Genesis 41:8 - Ohiatonhseratokénti

⁸ Katíʼ né siiohrhónʼkehnéha kwáh í꞉ken tsi tehotateʼnikónhrhare; katíʼ iahshakotó꞉ri naontahonwatiiaʼténhawe tánon iahshakohnónkhon ratikwé꞉kon ne tehontkónhstha ne Egypt nón꞉we tánon ratikwé꞉kon ne rontkónhstha. Ne Pharaoh wahshakohró꞉ri ne raotetshènhseraʼs, ók iáh kiʼ ónhka tehotikwénion nahonwaʼnikonhraientahtén꞉nike ne Pharaoh raotetshènhsera.

Genesis 41:8 Referans Kwoze

Daniel 4:7

Eʼthó꞉ne káti ratikwé꞉kon ne shakonathiatonhseratkènse, tehontierónnionhs, niaʼtehotirí꞉wake, tánon né tsi iotsistohkwarónnion ronatewéienston tahonwatiiaʼténhawe, tánon waʼkhehró꞉ri nakwatetshénhsera, nok iáh kiʼ tehotikwénion naionkeʼnikonhraientahtén꞉ni.

Exodus 7:22

Ethóne ne Ronhnonhtí꞉io rahonkwetashón꞉ʼa ne tehontierónhnions kwáh nónhne ó꞉ni ètho nahatíʼiere tsi wahthontierónhnion, tánon ne Ronhnonhtí꞉io kwáh sènha wahatenonhtsistaʼnírahʼthe. Kwáh kíʼ niʼniháwen ne Roiá꞉ner, ne Ronhnonhtí꞉io iáh tehoʼthonʼtáton nʼasakotahonsatáton ne Mahís ó꞉ni ne Aaron.

Matthew 2:1

Herod Shihonontiio, nihonakeraton ne Iesos tsi tkanataien ne Bethlehem, etho kati ȣahonneȣe Asen nihati Ratisennoȣanens tsi tkarakȣinekens nontahonne.

Daniel 4:5

Nók onkatétshen né iotetshenhserátteron tánon iotteronhtónnionʼs waʼkatkahthóhseron tsi náhe wakí꞉taskwe.

Daniel 1:20

Iáh tewatsterístha oh nahò꞉ten ne ronnontí꞉io enhariʼwanónton tókaʼ ó꞉ni nahò꞉ten tahoʼnikonhrhá꞉rake, kí kaié꞉ri nihá꞉ti oié꞉ri naʼtekaiá꞉sere sénha ratirihwaienté꞉ris tsi ní꞉ioht ne shakonathiatonhseratkénse, tókaʼ ó꞉ni né kwáh rotiʼnikonhrowá꞉nens ne kwáh tsi nikanakeráhsera.

Isaiah 29:14

káti kwáh shé꞉kon thóh nénstiere iorihwanerakwahténions tsi nahoténsons tsi nenkheiatié꞉ras kí꞉ken onhkwehókons, tiotónnek tánon ionerákwat. Ne raonatʼthokhátsheras ne raononhkwetaʼshón꞉has ne rontʼthókas kwáh kí enwáton, tánon ne rotiʼnikonraientáʼon tsi niekarihwáken kwáh kí enwahséhtonke.

Exodus 7:11

Ethò꞉ne ne Ronhnonhtí꞉io iasakononhke ne rahonkweʼtashón꞉ʼa ne ronhteniʼkonhraʼtó꞉kahs ó꞉ni ne tehontierónhnions, tánon tsi nathaʼteieronhnionháton kwáh nónhne ètho nahatí꞉iere.

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Isaiah 8:19

Nón꞉wa tó꞉ka nonkweshón꞉has eniesénhase, “Wáhs ne seiateniénten ne sakonatʼthonserátkenhse tánon ne sakotinikonrí꞉sak ne ronenheiónserons; iáh kéhn tehiówenk nonkweshónhas néh asakotinikonrík꞉sake né raʼotihiatonhnishón꞉ʼahs, ne ne ronenhé꞉ions ne raotirihwáke ne ronónnhe,

Leviticus 19:31

“Tó꞉sa thóh niénhsewe naʼietsihiatenikonhrihsáhkha nonhkweshón꞉as né꞉ne ronhwatinikonhríhsaks ne ronenhéion. Tó꞉ka thóh nénhshiere, kwáh kíʼ shihiorihwakáion tsi teshahiathátion. Í꞉i ne Watiá꞉ner Sewaní꞉io.

