Genesis 40:8 - Ohiatonhseratokénti

⁸ Wahonwènhahse, “Waʼontiatétshen, tánon iáh ónhka ne kén꞉ʼen té꞉iens naionkhiʼnikonhraientáhten nahó꞉ten kén꞉tons nétho atetshènhsera.” Tánon ne Só꞉se wahshakawènhahse, “Ne takarihwathé꞉tonke iáh kenh Rawenni꞉io tehó꞉wenʼk? Aetsathón꞉tate takenihró꞉ri.”

Genesis 40:8 Referans Kwoze

Daniel 2:47

Né ronnontí꞉io waʼthorihwaʼserákwaʼse ne Daniel rá꞉ton, “Thí Rawenni꞉io tsi niká꞉ien ne ehtshénnaienhs, ne raonhá꞉ʼa thaʼshátste tsi nihá꞉ti ne niioʼokón꞉ʼa, raónha thieshakoiá꞉ner ne rotinontiióshon, tánon raónha ó꞉ni reʼnéhstha ne kariʼwahsehtánion. Né aorì꞉wa wahskwé꞉ni wahsheʼnikonhraién꞉tate ki kariʼwáhsehton.”

Daniel 2:28

Ne ók ne Rawenni꞉io karonhià꞉ke thén꞉teron, raónha rotáhshions ne kariʼwahséhtánion. Iatokaʼtén꞉ni Sanontí꞉io tsi neniá꞉wenʼne ne kenʼ eniótiehte. Ó꞉nen kiʼ enkonhró꞉ri ne atetshénhsera, tsi nahsatkáhtho tsi náhe séntahskwe.

Amos 3:7

Oriwiioʼón꞉we ne Roiá꞉ner tsi iáh oh thé꞉nen thahá꞉iere, ne iáh ohén꞉ton thahshakorihotahshienní꞉re ne karihwahséhton ne raonkweʼtaʼshón꞉ʼahs rotitokénhse.

Daniel 4:8

Eʼthó꞉ne Daniel tahatáweiaʼte. (Ne Daniel Belteshazzar, rihsenná꞉wi né natiatón꞉ni riwenniióhstha raohsén꞉na.) Ne raoʼnikòn꞉ra né Rotokénhti Rawenni꞉io nikwé꞉kon, sók kiʼ wahihró꞉ri nahò꞉ten wakatetshénʼen. Wahienháhse:

Daniel 2:11

Tsi nahò꞉ten ne Sanontiióʼtshera rariʼwanóntha tsi niwentó꞉re iáh ónhka thaiekwé꞉ni eʼtho naié꞉iere kwáh nék ne ratiwenniioʼó꞉kon, tánon iáh nen né꞉ʼe ón꞉kwe skátne tehatinákere.”

Isaiah 8:19

Nón꞉wa tó꞉ka nonkweshón꞉has eniesénhase, “Wáhs ne seiateniénten ne sakonatʼthonserátkenhse tánon ne sakotinikonrí꞉sak ne ronenheiónserons; iáh kéhn tehiówenk nonkweshónhas néh asakotinikonrík꞉sake né raʼotihiatonhnishón꞉ʼahs, ne ne ronenhé꞉ions ne raotirihwáke ne ronónnhe,

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

Genesis 40:9

Sók kíʼ nohén꞉ton ié꞉rate ne teionthnekontáhkhwah raksènhahs Só꞉se wahohró꞉ri ne raotetshènhsera, tánon wahawènhahse, “Nakeserénhtakon ioteʼnènharare nakhén꞉ton,

Job Tánon ne Raoronhiakensera 33:23

Ethò꞉ne, tó꞉ka shenón꞉wa saiá꞉ta tsi nihá꞉ti raronhiakeró꞉non akénhake, né sakoterihwashonterá꞉nis, nene saiáta khók í꞉ken ne énskat tewenhniaweheʼtseráhsen nihá꞉ti, raónha ratró꞉ris nahó꞉ten ne ioiánere í꞉ken,

Daniel 2:3

Wahshakawénhahse, “Tewakatateʼnikónrhare tsi nahò꞉ten wakatetshén꞉en. Tewakatonhwentsó꞉ni ne ahskwahró꞉ri tsi nahò꞉ten kéntonhs.”

Daniel 2:27

Daniel waʼtharihwaʼserá꞉ko, “Sanontí꞉io, iáh né tshiateiakorí꞉wake, tehontierónnions, shakonathiatonhseratkénse, tóhka ó꞉ni ne ronteweiénstha tsi iotsistohkwarónnion ne ahatikwé꞉ni né aiesahró꞉ri tsi nahò꞉ten kéntonhs né atetshénhsera.

Daniel 5:16

Ó꞉nen wakerihwá꞉roke tsi skwénieʼs ne ahserihotáhsi tsi nikéntonhs ó꞉ni ne ahsheʼnikonhraiéntahten ne ioteriʼwahséhton. Tó꞉kaʼ enhskwé꞉ni nahsewennahnó꞉ten ki kahiá꞉ton tánon enhsekró꞉ri nahò꞉ten kéntonhs, ne enhshié꞉na ne kwáh è꞉neken tiótte ne kakwenienhsthátshera tánon ne ensehsatsherónniaʼte ne waʼkóhses ne arihwawaʼkonhnéha niwahsohkó꞉ten, ohwistanó꞉ron enhsaníhtiake, tánon ne tsi kanakerahserá꞉ien ahsénhaton niénhstake tsi ensaterihóntake.”

Genesis 41:25

Eʼthó꞉ne ne Só꞉se wahawènhahse ne Pharaoh, “Ne Pharaoh raotetshénsera tetsá꞉ron ne shá꞉ka tsi nikén꞉tons; Rawenni꞉io wahorihotáhshien ne Pharaoh tsi nenhá꞉iere.