Genesis 4:17 - Ohiatonhseratokénti

¹⁷ Cain shakoienté꞉ri ne ró꞉ne, tánon ontháwa naiowiraiéntane tánon ne wahonakerátste né꞉ne Enoch; eʼthó꞉ne ne Cain kanatowánen wahanatón꞉ni, tánon né꞉ne roién꞉ʼa raosén꞉na Enoch wahaná꞉tonkwe.

Genesis 4:17 Referans Kwoze

Psalms 49:11

Né꞉ne raonattsiatónhkwa raotinón꞉sa enkénhake tsi nénhwe, thóh nón꞉we nenhatiterón꞉take né꞉ne tsi nénhwe enkénhake, eʼthohʼsáne iehioterátston rononhontsaiénthakwe.

Daniel 4:30

Ne ronnontí꞉io wahén꞉ron, “Sewatkáhtho tsi niionatatshà꞉ni ne Babylon! Ne wakonniá꞉ton nʼakanatakweʼní꞉ioke naweʼnéhston nʼakesatsténhsera ó꞉ni teiotenonhianíhton, nʼakerenhsarónhtshera ó꞉ni kahsennowá꞉nen.”

2 Samuel 18:18

Nón꞉wa ne Absalom tsi ná꞉he rónnhekwe wahanenhiónhni tánon wahatatenenhiót꞉thase thóh nón꞉we ne Ronnontí꞉io raonrá꞉kwahkon, asèken wahén꞉ron, “Ní꞉i iáh tewakenekenteronhtserá꞉ien ne aksenhnatátieke nahionkerharásthakwahke”; ne wahanenhióten raosénhna wahanátonhkwe. Ne konwáiats Absalom ionenhió꞉te shé꞉kon nón꞉wa wenhniseráte nikanenhió꞉te kíʼ.

Genesis 11:4

Eʼthó꞉ne wahonní꞉ron, “Ánion kiʼ ó꞉nen kanatowá꞉nen tewatenatón꞉ni, ó꞉ni noʼnikáhtha, ne ne iaón꞉we tsitʼkaronhiá꞉te, ne ne aetewahsennowanénhake ó꞉ni ne ne tóhsa ohontsakwé꞉kon taetewaré꞉ni.”

Genesis 5:18

Nó꞉nen ne Jared énskat tewenʼniáwe tánon iá꞉iaʼk niwáhsen tékeni shaʼtehaohseriiá꞉kon wahoneʼkenterontseraièn꞉taʼne né꞉ne Enoch, tánon shé꞉kon shaʼté꞉kon tewenʼniáwe niiohserá꞉ke sronnhékwe tsi náhe thawennakerá꞉ton ne Enoch. Tánon ó꞉ni shé꞉kon ó꞉ia ronekenterontseraièn꞉tahkwe ó꞉ni rowiraién꞉takwe tsonathonwí꞉sen. Tsi nirónh꞉nheskwe ne Jared tióhton tewenʼniáwe tánon iá꞉iak niwáhsen tékeni tánon naʼrenheie.

Genesis 4:16

Ethó꞉ne ne Cain é꞉ren wá꞉rehte tsi nón꞉we ní꞉res ne Roiá꞉ner, tánon thoʼnón꞉we ionsahathatiteron tsi tiohóntsaien ne konwanaʼtónhkhwa Nod, né꞉ne tsik karahkwí꞉nekens nokwáti ne Eden.

Genesis 4:18

Ne Enoch wahoneʼkenterontseraièn꞉taʼne Irad wahoná꞉tonkwe, tánon ne Irad né꞉ne ieshoién꞉ʼa ne Mehujael, tánon ne Mehujael wahoneʼkenterontseraién꞉taʼne Methushael ne wahoná꞉tonkwe, tánon ne ieshoièn꞉ʼa Lamech né ronwá꞉iats

Psalms 49:12

Né rón꞉kwe thóh nahontahottsenhnáteske iáh kíʼ né tahonónsthate ne tó꞉sa arénheie; kwáh kíʼ thóh ní꞉ioht tsi enrénheie tsi ní꞉ioht ne katʼtshénen.