Genesis 3:18 - Ohiatonhseratokénti

¹⁸ ohí꞉kta tánon ohnión꞉wara, entká꞉nio ne sarihwá꞉ke; tánon né꞉ne nohonteshón꞉ʼaʼs ne kanatsoháhrha enhséksheke.

Genesis 3:18 Referans Kwoze

Matthew 13:7

Nok otiake ohiktokon iakakerontane; takonteiaron nohikta nok ȣahotirio.

Isaiah 7:23

Né éhʼtho entewenhniseráteke kwáh tsitnonhwésons ne énska tewenhniawehʼetsheráhsen níkon rotiʼiéntho ne watenenharíseres, énska tewenhniawehʼetsheráhsen saʼtèkena kawistaráken tsi níkon kaientʼthóseronkwe, kwáh kí né thentsoró꞉rokste noniónwaras tánon nohíktas.

Job Tánon ne Raoronhiakensera 5:5

Ne ionthonkárias ne wahónhneke ne rothiientkwáhkwen, tánon iahatí꞉hawe iekaní꞉hare tsi nahó꞉ten ne ohikthó꞉kon nón꞉we nihiotón꞉ni; tánon ne iakoniatá꞉tens kwáh thonennassakè꞉tote tsi nionská꞉neks ne raotikwaséhtshera.

Hebrews 6:8

Nók tóhka né tkánios nohíkta tánon kahontátsens, kwáh kíʼ né iáh thènen tehioríhonthe; thiiotʼteronhón꞉we Rawenni꞉io enharéwahthe tánon ó꞉ni ótsire enkarihwáhthonthe.

Jeremiah 4:3

Ne Roiá꞉ner shakoróris nonhkweshón꞉ʼa ne Judah ó꞉ni ne Jerusalemró꞉nons: “Sehwenhtharahkahratʼthósehron ne arèhko tekentharahkahrátʼtho ne tionhontsiákes; tó꞉sa sehwaienthósehrons ne sewanenhásonhas tsi nónhwe nihiotnionwahrónnis.

Isaiah 32:13

Asèken ne raonakénra khés nakonkwetaʼshónhas ne ioʼtehiarónhtse nohíktas tánon oniónʼwahras; hén, asèken teshehiaséntʼthos kwáh tsi niaʼtekanónsakes nonkweshón꞉has iakotonhnáraʼkwe thóh kanátakon ne kowánen tsi iotonhnáraʼkwe.

Isaiah 5:6

Kwáh ne enkatonhontsatsesate; kwáh iáh tahontkwiraseronhníhake khés nahionthontháiake, tánon kwáh ne thentsoróhronʼke nonionhwáras tánon ohíktas; kwáh enkenane ne tsi otshataʼókons ne tó꞉sa ahonsaiórane ne thóh nón꞉we nihiokwénhraʼre.

Proverbs 22:5

Tókaʼ shenorónhkhwa tsi sónhnhe, é꞉ren í꞉seht tsi nón꞉we tewaterístaien, iakoié꞉nas ne iakorihwanerenʼákskon.

Job Tánon ne Raoronhiakensera 31:40

tánon ánion kí onionwá꞉ra tká꞉nio tsi ní꞉ioht noʼná꞉tsa, tánon kahontaʼsenhokónhas tsi ní꞉ioht ne tehiotikonstón꞉res.” Ne raowenhnaó꞉kons ne Job iahontókthen.

Joshua 23:13

kwáh sewaterièn꞉tharak né꞉tho Roiá꞉ner tsi iáh shé꞉kon tahonshasakohiaʼtí꞉nekenhwe tsi nienhénsewe. Khé꞉kok, kwáh eʼnenhonnonhkweʼtahetkénhthake ne sarihwà꞉ke tsi ní꞉ioht ne waterísthaien tó꞉ka ó꞉ni ne kasonhiónhni tánon thóh nihiononhwákthe tsi ní꞉ioht ne ó꞉kwire tsiónhne aieshanonhwá꞉reke tó꞉ka ó꞉ni ne oniónhwara shakaríhsen. Tánon thóh ki nió꞉re nenhénwe tsi ki nió꞉re ne iáh ónhka tsi nítson tsiaʼthahonsahiakothaténronhke ki kén꞉en ionhontsí꞉io né꞉ne Roiá꞉ner Sewaní꞉io tetsisewá꞉wi.

Jeremiah 12:13

Nakonkwetashón꞉a onátsa wahatiʼiéntʼtho, ók kahontátsen wahathiʼientʼtwáko; wahathironhiáke tsi wahothihióten, ók iáh kíʼ thènen tsatehionénon. Ne wakarihónni tsi niwakenakwénʼen ne raothiʼientʼthótsera kwáh wakaiésah.”

Proverbs 24:31

Ohí꞉kta tánon kahontáksen tetkáhere, ó꞉ni onén꞉ia tsi atenʼén꞉rote akwé꞉kon tioʼsén꞉seron.

Psalms 104:2

ne tesatʼwahwenhétʼthon ne kaswatʼthétsera tsi ní꞉ioht natʼtserónhnia akénhake. Waʼtestakwáhrihte ne tsi karonhiátes tsi ní꞉ioht natóhsehra,

Psalms 90:3

Okenhrá꞉ke niesehsehiathénhas nónkwe, satón꞉nions, “Okenhráke nionhshá꞉sewe.”

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Romans 14:2

Otsiakhésons nónkwe tsi ní꞉ioht tsi thonethákwen rathikwénies kwáh tsitʼnahóten ahónneke, nók ónhka ne rotsihióha tsi ní꞉ioht tsi tawethákwen nek khók neh kaienthóseron írats.

Genesis 3:17

Tánon wahawénhahse ne rón꞉kwe, “Ne tsi Wahsheiatahónhsatate ne tisení꞉teron, tánon wahsá꞉iake neʼthó keʼhrhite tsi niká꞉ien ne konhró꞉ri, ‘Ne tóhsa ahshá꞉iake,’ ne tsi tho nahshá꞉tiere, enionhontsáksenʼne i꞉se wahserihón꞉ni; kwáh ioioʼtenhserahní꞉ron ensaioʼténhsheke tsi ní꞉ioht tsi enhsatonhnhihsáksheke tsi nihsónhnes;

Genesis 3:19

Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

Isaiah 7:24

Nonkweshónhas thóh nienhénien nahiontorát꞉tha ahénhna tánon kaiénkwires ienhatíhawe, asèken ohontsakwékon ne tsionió꞉hon ne oniónwaras tánon ohíktas;