Genesis 3:5 - Ohiatonhseratokénti

⁵ asèkenh roterièn꞉tare ne Rawenni꞉io nó꞉nen entsà꞉iake, tentsatkahkwaríhsi, tánon tho nenseniiaʼtó꞉tenʼne tsi ní꞉ioht ne Rawenni꞉io, entsaterièn꞉taraʼne nahò꞉ten ne ioiánere ó꞉ni ne karihwáksen.”

Genesis 3:5 Referans Kwoze

Ezekiel 28:2

“Rónhkwe iaiénha,” wahénron, “Tsró꞉ri ne rakórah ne Tyre tsi nahó꞉ten Ní꞉ih, ne Wakenonhtí꞉io Watiá꞉ner, rihrorhiánions: Né sahweráhten ne kanahiésehra, íhsehre ní꞉io nahshiathóten. Sáhthon tsi ní꞉ioht ne ní꞉io ahtitskwáhrahne sitskwáhere, kaniatarahkekówa teshatsatháton. Enhwáhton nahsèhrehke ní꞉io ashathatónhni, ók, iáh, í꞉se ne sonhontsakeró꞉non, iáh Ní꞉io thashathóten.

2 Thessalonians 2:4

Kwáh enshakohiotátʼtse tsi nahiotónhake tsi ronwahʼsénnnaiens ne ní꞉io ronwahtinathónkwah tánon rahónha éneken enhatatónni. Kwáh ó꞉ni ienhatáwehiate tánon thóh ienhátien ne Rawenni꞉io raononsatokentíke tánon enhatʼróri rahónha ne Ní꞉io.

Genesis 2:17

Ne khók thí꞉ken kéhrite ne tiakó꞉wis nattokháhtshera tánon ne ioiánere tánon ne karihwáksen. Tóhsa sahiaʼnihiontá꞉ko neʼthó kéhrite nahsá꞉iake; tókaʼ tho nénhshiere, kwáh ne sahenhní꞉sera ensí꞉heie.”

2 Corinthians 11:3

Wákterons tsi niioiá꞉tawenʼen ne Eve nontié꞉renk tho ní꞉ioht tsi teniehtshiʼnikonhrakén꞉ni. Ne ó꞉niare kaʼnikonhrá꞉tha, tánon waharihwakwé꞉ni ne Eve nakarihwanerá꞉ke. Ne nen ne shá꞉ka ne sewanonhtonniónhtshera nontié꞉renk eniehtshiʼnikonhrotá꞉ko, tánon ne enkarihón꞉ni iáh thieskaié꞉ri tsi naonsesewarihwatokénhake tsi nonkwa ne Kerístos.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Matthew 6:23

Neh kati ne iah tentioriȣaierike ne sakara, tsiatakȣekon kitentiokarasheke; toka kati nonȣa neh saien ne tetiokaras, oh kati onte akȣa niiatenhiaȣenne tsinonȣe tetiokaraskoȣa.

Genesis 3:22

Eʼtho꞉ne ne Roiá꞉ner Rawenni꞉io wahén꞉ron, “Ó꞉nen kí꞉ken rón꞉kwe tho nihahiató꞉ten tsi ní꞉ioht nonkwáʼtiake enohterién꞉tane nahó꞉ten ne ioiánere ó꞉ni ne karihwáksen. Tanon ó꞉nen nontié꞉renk iaʼtenhanèntshetste ne iahahianiiontáko tsi kéhrhite ne tiakó꞉wis ne ionhnheʼón꞉we, tanon ahá꞉iake, tánon tsi nén꞉we enhronhnhekeʼón꞉we.”

Genesis 3:10

Tontaharihwaʼserá꞉ko, “Waʼkonwenná꞉ronke ne kahéhtakon, tánon ónkteronʼne, tiorí꞉wa tsi akenéhonʼk thí꞉ken tánon wakatashete.”

