Genesis 39:4 - Ohiatonhseratokénti

⁴ Ne Potiphar kwáh í꞉ken tsi wahaonkweʼtanón꞉weʼne ne Só꞉se tánon kwáh ne wahaón꞉ni ne raonhá꞉ʼak khók ahoióʼtenhse; kwáhkíʼ ráonha wahorihón꞉ten ahatenʼnikón꞉raren tsi ronónhsote tánon kwáh tsi nahoʼtén꞉shonʼs né raowenhshón꞉ʼahs.

Genesis 39:4 Referans Kwoze

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Proverbs 27:18

Tesahrhó꞉ton kí꞉ken tsionʼnionwarontonhakowa kehrite tanon enshahianenhtane nashaiake ne tsionʼnionwarontakowa. Ratihnhá꞉tshera tehshakotíhshnie ne ratiiaʼtakweʼní꞉io enhonwatikwénienhsteʼ.

Genesis 39:8

Ók iáh tehothontá꞉ton tánon wahrènhahse ne róhnhaʼs ró꞉ne, “Satahónhsatat, tsi kén꞉en í꞉keʼs, ne rakéhnhaʼs kwáh iáh oh thé꞉nen thaʼtehotateʼnikónhrhare tsi niioterihwatié꞉ren ne kanónhskon, tánon kwáh akwé꞉kon tsi nihó꞉ien tsi Í꞉ʼi rakatahkweniaién꞉ni.

Genesis 24:2

NʼAbraham wahawènhahse ne kwáh thokstén꞉ha ne raohnhá꞉tshera, tsi niká꞉ien roterihwatsteríston akwé꞉kon tsi nihoientahtsherá꞉ien, “Knítshó꞉kon iahsatahtsaʼnó꞉rok,

Genesis 19:19

iorihowá꞉nen tsi nahskatié꞉raʼse tsi wahseʼniá꞉kenhte ne tsi kónhnhe; ók só꞉tsi aʼí꞉non í꞉tken ne tsi tionontahrónnionʼs, ne karihwaiesáhtshera entewakeʼrhó꞉roke tánon enkíheie nohén꞉ton neh nón꞉we iá꞉kewe.

Proverbs 22:29

Takenaʼtón꞉hahs nónhka raioʼtenhserí꞉io, tánon enkonnaʼtón꞉hahse ónhka sénha ionkweʼtí꞉io tánon tehotèn꞉tshon skátne ahonné꞉sheke ne rotinontí꞉ios.

Proverbs 17:2

Kí꞉ken rahnhá꞉tshera rattokhahtsherí꞉io ne è꞉neken enhshotohetstáhkwen ne raiaʼtakweʼní꞉io roién꞉ʼa ne tsi tehotenonhwarorí꞉tonte tánon ne rahnhá꞉tshera knahò꞉tenʼk enhaié꞉na ne kakwahtshéhtshera.

Proverbs 16:7

Nó꞉nen entsheʼnikonhraié꞉rite Roiá꞉ner, enhskwé꞉ni ne iesáhswenhs ahsheiatenroʼserónnion.

Genesis 33:10

Ne Jacob wahén꞉ron, “Iáh, konhianithénthase; thoʼka waketsénhri nahonkerientí꞉io tsi nó꞉kwah ní꞉se, eʼthó ká꞉ti tséna tsi nitkákʼkhawas ne katsanà꞉ke; asèken orihwihiohónwe nahiontkátho ne skonsàke kwáh né꞉ne iontkáthos tsi rahkón꞉sonhte né Rawenni꞉io, tsik sénhak wastiéna tsi nihiawehrientí꞉iot.

Genesis 18:3

tánon wahén꞉ron, “Atiá꞉ner, tóka ne takanonhtonhnión꞉se ne thé꞉nen akeriʼwáhstahtonke ne sahén꞉ton, tóhsa satohétstahk tsi nón ní꞉reʼs ne sahnhá꞉tshera.

Proverbs 14:35

Rotinontí꞉ios ronatshennón꞉ni nó꞉nen ne ronateríhonte thatiié꞉rits tsi nihontiéhrha, nok ne iáh tethatiié꞉rits enhshakotihré꞉wahte.

1 Samuel 16:22

Ne Saul ionsahoteriwaniéten ne Jesse, ratón꞉nions, “Ahtserí꞉on ne Táwit kénʼen aréhsehke tsi niwatsioténstha, asèken wahatʼtsénhri ne kaiathaterítsera nakʼkénton.”

Genesis 33:8

Ne Esau wahén꞉ron, “Onh nahó꞉ten tsí꞉tons kíʼ ken tsi nihonahtiókwah watiakwahtátken?” Ne Jacob watharihwasehrahko, “Ne nahkhetshénhri nahtsianer nahontahakerihwá꞉wahse.”

Genesis 32:5

tánon tehotinaʼkares wakenáhskwaien, tewahónhtes, teiotinaʼkarontón꞉ʼa, kaiaʼtákeras, tánon wakehnhaʼtsherá꞉ienʼs ne ronnón꞉kwe tánon ne konnón꞉kwe; tánon iaʼkheiaténniehte ne ratirihwakarénieʼs nahonwahró꞉ri ne riioʼtenhse, né naón꞉ton nahatatenaktóthahse taiatiatátken.’”

Genesis 15:2

Ók ne Abram wahén꞉ron, “O Saiá꞉ner Ní꞉io, nahó꞉ten akarihontá꞉ko né othé꞉non aontáhskon, tsi sénha iáh othé꞉non tewakewí꞉raien, tánon nakó꞉wenk sewatónhsere natientáhtshera ne ne Eliezer né꞉ne Damascusró꞉non?”

1 Kings 16:9

Né Zimri, né꞉ne saiáta íken ne rahonhátsera né asénhnon nihanikonhráraʼkwe ne ronhnonhtí꞉io rahoseresónhas notsónhkwas, wahoterísthaien. Énska kènhne ne Tirzah nónhwe, Né Elah wahonekáthaʼne thóh rahonónskon ne Arza, rahónha né ranikonhráraʼkwe tsi kanonhtiʼiotseráien.

Ruth 2:6

Waʼthariʼwaserá꞉ko ne rón꞉kwe, “Ne kí꞉ken nonhwentsakaionhró꞉non Naomi ískene tsi tionhwentsá꞉te ne Moab.

1 Samuel 2:26

Nón꞉wa ne raksá꞉ʼa Samuel iokón꞉taʼtse tsi rotehiaróntie thaʼtetsarónhkwen ne niaʼhahiataiérihʼne tánon taʼonikonraierihtonhátie ne Roiá꞉ner ó꞉ni nonkweʼókons.

Esther 2:9

Hegai kwáh í꞉ken tsi wahshakonón꞉weʼne Esther. Iáh ká꞉ti tehotenʼniskwáhton kwáh óksaʼk tahatáhsawen tsi wahatonkweʼtahserón꞉ni nek ne kwáh kakhwí꞉io wahshakotí꞉nonte. Thó꞉non nahshakonákton tsi nón꞉we kwáh tkanaktí꞉io tánon waʼtehshakoiaʼtaiehstáhsi tsá꞉ta nikón꞉ti kenʼnitioʼtiión꞉sa nʼethó kontí꞉teron ne Esther akonwaióʼtenhse.

Proverbs 3:4

Tókaʼ tho nénhshiere, Rawenni꞉io tánon nonkwehshón꞉ʼa kwáh í꞉ken tsi enhonerienʼtí꞉io.