáhstha, ronathahitáhkhe tsi niahotihawihátse ne Egypt nón꞉we.

Jeremiah 8:22

Iáh kén thènenh tetkanonhkwaʼtseráien ne Gilead nónhwe? Iáh kén tethonatetsientsheráien? Nonhtiéren, káti, nakonhkwetaʼshón꞉a tsi iáh teshonwathitiénton?

Ezekiel 27:17

Ne Judah tánon ne Israel onáhtsa nènhʼne wahesakarhiákʼten ne sawenhsónhas, otsinakontakwáne otsikʼkhéta, iakenhiewátha kénhie, ó꞉ni iekwakonhonsthákwa.

Proverbs 18:16

Tesatonwenhtsó꞉ni kenh taietsatátken nónhka iehsennowá꞉nen? Ne sénha watié꞉sen iáhshawe tsi okʼnahò꞉tenk ahshé꞉ion.

1 Samuel 9:7

Eʼthó꞉ne ne Saul watoriwaʼserákwaʼse nètho raksá꞉ʼa, “Ók tó꞉ka thóh iénteʼne, nahó꞉ten ientsiʼteniʼhawíthase nètho rón꞉kwe? Aséken ne kanátaro nonkeniʼiarákon ieiotʼtsaháhton, tánon iáh othènon teionhkení꞉ien natsiʼténon nètho Rawenni꞉io raonkwé꞉ta. Nahó꞉ten ionkeʼní꞉ien?”

Acts 21:14

Iáh tehionkwakwénion ne tasakwanikonrakénnion, sók kíʼ wahakwátʼkaʼwe tánon wahakwénron, “Káti tsi nithonikonrihióʼon ne Roia꞉ner thóh ni꞉iá꞉wen.”

Ezekiel 27:15

Nonhkweshón꞉ʼa ne Rhodes nónhwe wathisewahthatawíhon nònhʼne; iakotiokowáhnen nonhkweshón꞉á ne ienáhkere natsatʼthóntses ionhontsakéron tahiéson ne onotsthakówah rahothináhkares tánon ne iohienthanírons né watesehwahthatawísthakwe ne sahienthátsheras.

Song of Songs 8:14

Tsasteríhen, konhnorónkwa, tánon thóh nashiatokénhake kwáh ne ne kahentakéha oskenónhton khéhs nitsionaskwahiónha oskenónhton ráhtsinn tsi iothontónhni ne tsi iononhtáhere íres.

Song of Songs 4:14

Ne wakénre iontsatakonhonstákwas tanon ne otsínekwar niwashokóten kénie, tanon ne wenserákon ohniehtáhke tanon ne ionawatsisthathénʼen iontekwaʼkonʼonstáhkwah, tánon karontaʼshónhas ne kanetanó꞉rons, wenhienaʼnó꞉ron iontatiatokástha tanon wenienanórons, skátne ne kontiriwakwenios teiekwaiestáhkwas.

Song of Songs 4:10

Tsi nateiotsikhétare ne sanoronkwáhtsera, tiatenósen, aktsikhéta! Tsi sénha ioiánere ne sanoronkwáhtsera tsi ní꞉ʼiot ne onenharákeri, tánon ne satiatakoʼonstakwah sénhie tsi ní꞉iot ne weienhnanórons!

Proverbs 21:14

Tókaʼ ónhka iesanakhwá꞉se ahtasehtón꞉ke, tiok nahò꞉ten èntshon ne enkakwé꞉ni iaʼtenhshanaʼkwaieʼwèn꞉taʼne.

Proverbs 19:6

Akwé꞉kon ionteʼniéntha ne è꞉neken thonátte aontón꞉sheke ahshakotirí꞉wawaʼse; akwé꞉kon ionhská꞉neks naiakotenroʼseraièn꞉take nónhka tehshakoná꞉wis ne kaiaʼtakehnháhtshera.

Proverbs 17:18

Nek ne ónhka iáh teiakoʼnikòn꞉ra aiehrhá꞉ratste ne aierihwanón꞉weʼne nakó꞉ren iakotká꞉rote.