Genesis 3:7

Eʼthó꞉ne kwáh tenitsà꞉ron wathiatkakwarísi, tánon wahiáttoke tsi raotinéhonʼk khók thí꞉ken; iáh oʼthé꞉nen tehonatsherón꞉ni sók ne waniníkhonnion ne tionhnionwarontonhakówa onerahteʼshón꞉as watnikhánion tánon ne wahiateniiontahtserónniaʼte tánon ne wá꞉iaste.

Revelation 13:14

tánon tsi nontenestánion né꞉tho kwáh Níio wahorí꞉hon ne ahateriwathéntiate ne raorihwà꞉ke ne thotierénton katsinoniowá꞉ne, washakonikonrataniónhase ne ienakeréhnion tsi ionwenhtsá꞉te, sakororánions nahonwatsiá꞉tonhniserónhnien ne katsinoniowá꞉nen né꞉ne rókʼkarehwathákwen nasarehkó꞉wa tánon kíʼ shrón꞉nhe;

Revelation 13:4

Tánon onkweʼtakwé꞉kon wahonwá꞉senhnaientakwe ne katsinoniowá꞉nen, Asè꞉ken ieokʼkáwen ne raokweniátsera raonhà꞉ke ne katsinoniowá꞉nen, tánon ne wahonwasénhnaien ne katsinoniowá꞉nen, iontón꞉nions, “Ónhka ne tahonsahiatiérenke ne katsinoniowá꞉nen, tánon ónhka aiekwé꞉ni né꞉ne ahiaterí꞉io?”

Daniel 4:30

Ne ronnontí꞉io wahén꞉ron, “Sewatkáhtho tsi niionatatshà꞉ni ne Babylon! Ne wakonniá꞉ton nʼakanatakweʼní꞉ioke naweʼnéhston nʼakesatsténhsera ó꞉ni teiotenonhianíhton, nʼakerenhsarónhtshera ó꞉ni kahsennowá꞉nen.”

Isaiah 14:14

Ienkatʼtharáthate sénha èhʼneken ne tsi niʼiotʼtsatarónhnions, Kwáh ne enkatatónhniaʼte tsi ní꞉ioht ne Kwáh Eʼnekéntotʼte.”

1 Kings 22:6

Sók kíʼ ne Ahab iashakonónhkʼkon ne rotitó꞉kense, ká꞉nonh né kaiéri tewenhniáwe niháti, tánon washakorihwanónhthonhse, “Iakhehiatsatónhti onhtèken ne Ramoth, khés ne iáh?” “Iasheʼhiatsiathónhti,” wathatirihwaseráko. “Ne Roiá꞉ner énthion natesenhniétsera.”

Exodus 20:7

“Tó꞉sa énsatsthe naksénhna ne kariwahétken ahoriwàke, asèken Í꞉i, ne Watiá꞉ner Sewaní꞉io, kwáh enkheréwaʼthe nónhka enhiesenhnaiésaʼthe naksénna.

Exodus 5:2

“Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Daniel 6:7

Iakwakwé꞉kon ne ionkwaióʼte ne sanontiioʼtsherá꞉kon, né ne shakonatenʼnikonhrahsonterá꞉nis, né ratikoráhshon, tánon né ieshonwatiiátanonhne, ó꞉ni né ronatiaʼkéhshon ronaterihónton, iaʼtionkwarihwaién꞉taʼse, Sanontí꞉io teiotonhontsóhon né ahshiatonhserón꞉ni tánon kwáh aiorihwahnirónhake. Kwáh í꞉tsaʼk né ne áhsen niwáhsen niwenhniserá꞉ke kwáh tóhsa ónhka aiakoianerenhseraiéntake né thé꞉nen ne aionterénnaien tsi nokwá ne thikaniiohserá꞉te non naontá꞉we tókaʼ ó꞉ni ne onkwehshón꞉ʼa nokwá naontá꞉we, nok kwak nek khók né sanontiióhne nokwá꞉ti naontá꞉we. Onk ónhka entsontèwahte kí kaianerénhsera, tsi tionatshónwaien ne kèn꞉reks ieniontatiaʼtón꞉ti.

