Genesis 32:3 - Ohiatonhseratokénti

³ Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

Genesis 32:3 Referans Kwoze

Joshua 24:4

ók ne Isaac Jacob né wahihionkweton tánon ne Esau. Ne Esau né thahihion ne tsi ionhniaronhnions kanakeraserakeronhs ne Edom nónhwe nahó꞉wenhkonhweke, ók ne tsi sewasot꞉kenʼen Jacob tánon ne sakohiohokonhas Egypt nenhʼne niahónhne.

Genesis 25:30

Ne Esau wahawènhahse ne Jacob, “Toʼ ostón꞉ha tákenonht thí꞉ken onekwènhtara nikanontaró꞉ten, aseʼkénh kwáh í꞉ken tsi katonhkáriaʼks.” (Katí ne aorí꞉wa ne ronwahsenná꞉wi ne Edom: ne ne kén꞉tons “Onekwènhtara.”)

Deuteronomy 2:5

ók tó꞉sa ki tasewatáshawen ne thé꞉nen naterihiósera ne rononhà꞉ke, tiorí꞉wa tsi kwáh iáh tahontátion shé꞉kon ne sewashí꞉ta nahónske nathaiotokerónhteke ne raononhóntsa. Né Edom nónhwe né꞉ne Esau rahowátsire tekheiáwi.

Genesis 33:14

Áhʼnion Natsiáner ohénton rotohestáhkwen ne raonhátshera, tánon kwáh skenenhashónha tsi onà꞉ken enkéh, né entewanónh꞉ton tsi ní꞉ioht ne katshénens tsi rónh꞉ne nakkhénton tánon ne ratitsaokónhas, tsi nió꞉re ienhinonhterahne natsiáner ne Seir nónh꞉we.”

Genesis 14:6

Ó꞉ni ne Horites ne ne tsi ronatenontahrónnionhs kanakerahserá꞉ien ne Seir kwáh tsi niió꞉re ne Elparan tsi ieiótte ne iahonwentsathenhá꞉ke;

Luke 9:52

Ohenton iasakotori ȣahatiriȣaienna oni niahatinonsaseronni; ȣahontenti nok Samaritan thotinatakȣenrare eh iahontaȣeiate.

Malachi 3:1

Satkáhtho, ienhiiaténniehte ne rakerihwakarenièn꞉nis nahakkhahahserónnien nakhén꞉ton, tánon ne Roiá꞉ner ne tsi sewahrhá꞉re thentiawènhstsi ènrawe ne raononhsatokenhtiʼkowáhne. Ne ne rarihwakarénieʼs naterihwahseronniáhtshera raonhá꞉ke nón꞉we niiontionʼwesáhtha—orihwiioʼón꞉we, tsi tá꞉re, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Deuteronomy 2:22

Ne Roiá꞉ner kwáh nónhne thóh nishakoiéraʼse ne Edomites, né꞉ne tsi nitotwatsirì꞉non ne Esau, ne thóh nónhwe nihanákerekwe tsi iononhtaʼrón꞉nions ne Edom. Raónha shakotòn꞉ton ne Horites, ne káti ne Edomites ahatiʼié꞉na ne raononhóntsas tánon thóh nónhwe nahontená꞉taien, tánon shé꞉kon nónhwa thóh nónhwe nihatináhkere.

Genesis 33:16

Sók ne Esau kwáh né sahenhnísera Seir nón꞉we nionhsáre.

Genesis 32:7

Eʼthó꞉ne ne Jacob kwáh í꞉ken tsi teiotenonhianíhton tsi wahoteronhiènhten tanon waʼthaʼnikonhrhá꞉ren; tánon waʼtehshakokhahshión꞉ko nonkwehshón꞉ʼahs ne skátne ratikwekón꞉ne, ó꞉ni ne teiotinaʼkarontón꞉ʼahs tánon ne kaiaʼtákeras ó꞉ni ne tiohnhónskwaronʼs ó꞉ni ne iotiniaʼkwahere, tekentiohkwakehátie tsi wahshakotiohkón꞉ni,

Genesis 32:11

Saskeʼniá꞉kenht, ahsathón꞉tate, tétstaʼs ne iatiatateʼkén꞉ʼa, tánon takenónhstat tsi nonkwá ne Esau, aseʼkénh ritshá꞉nihs; nontié꞉renʼk èntre tánon iakwakwé꞉kon enhshonkwanonhwariá꞉kon, skátne ne kaʼnisténhseraʼs ó꞉ni ne ratiksaʼokón꞉ʼahs.

Numbers 24:18

Kwáh enshakosénhni ne ronhwáhsons né Edom nónhwe Tánon ne enhrónhniate ne rahononhóntsa ne rahón꞉a rahoientátshera enwáton, Tsi ná꞉he NʼIsraerʼró꞉nons ienhotikonhtáhkwen ronatʼkwenionhátie.

Deuteronomy 1:2

Énska iawénhre niwenhniserá꞉ke nihiohá꞉hes né꞉ne tsi Tionónhte ne Sinai nón꞉we nonhtahónhne tsi nió꞉re ne Kadesh Barnea nieiawénon ne tsi iononhtaʼrónhnion ne Edom kanakerahseráien.)

Isaiah 21:11

Ne tekawenhnathéton ne aorihwàke ne Dumah. Onhkát tsionhnekatónhnions Seir nón꞉we nitewé꞉tha, “Ne tesatasonhtanón꞉ne, thóh nió꞉re ienhiórenhne? Tesatasonhtanón꞉ne, thóh nió꞉re ienhiórenhne?”

