Genesis 38:1 - Ohiatonhseratokénti

¹ Kwáh tókaʼ tho sikahá꞉wi nétho Judah wahshakotiaʼtontakwahse ne rontateʼkoʼokón꞉ʼahs tánon thóh nón꞉we niahá꞉re skátne ionsahiátsien ne rón꞉kwe Hirah ronwá꞉iats, ne nenʼne tsi kanà꞉taien ne Adullam nón꞉we nihanákerehkwe.

Genesis 38:1 Referans Kwoze

2 Kings 4:8

Énska nènhneʼe ne Elisha Shunem nónhwe niaháre, thóh nónhwe iokwáhtse tkanákereʼkwe. Wahohónkaron ne tahiáthonhte, tánon thóh thonhthásawen kwáh tsi nihioríhwake ne Shunem nónhwe nienhénre tsi tsononhsóh꞉the nónhwe iathenhaskáhon.

1 Samuel 22:1

Ne Táwit éhʼren tontáhrehte neh nón꞉we tánon thóh nón꞉we iahatekwáhsen tsi tsostenrakáronte ne Adullam; nó꞉nen ne sakotsihokónʼahs tánon ratikwé꞉kon ne roní꞉ha raonónskon sahatirihwaronkánion, thóh niahón꞉ne tsítres.

Micah 1:15

Shé꞉kon ó꞉ni enskwahwatsirónhnien, i꞉se ne tiónkwes ne Mareshah sewanákere; naoiatanerakwáhtshera ne Israel kwáh ienwáwe tsi nió꞉re ne Adullam.

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Joshua 15:35

Jarmuth, Adullam, Socoh, Azekah,

Proverbs 9:6

É꞉ren sewatatiaʼtenhá꞉wit tsi nón꞉we nihón꞉neʼs ne iáh tehonttókha tánon entsónhnheke. Né꞉ʼe sewáhsehr ne karihonnienníhtshera.”

2 Samuel 23:13

Ne shontonhtásawenh naieietkwáko áhsen niháti ne áhsen-niwáhsen nohénton iehonhnétons iahón꞉ne wahonwatsiátarase Táwit thóh nón꞉we ne ostʼtenró꞉kon ne Adullam, thóh ne ná꞉he ne Philistiaró꞉nons thóh tóh natatoseró꞉tons ahonrá꞉kwakon ne Rephaim.

Judges 4:18

Ne Jael iakahiá꞉kenhne watʼhiatátʼken ne Sisera tánon wahawénhase, “Tasatáwehiat, sénshie; nakatosehrákon. Tó꞉sa sateronhníhek.” Káti iahatáwehiate, tánon onàken ne tsi ioharénton wahohiathásehte.

Joshua 12:15

Libnah, Adullam,

Genesis 38:12

Ó꞉nen kwáh kenʼ niió꞉re sitiotohétston ne Judah shakokstén꞉ha, ne ne Shua shakoienʼkénhen, waʼkénheie; nó꞉nen ne Judah iáh shihshotshonhniónhkwen, ráonha tánon ne ronatén꞉ro Hirah ne ne Adullamró꞉non Timnah nón꞉we niahá꞉ne, thóh nón꞉we tkonwatinonhwé꞉riaʼkskwe ne raotshenenʼó꞉konʼs teiotinaʼkarontón꞉ʼa.

Genesis 38:20

Nó꞉nen ne Judah shiahoténiehte ne kaiaʼtákeras owí꞉ra, ne ne Adullamró꞉non iahoiaʼténhawe tánon taontaháhawe tsi nahó꞉ten ne ratkaraientahkwén꞉ni ne ión꞉kwe, iáh teshaiaʼtatshenrion.