Ezekiel 28:9

Nónenh entʼthónhne naiesanonhwarhiákon, kwáh kén shé꞉kon ensénhron í꞉se ne Ní꞉io? Nónenh tensehwatatkonhsakánerahke ne ieshaséhthane, kwáh sonhatsakeró꞉nonh enkénhake iáh thahisaní꞉ioʼke.

Ezekiel 13:22

“Tsi nishanhówenhs watesehhianikonhrhiátʼten ne tionkwetaiéris, tsi nikáien ne iáh tèkereh nakhekaréwahte. Tesehtástha ne iakonhkwetahétken nahónkʼkaʼwe ne kariwahétken tánon tsi ahathinónhsthate tsi ronónhnhes.

Psalms 12:4

Ronton, “Né nonkwenhnáson ionkwatsteniáron; í꞉ih onkwáwenh né tsitewashakáronte—ónka ahionkhiʼiatakwení꞉ioke?”

2 Chronicles 32:15

Ók tó꞉sa kíʼ tsisewaríhon ne Hezekiah naʼtsisewanikonhráhten khés naʼtsisewahénhtenhse né thóh nahiotónhake. Tó꞉sa thatsisewéhtat! Iáh ónhka nonwénhton ne sakoní꞉io nonhkweʼshón꞉as tehokwénion nasakonóns꞉thaʼte ne rahonkweʼtashón꞉as tsi nòkwah ne Assyriaró꞉non rakóra. Ká꞉ti orihwiʼiohónhwe kí꞉ken saní꞉io tsi iáh tahakwéni nahianóns꞉thaʼte!”

Ezekiel 29:3

Enshí꞉ron kén kíʼ nahó꞉ten ne Ronhnontí꞉io Roiá꞉ner rohróris ne Ronhnontí꞉io ne Egypt: Í꞉ih ne tetiatátʼtsions, í꞉se nontsinonhwahkówa tewaʼnikahtónton, raiationhníties kaniataráhke. Sáhton nètho Nile í꞉se sáhwenk tánon sáhton í꞉se sáhshon.

Ezekiel 28:12

“Rónhkwe iaiénha,” wahénron, “satʼtiónhnion tsi nihohiathawénhsehre tsi nikáhrahre ne Ronhnontí꞉io ne Tyre. Tsró꞉ri tsi Í꞉i, ne Wakenonhtí꞉io Watiá꞉ner, kathón꞉hnions: Í꞉se ne iehioterátston tethewahtenienténsthonhne ne iekahiathaiéri. Tsi nióre tsi satenikonhratʼthókhakwe ó꞉ni sonhkwetí꞉ioʼne.

Genesis 2:9

Tho nonhwenhtsá꞉ke ne Rawenni꞉io niaʼtekarón꞉take waharontonniánion nahontaká꞉nio ne kwáh iorontaskatsténion ne nón꞉we naʼkontehiá꞉ron ó꞉ni nahontakáhawe ne kwáh wahí꞉ioʼs ne꞉ne kakkhwa akénhake. Ne kwáh shaʼtekahehtí꞉hen tho iorón꞉tote né꞉ne tiakó꞉wis naiakonhnhekeʼónwe, nó꞉ia karón꞉ta né꞉ne tiakó꞉wis nattokhátshera ne ioiánere tánon ne karihwáksen.

Judges 3:2

Nék kíʼ aoríhwa thóh nahá꞉iere né nashakorihónhnien ne niaʼteiewatsirákes ne Israerró꞉nonhke tsi nòkwah nateriʼiosʼseráke, sénha tsi niháti ne iáh arèko nonhweton tehonateriʼiosehronhnónhne.