Jeremiah 49:7

Ne kíʼ tsi nahó꞉ten ne Roiá꞉ner Roshastsʼtenserowáhnenh ráwenh tsi nòkwah ne Edom: “Nonhkweshón꞉a ne Edom ronatónti kén ne ioiánere raotiʼhiatoreʼtátshera? Ne shaʼkonatenikonhráwis iáh kén ónenh tesehwátons nahonshasakotiʼró꞉ri onhnahonshahatí꞉iere? Akwékon kén ne raotiʼnikonhroʼwahnhátshera kakʼtshiehiawénonh?

Joshua 13:30

Ne rahotinakeráhseras iéhio ne Mahanaim tánon thóh í꞉kare akwé꞉kon ne Bashan—kanakerahserakwé꞉kon ne Og, né꞉ne ronhnonhtí꞉io ne Bashan, tánon ó꞉ni akwé꞉kon ne iá꞉iak-niwáhsen nikaná꞉takes ne Jair né꞉ne Bashan nón꞉we.

2 Samuel 2:8

Ók ne Abner ne roiénha ne Ner, ne raterihioserakweʼnhní꞉io ne Saul raotsió꞉kwas ronterí꞉ios, iehohiaténha ne Ish-bosheth; “Ne ne rónkwe natehénsera í꞉ken” ne roiénha ne Saul, tánon thóh niehoiaténha ne Mahanaim nón꞉we.

2 Kings 6:17

Ethòne ó꞉nen wahaterénhnaien, “O Saiá꞉ner, tekskaʼkwahríhsi tánon tseríhon nahatkátho!” Né Roiá꞉ner watharihwaseráko ne rahoterénhnaient, tánon ne Elisha rahonhátsera wahatharakétsko tánon kíʼ wahatkátho ne tsi iononhthakárenhre né thiʼtsoróhron ne koshá꞉tens tánon notsónhkwahs ótsire í꞉ken akwékon ne tehokwahthaséton ne Elisha.

1 Chronicles 12:23

Nó꞉nen ne Táwit Hebron shé꞉res, ronatiokowánen ne ronateweiénston nahonterí꞉io wahontsátaren ne rahotsiókwahkon né nahonwasniénon nahonontí꞉ioʼne né tahonsahonaktákwen ne Saul, tsi kíʼ nihorahrátston ne Roiá꞉ner. Tsi nihonatsiókwas kénʼen kaiatónhnions: Né Judahró꞉nons: 6,800 kwáh iehatihiataiéri ronhnónkwe, né ratihawáʼnion ne tehioniatástha tánon ashíkwahras; Né Simeonró꞉nons: 7,100 né kwáh karihonhniénhni ronhnónkwe; Né Leviró꞉nons: 4,600 ronhnónkwe; Né thonwatswáʼnonhne ne Jehoiada, né꞉ne Aaron nonnithonatwatsiríhnon: 3,700 ronhnónkwe; Né꞉ne ronhtáʼtenonkwe ne Zadok, né꞉ne rotikwénion kén nithotiʼiónhas: 22 nihá꞉ti né sakotihéntenhse ronhnónkwe; Né Benjamin (né꞉ne kwáh Saul raotsiókwas): 3,000 ronhnónkwe (né iakotsiokowánen nonkweʼshón꞉as ne Benjamin raoʼtsiókwahkon ieiátare ieiakokontákwen tsi iakorihwató꞉kenʼkwe tsi nòkwah ne Saul); Ephraimró꞉nons: 20,800 ronhnón꞉kwe né꞉ne kwáh rahtisennowanénskwe ne raoʼtitsiókwahkons; Tsi iatewatʼtsénhthos nòkwahti ne Manasseh: 18,000 ronnón꞉kwe ronhwatiʼiataʼráhkwen niaʼhónhne nahonwanontí꞉iosʼte ne Táwit; Né Issacharó꞉nons 200 nihá꞉tiʼkwe né꞉ne sakotihenténhse, skát꞉ke ne ronhnón꞉kwe ne tesakotiniaʼrótaron (kí꞉ken sakotihéntenhse ronateriéntaʼre tsi naká꞉iere ne Israerʼró꞉non tánon né kwáh tkaʼiéri tsi nenhiowistáʼheke nó꞉nen henenhkáʼiere); Né Zebulunró꞉nons: 50,000 né rotiʼrihwaʼtóken ó꞉ni ne ionkwetarihóntons ronataʼteweienhnentáhon nahonterí꞉io, ronateweiénston nahónston ne kwáh tsiknahó꞉ten akénhaʼke ne ionteriʼiosthákwas; Né Naphtaliró꞉nons: 1,000 nihá꞉ti ne sakotiʼhéntenhse, skát꞉ke ne 37,000 nihá꞉ti né rahtihawáʼnions ne tehioniaʼtástha ó꞉ni nasí꞉kwaras; Né Danró꞉nons: 28,600 ronhnón꞉kwe; Né Asheró꞉nons: 40,000 ronhnón꞉kwe ronaʼtateweienhnenhtáhon nahonterí꞉io; Né tsi kentsiókwaien ne nákon nòkwahti ne Jordan—Reuben, Gad, tánon ne nàkon nòkwahti ne Manasseh: 120,000 ronhnón꞉kwe ronateweiénston náhonste ne kwáh tsík ní꞉ioht ne ionteriʼiostáʼkwas.

Song of Songs 7:1

Tsi niʼioráse ne shashitáke tsi nateshatáron, Oronnonhtí꞉io hiaién꞉a! Tsi natehiotwenónhni ne snitʼtiáke kwáh ne ne owistanoronhshónʼahs, ne thóh nihioténʼhen ne rahiatakweʼní꞉io ratsanáhke.