Exodus 8:7

Ók ne tehontierónhnions ne wahónsthe ne tehiotierónhnion, tánon ó꞉ni wahatiʼkwéni notskwà꞉rhe tahaʼthihiaákenʼne nonhwenhtsàke.

Genesis 40:8

Wahonwènhahse, “Waʼontiatétshen, tánon iáh ónhka ne kén꞉ʼen té꞉iens naionkhiʼnikonhraientáhten nahó꞉ten kén꞉tons nétho atetshènhsera.” Tánon ne Só꞉se wahshakawènhahse, “Ne takarihwathé꞉tonke iáh kenh Rawenni꞉io tehó꞉wenʼk? Aetsathón꞉tate takenihró꞉ri.”

Genesis 40:6

Nó꞉nen ne Só꞉se sahshakó꞉ken nohrhonʼké꞉ne, waháttoke tsi tehonaʼnikónhrhare.

1 Corinthians 1:19

Noriwahtókenti wáhton, “Enʼkeriwáhtonthe ne raonatʼtokhátsheras ne rotinikonrowáhnen, tánon enkateweiénton ne raoʼtinikonrahientátsheras ne shakotirihonniénʼnis.”

Acts 17:18

Tóhka niháti ne Epicurean ó꞉ni ne Stoic sakothirihonniénnis ronónha ó꞉ni watathiriwatirónten. Tóhkarah niháti wahatiriwanónton, “Ki꞉ken tekásʼtsias rotheriéntare kén tsi nahóten ráhton?” Ótsiake wahtatiriwaseráko, “Thóh ní꞉ioht tsi wéh꞉ne knakariwiʼiosthontseróten rotaráhkwen.” Neh aoríhwa neh wahonníron neh tsi Kór roteriwanóten tsi nòkwa ne Ié꞉sos tánon tsi sotʼkhétskwen.

Acts 7:22

Akwékon wahonwarihwahweiénsten neh Egyptian rahotiriwasón꞉a tánon kwáh íken tsi waronkwethoʼwána ó꞉ni rawenʼnasátstheʼkwe.

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

Daniel 8:27

Í꞉i Daniel kwáh wakaʼnikonhrókten ó꞉ni tóhka nón꞉ta onkenonhwákten. Eʼthó꞉ne tonsáktaʼne ionsakatahshónteren sontióʼten tsi nihakenhá꞉on ne ronnontí꞉io, nok wakaterihwakwé꞉ki tsi ní꞉ioht tsi wakatetshén꞉en tánon iáh tewá꞉tons naonkeʼnikonhraién꞉taʼne.

Daniel 7:28

Né kí né tsi ieió꞉toʼkte norihwaʼshón꞉a. Eʼtho niió꞉re tsi ónkteronʼne kwáh watkatskennennaʼtón꞉ten, ó꞉ni kwáh orihwakwé꞉kon akonhá꞉ke waʼkateweiénton.

Daniel 5:11

Shaiá꞉ta rón꞉kwe rén꞉teron ne sanakerahserá꞉kon nikwé꞉kon ne roʼnikonhratokénhti ne Roiaʼtatokénhti Rawenni꞉io. Shihonontí꞉io né iaʼníha, ki rón꞉kwe wahrotáhsi tsi nikéntonhs né kaiatorehtahtsherí꞉io, nattokhátshera, kaʼnikonhraientáhtshera tsi ní꞉ioht né raotíʼnikonhraientáhtshera ne raotiní꞉ioʼs. Tánon ó꞉ni ne ronontíiohkwe Nebuchadnezzar, iaʼníha, raónha ohén꞉ton iaʼthótahste né ronwanathiatonhseratkénse, rontenʼénnarahs, tehontierónnions, tánon ne ronttsistohkwakkénse.

