Genesis 41:34 - Ohiatonhseratokénti

³⁴ Tsheríhon ne Pharaoh nahshakoiaʼtará꞉ko nonkwehshón꞉ʼa nahontenʼnikón꞉raren nohóntsa, tánon rateweièn꞉ton ne wískháton enkénhake kwáh tsi ní꞉kon tsi enhatiientkwá꞉ko ne tsi ionhontsá꞉ien ne Egypt tsi nikarí꞉wes ne tsá꞉ta niiohserá꞉ke ne wé꞉so enkanákerenʼne.

Genesis 41:34 Referans Kwoze

Luke 16:5

Ethone akteson tsi iasakohnonkhon ne ronatkaroton, ȣahoriȣanontonse ne rahente, ȣahenron: Toh nikon iakarotani nakkosȣe?

Proverbs 27:12

Nón꞉kwe ionttokhahtsherí꞉io eniónttoke nó꞉nen tá꞉we ne kaʼnikonhrharáhtshera tánon eniontatiaʼtohtáhrho, nónhka iáh thaionnonhtonnión꞉ko entierihó꞉kaʼte tánon ohnaʼkèn꞉kha entsontateriʼwáhsten.

Proverbs 22:3

Nón꞉kwe ionttokhahtsherí꞉io óksaʼk ienieièn꞉tereʼne tókaʼ tá꞉we ne kaʼnikonhrharáhtshera é꞉ren èn꞉ienhte, nok ónhka iáh tshiaʼtaionnonhtónnionhwe kwáh nen né꞉ʼe tho nienhén꞉ien tsi non tetekaʼnikónhrhare tánon nohnaʼkèn꞉kha entsontateriʼwáhsten.

Psalms 33:19

Sakohnónstats tsi nòkwah ne kenhéiatne, sakónonste nahonnón꞉nheke nó꞉nen ienhkáhewe natonhkarhiákon.

Job Tánon ne Raoronhiakensera 5:20

Iekaní꞉hare tsi nokwáh natonhkarià꞉kon tsi enshiaiatá꞉ko ne kenhé꞉iatne, tánon nó꞉nen waterí꞉io tsi nokwáh naoshatsténhsera nasareʼkó꞉wa.

Nehemiah 11:9

Tánon ne Joel, né꞉ne roʼní꞉ha ne Zichri, né꞉ne sakotenikonrá꞉wiskwe ne ronón꞉ha, tánon ne Judah, né꞉ne roʼní꞉ha ne Hassenuah raónha ne tekeníhaton ieháthakwe tsi nihoterihónthakwe ne kanatowanénhke.

2 Chronicles 34:12

Né ronhʼnónhkwe waʼhotihióten tsi kwáh né tehiahonkótons tsi thonʼnonkwetaiéris í꞉ken. Né ronwanateriwasterísthaʼse ne kaiéri nihá꞉ti Leviró꞉nons: né꞉ne Jahath tánon ne Obadiah né꞉ne tsi ratitárahien ne Merari nón꞉we nihaiátare, tánon ne Zechariah tánon ne Meshullam né꞉ne tsi ratitárahien ne Kohath nón꞉we nihatihiátare. ( Né Leviró꞉nons ratikwé꞉kon rotirenhnáhon nahonterenhnó꞉ten.)

Numbers 31:14

Ne Mahís kwáh íken tsi washakonákwahse ne ronaterihóntons, ne ratisenhnowánens ne rahotitsiókwahs ne ronhterí꞉ios tánon ne ratikwekonháties, né꞉ne sahón꞉newe tsi waterí꞉io nathontahón꞉ne.

Genesis 41:33

Nón꞉wa tsheríhon ne Pharaoh ahoiaʼtíhsake rón꞉kwe ne ne roʼnikonhraientá꞉tskon tánon rateʼnikonhrattókha, tánon tho róʼteron ne nahaterihwatsté꞉rihste tsi watonhontsá꞉ien ne Egypt.

Genesis 41:35

Sheríhon ratikhwaró꞉rok ne kí꞉ken enkaiánerahste ne taiohseratátie, karohrónhak tánon nonátsa wateweienʼtónhak thóh raoʼshatstenhserá꞉kon ne Pharaoh ne nahotitkhwaièn꞉take ne kanà꞉takonʼs tánon tehontekhwanonhiá꞉nite.

Genesis 47:24

Tsi niieientwákwas ne wískhaton ié꞉ken Pharaoh ne entetshítson, tánon ne kaié꞉ri niiotatén꞉ron í꞉se kiʼ nenʼ neʼeh sewá꞉wenʼk, ne kanenhaʼshón꞉ʼa ne naonsesewaiénthoʼte tánon ne ne sewatená꞉tshera í꞉ken tánon ní꞉se ó꞉ni ne sewahwá꞉tsireʼs, tánon ne ne raonatená꞉tshera ne seienʼokón꞉ʼas.”

Genesis 47:26

Sók kiʼ ne Só꞉se wahaianerenhserón꞉ni tsi niioterihwatié꞉ren ne tsi ionhontsá꞉ien ne Egypt, tánon shé꞉kon kiʼ nikaianerenhseratátie nón꞉wa wenhniserá꞉te, nétho Pharaoh tsi aó꞉wenʼk nahaiená꞉sheke ne wískhaton nié꞉ken. Ne khók ne raononhóntsa ne ratitsihènstatsiʼs iáh nenʼ ne ʼeh Pharaoh tehoiená꞉ʼon.