Psalms 76:11

Tátion ne Roiá꞉ner Rawenni꞉io tsi nahó꞉ten tsiarahratsténhni; iatsawí꞉ten natathawí꞉tsheras, ne ákta ratinakeréhnion nonkweshón꞉has. Né Rawenni꞉io sakahonniénhnis nonkweshón꞉has nahonwatsánike;

Psalms 72:10

Wakaterénhnaien ne rotinontí꞉ios ne Tarshish tánon ne tsi kawehnó꞉tons ohwísta ronwaʼkarhiáksehek, Waʼkaterénhnaien ne rotinontí꞉ios ne Sheba tánon ne Seba thonwaʼhawíten nathatawí꞉tsheras.

Psalms 68:29

Né karihónhnis né Sanonsatokentiʼkówa ne Jerusalem né rontinontí꞉ios thatíhas nathatawítseras naiéshon.

Esther 4:16

“Sheiaʼtaró꞉rok akwé꞉kon ne Sitaeró꞉non Susa ratinákere; ensewentóntiehte tánon enskwaterennaién꞉hahse. Tóhsa oʼthé꞉nen í꞉sewak tóhsa ó꞉ni sewahnekí꞉ra áhsen nenwà꞉ta tánon áhsen niwahsón꞉take. Konnón꞉kwe akehnhaʼtsheraʼó꞉kon tánon í꞉ʼi tho neniakwá꞉iere. Thó꞉ne ó꞉nen éʼthó ién꞉ke raohén꞉ton ne ronontí꞉io, iaweronhátien tsi nikaianerenhserò꞉ten. Tóka enkí꞉heie tsi tho nén꞉tiere, enkí꞉heie kiʼ.”

2 Kings 20:12

Kwáh tó꞉ka thóh shiʼkaháwine ne ronnontí꞉ioʼkwe ne Babyloniaró꞉non, né꞉ne Merodach-baladan, né꞉ne roienkénʼen ne Baladan, waharihwáronhke nètho Ronnontí꞉io Hezekiah tsi roʼnonwákʼthani, sók kíʼ iahohiátonhse tánon athatawítsera iahoteniéthase.

2 Kings 16:8

Né Ahaz kawistaráken tánon owistanó꞉ron iahá꞉ko Nononsatokentiʼkówaʼne tánon ne tsi ratiwistaienthákwah ne kanontiʼiótsera, tánon né꞉ne rakó꞉ra iahoteniéthase tsi wahá꞉wen.

2 Kings 8:8

Né ronnontí꞉io wahawénhase ne Hazael, né꞉ne saiáta rahonhátsera íken, “Iatiaʼwítas athatawítshera ne rotókenhse tánon tierihwanón꞉tons né tanithára ne Roiá꞉ner naharihwatʼtsénhri tóh꞉ka kén khés ne iáh tahonsakatʼkwahtháko.”

1 Kings 15:19

“Ánion thitewathénrof, tsi né niʼhiothónʼne ne ietinihokonhkénʼen. Kí꞉ken owistanó꞉ron tánon kawistaráken né wakónhion. Ká꞉ti ónenh thonshasewarihwatʼkhási ne Ronhnontí꞉io Baasha Nisraerʼró꞉nonke, né káti nahónton kwáh é꞉ren ahonshasakohiathenháwiʼthe ne rahosóhtar naʼkenakerahserákon.”

1 Kings 10:25

Nónhka enthonwanatharénhsera knahó꞉tenk enthonwahawíthaʼse nahón꞉hion—né꞉ne knahó꞉tenk kawistaráken tánon owistanó꞉ron, wakó꞉ses, ionhterihiosthákwah, hionhtekhwakonhonsthákwahs, akoshá꞉tens, tánon tewahóntes. Iehiokonhthákwenh kí꞉ken nóhsera tehiokwáhthaʼse thóh ní꞉ioht.

1 Kings 10:15

thiká꞉te tsi nihonwakarhiakséhaʼkwe ne ronahthenhninonhseró꞉tons, tsi nihonatwistonhníhon tsi naʼtehonathatawíhon, tánon nowísta rotikarhiáktons ne Arabiaró꞉nons ronhtinonhtí꞉ios ó꞉ni ne ratikoráhsons ne Israerʼró꞉nonke wathonhontsáiens.

1 Kings 4:21

Né Solomon rahonhnonhtiʼiótsera et rathihiátare nonhkweshón꞉as né Euphrates tiotásaʼwe tsi nióre ne Philistia tánon ne Egyptke karisthatátie. Ronhwakarhiaséhaʼkwe tsi niwateró꞉rokskwe nowísta tánon rahónha ronhwahiothenséhaʼwe kwáh tsi nirónhneskwe.