Isaiah 19:3

ne tsi ronónnhe ne Egyptró꞉non kwáh enkahiakénhen, tánon kwáh thenkheʼhianitonhniáten tsi niohʼnatenikonhrón꞉ni; kwáh ne ensakonaʼtenikonrát꞉kenhse ne kahiatonhnisónhas tánon ne raoʼtinikónras ne ronenhéions tánon ne raonatónnhets ne tehhontaterennáonh tsi niʼhonnontónhnions;

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

Leviticus 20:6

“Tó꞉ka ónhka tsi nítsion thóh iénsewe naietʼtsinikonhrihshákha nonhkweshón꞉a né꞉ne konhwatiʼnikonhríhsaks ne ronenhéions, kwáh kíʼ enhkonhiatʼkónhten tánon iáh kíʼ ské꞉kon ne tahonsehshatená꞉thonkwe Í꞉i akonkwéta akénhake.

Exodus 9:11

Né tehontierónhnions iáh tehotiʼkwénion nahonahthotaʼshionʼke rahohénton ne Mahís, tsoríwa tsi nihoʼnatkwaroʼtakwarónhton, kwáh tsi kíʼ ní꞉ioht ne ronáhtsiaʼkes ne Egyptró꞉nons.

Genesis 41:7

Ne kenʼk nikanátsaʼs iaʼkonwanatiaʼtahnéhkwane ne kanatsowá꞉nenʼs. Tánon né Pharaoh sahá꞉ie, tánon nek khók natetshènhsera í꞉ken.

Genesis 41:15

Tánon ne Pharaoh wahawénhase ne Só꞉se, “Wakatetshèn꞉ʼen, tánon iáh ónhka teiekwénieʼs naieʼnikonhraièn꞉tahte. Wakerihwahrón꞉ken ní꞉se nó꞉nen ensathón꞉teʼne natetshénhsera tsi enskwé꞉ni nahseʼnikonhraièn꞉tahte.”

1 Samuel 6:2

Eʼthóhʼne ne Philistine iashakotínonhke ne ratiʼtsihénstatsis ó꞉ni ne iehatiʼriwá꞉kens tánon wahonní꞉ron, “Ónhnahitewá꞉iere ki raoneró꞉kwa ne Roiá꞉ner? Takwahró꞉ri nahó꞉ten tsi skátne tsi ieniakwaténiete tsi nón꞉we tionákte.”

Daniel 4:6

Iaʼkheiateriʼwaniéhten ratikwé꞉kon ne kanontiióʼtshera aonkweʼtaʼshón꞉ʼa né rontenʼnikonhrattókhaʼs ne Babylón꞉ke, nahontahón꞉ne akʼhén꞉ton, né naontónhsheke naionkró꞉ri nahò꞉ten neʼ kéntonhs kí atetshénhsera.

Daniel 4:18

Eʼthó꞉ne ne Ronnontí꞉io Nebuchadnezzar wahén꞉ron, “Né kí ne wakatetshé꞉nen. Ó꞉nen kiʼ, Belteshazzar, takró꞉ri nahò꞉ten kénton. Iáh ónhka tsi ní꞉kon wakonkwé꞉taien ne rontenʼnikonhrattókhas tehotikwénion naionkró꞉rike, nók í꞉se kiʼ enhskwé꞉ni, àseʼken né raotiʼnikonhraʼshón꞉ʼa ne rotiiaʼtatokenhtíshon thikaniiotsherá꞉te ratì꞉teron sonhà꞉ke.”

Genesis 41:24

tánon ne tsá꞉tak kenʼk ní꞉waʼs ionorenʼtónnions nonátsa iaʼakonatiaʼtahnéhkwane ne tsá꞉ta ní꞉kon ne kanatsowá꞉nenʼs. Ók nó꞉nen shaʼkheró꞉ri ne ronátkonʼs, iáh ónhka tehotikwénion naionkeʼnikonhraientahtén꞉ni.”