Genesis 4:15 - Ohiatonhseratokénti

¹⁵ Eʼthó꞉ne ne Roiá꞉ner wahawénhase, “Iáh thó꞉teiot! Ónhka ahonwanonwariákhon ne Cain kwáh enharonhiáken tsáta nihionkwetake iaténskene ne karewathátsera.” Tánon ne Roiá꞉ner wáʼthohiaton ne Cain, ne káti nonka tenhontátken ne tóhsa ahonwanonwariákon.

Genesis 4:15 Referans Kwoze

Ezekiel 9:4

“Wáhs akwékon nonhtáset ne kanatowahnénhne ne Jerusalem tánon rahtikenkwaráhke teshehiáton tsi nihiákon tiakonikonhrénʼen tánon ne tehiakonikónhrareh tioríhwa tsi nihioriwáke ne ioteriwahtéhas tsi kahieráhnion ne kanatowakénke.”

Psalms 79:12

Saiá꞉ner, tsáta niʼiorihwáke shasehkáriaks nakorénhshons nonkweshón꞉has; né nakwékon tsi nihotiʼthónhiote ne sahénton tsi niʼiesanikonraksáton!

Ezekiel 9:6

Sehnonwarhiákon ne rotiksténhas, nithohtiʼiónhsa, nitiotihiónsa, kanisténseras, tánon ratiksahokónhas. Ók tó꞉sa kén niasèier nónhka ne tehonaʼtenkwaʼrenhiáton. Kénʼen Akenonhsatokentiʼkówahne iasathá꞉sawenh.” Sók kíʼ ne tahontashawénhkwe ne sakothihéntenseh ne thóh ronhnéthonkwe NʼOnonsatokentiʼkówahne.

Genesis 4:24

Tóka tsá꞉ta nihioríhwake karihwanónt꞉tha nahonsakahkariákton nahonwanonwariakhon ne Cain, oriwiiohónwe ne Lamech Tsáta niwáhsen tsátak nihioríhwake iatenskene tóhka onkháʼk enhionkenonhwariakhon.”

Revelation 14:11

Tánon ne iohtékha ne rotironhiakéntha tsi nén꞉we tsi enhiotékhake. Iáh teká꞉ien naonhorisénhtane nenhtsekhè꞉ne khéks noʼkarasné꞉ha né꞉ne tsi nihá꞉ti ne ronón꞉ha ronwasenhná꞉ienskwe ne katsinonhiowá꞉nen tánon ne raoiatónhni tánon ne nónhka iakoiená꞉hon ne teonwatihiatónhkwen ne raoshén꞉na.”

Revelation 14:9

Eʼthò꞉ne ó꞉ia raronhiakeró꞉non, ne nasénhaton, washakononteratséshon nó꞉ia tenihiáse, tehaséntʼtos tsi nihawén꞉na, “Tsi niiá꞉kon nónhka enhonwashén꞉naien ne kaʼtsinoniowá꞉nen tánon ne raoiatónhni, tánon roʼtiiená꞉on tsi tehonwatikenkwaraiá꞉ton khóks ne satiweientetákwen rontsá꞉nake,

Matthew 26:52

Ethone tahenron ne Iesos: Saseta ne sasharekoȣa tsinonȣe niionakte: Aseken tsiniiakon neh enkonȣaniahese ok neh entsiakorioste.

Hosea 1:4

Tánon ne Roiá꞉ner wahawénhase, “Jezreel tienáhtont; asè꞉ken iáh takarihwé꞉sonhke kwáh enkheré꞉wate nonkweshón꞉as ne Jehu nón꞉we né꞉ne Jezreel raonekwénhsa entkarihón꞉ni, tánon kwáh ientsiástsi ne raotinakeráhsera nonkweshón꞉as Nisraeró꞉nonke.

Psalms 59:11

Tó꞉sa sehnonwarhiákon, nontsérenk nakonkweʼtashón꞉has ensohtinikónhren; tesehiaré꞉nat sashaststénhsera í꞉sats, tánon tasehiátent, Ó Saiá꞉ner, í꞉se nonkwatrohosthákwah í꞉ken.

1 Kings 16:7

Nètho aterihwanothátsera né Roiá꞉ner thotʼkáwen tsi nòkwah ne Baasha tánon ne rahowátsire né꞉ne rotokenséhaʼkwe Jehu rahohesthénhni tsioríhwa ne rahorihwanerahát꞉tseras nètho Baasha né thóh nihiawénhen tsi nòkwah ne Roiá꞉ner. Wahawénhraʼthe ne Roiá꞉ner rahonakwáhtshera iáh nék khók tehiorihwáke tsi niʼkarihwáksenhs tsi nihotseránion, kwáh kíʼ tsi nihotseránion ne Ronhnontí꞉ioʼkwe Jeroboam nohénton ne rahónha, ók né kíʼ aoríhwa tsi kwáh ratikwékons sakononhwarhiakónhnions ne Jeroboam rahowátsires.

Leviticus 26:28

ethòne kíʼ akenakwatsherákon kwáh kíʼ enkonhiatkónhten tánon shé꞉kon tsáta naʼtestsiáseren sénha enkonhréwaʼte tsi ní꞉ioht ne tsiotserénhton.

Leviticus 26:24

ethòne kíʼ enskonhiatkaraténi tánon enskonhréwaʼte tsáta nihiorihwáke sánha enhioníronhke tsi nitsiotónhne.

Leviticus 26:21

“Tó꞉ka ienskóntaʼkwe ne taskerihoráraʼke tánon iáh tesatʼthóntats naskewénhnaraʼkwe, kwáh kíʼ shé꞉kon Iensétreʼke ne sarewatátsheras tsáta natestiásere.

Leviticus 26:18

“Tó꞉ka nó꞉nen orihwakwékon enhiothohétsthonke ské꞉kon kíʼ iáh teskewenhnarákwah, kwáh kíʼ tsáta nihiorihwáke tentsiásere ne sharewatátshera.

Proverbs 6:31

Ók kiʼ tókaʼ enhonwahá꞉raʼse, tsá꞉ta nateiotiá꞉sere tsi akwé꞉kon enhshakáriaʼke—enháhtkaʼwe tsi nahò꞉ten ró꞉ien.