1 Samuel 25:27

Tánon nón꞉wa sheríhon ne kénʼen sanhá꞉tshera ne tahohawíten natiá꞉ner neh kiʼ thón꞉ion ne kén nithoʼiónha rónkwe tsi niʼkáien rononteráhtie natiá꞉ner.

Deuteronomy 33:14

Aiá꞉wens ne rahononhóntsas ne akahiaʼtateristónke né꞉ne karáhkwa ahonhiáriste, Ahiokwátstonke ne kwáh tewahí꞉ios ne tsi niekáhes nahonhiári.

Genesis 43:14

aiá꞉wens ne Roʼshatstenhserowá꞉nen Rawenni꞉io aontahtshition ne kentén꞉rat raohén꞉ton nétho rón꞉kwe, ne naón꞉ton taontahoténniehte nó꞉ia sewatateʼkén꞉ʼa tánon ne Benjamin. Ók ní꞉i, tóka ʼeh naiá꞉wenʼne aonká꞉tonʼse ne kheioʼokón꞉ʼa, eʼthó꞉ne kiʼ kwáh waká꞉tonʼs.”

Genesis 33:10

Ne Jacob wahén꞉ron, “Iáh, konhianithénthase; thoʼka waketsénhri nahonkerientí꞉io tsi nó꞉kwah ní꞉se, eʼthó ká꞉ti tséna tsi nitkákʼkhawas ne katsanà꞉ke; asèken orihwihiohónwe nahiontkátho ne skonsàke kwáh né꞉ne iontkáthos tsi rahkón꞉sonhte né Rawenni꞉io, tsik sénhak wastiéna tsi nihiawehrientí꞉iot.

Leviticus 20:24

Ók kíʼ wakwahrarátsʼten kí꞉ken hiókwats tánon hionhontsí꞉io né tsi ensewatiénawasʼte, tánon kwáh kíʼ éntsion. Í꞉i ne Watiá꞉ner Sewaní꞉io íken, tánon kwáh thísewaʼte tsiónhni tsi nòkwah nakorénhsons nonhkweshón꞉as.

Genesis 43:10

Tókaʼ iáh tho niió꞉re tsi thaionkwatenʼniskwáhton, ó꞉nen tékeni taionkwákton.”

Genesis 43:15

Sók kiʼ ne ronnón꞉kwe iahatíhawe natatawíhtshera, tánon waʼthatiiá꞉sere nohwísta iahatíhawe, iahonwaiaʼténhawe nen ne ʼeh ne Benjamin. Eʼthó꞉ne kiʼ ó꞉nen wahontén꞉ti Egypt niahón꞉ne, tánon raohén꞉ton ne Só꞉se waʼthatí꞉taʼne.

Genesis 43:25

wahatiweienén꞉taʼne natatawíhtshera ne thonwahawihtén꞉ni nahón꞉ion ne Só꞉se néntie nenká꞉rake énsrawe, aseʼkénh rotirihwahrón꞉ken tsi tho nón꞉we skátne naʼtenhontská꞉hon.

Genesis 43:26

Nó꞉nen sonsá꞉rawe ne Só꞉se, tahón꞉ion natatawíhtshera ne thotiion꞉ton kanónhskon, tánon iaʼthonhtshá꞉kete nonhontsà꞉ke ne raohén꞉ton.

Ezekiel 27:22

Né sawenhsónha ne rontkéronhs né Sheba nónhwe ó꞉ni ne Raamah owistanoronhsónhas, owisthanórons tánon ne kwáh tiohiáneres iotekkhwakonhonsthákwah wathisehwahtháton.

Exodus 3:8

Tánon káti takátsʼnenhthe nahonsakʼkheniáʼkenthe tsi nòkwah ne Egyptró꞉nons tánon ne tahontaʼkhehiaʼtínekenʼwe ne Egypt nónhwe thóh nienkhehiaténhaʼwe tsi nónhwe tionhontsowáhnen, tsi nikáien ne ionhontsàreʼsen ó꞉ni ionhontsí꞉io tánon tsi nónhwe né Canaanites, ne Hitró꞉nons, ne Amorʼró꞉nons, ne Perizró꞉nons, ne Hivró꞉nons, tánon ne Jebusites ó꞉nen nihatináhkere.