Genesis 27:41 - Ohiatonhseratokénti

⁴¹ Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 27:41 Referans Kwoze

Genesis 37:4

Ók nó꞉nen ne rontateʼkonʼokón꞉ʼahs sahontkáhtho ne ronwaʼníha tsi sénha Só꞉se ronorónhkhwa tsi ní꞉ioht ne ronátiaʼkes rontateʼkoʼokón꞉ʼa, wahonwáhswenh iáh tewá꞉tonʼskwe ne skén꞉nonʼk khók tsi ní꞉ioht tsi taonsahatihthá꞉ren ne ráonha.

Ecclesiastes 7:9

Tó꞉sa senahkwastó꞉rek, asèken ne kanahkwáhtshera watenaʼtónhnis ronhnenhskwenáhkon ne tonathónʼnokʼthe.

Proverbs 6:14

Tió꞉konteʼ nek ronnonhtonniónkwas nahò꞉ten ioʼtáksen nahshakotikarón꞉ni tsi nón꞉we nienhón꞉ne.

Genesis 37:8

Né rontateʼkoʼokón꞉ʼa wahonwènhahse, “Sanonhtónnions ónhteʼ kenh ahsatenontí꞉iohste? Tánon ahskwaianerenhserónnien?” Ó꞉nen kiʼ sénha wahonwáhswen tiorí꞉wa tsi nahó꞉ten rotetshén꞉en tánon tsi nahó꞉ten wahshakohró꞉ri tsi nihotetshén꞉ʼen.

Genesis 32:6

Ne ratirihwakarénieʼs tsi thén꞉teron ne Jacob nionsahón꞉ne rontónnions, “Tsi thén꞉teron ne tsatateʼkén꞉ʼa Esau naʼtontaiákwe, tánon ó꞉nenk tá꞉re ne taetsatátken, tánon kaié꞉ri tewenʼniáwe nihá꞉ti ronnón꞉kwe skátne tahón꞉ne.”

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

Ezekiel 35:5

“Í꞉se ne kwáh ioriwahtó꞉kenhne tsi tetsatátʼtsionskwe ne Israel tánon wasatʼthóntate nahonkwetashón꞉ʼa nahonwatinonhwahrhiákon nó꞉nen ronatkaronhníhon, iakáhewe nonahkénhkha karewahthá꞉tshera nahoriwahnerahákʼtsheras.

Proverbs 1:16

Iáh thahatikwé꞉ni nahontehrhá꞉rate nahò꞉ten ahontéronʼonhte. Tió꞉konteʼ ronatateweienentá꞉on nahshakotinonhwarhiakon.

Psalms 142:3

Nó꞉nen kwáh wakanikonrotʼtáhon, í꞉se sateriéntare tsi nahonsá꞉tiere. Né tsi hiohatátse tsi nón꞉we nikatahí꞉tahas ronateristakérons nakerihwáke.

Psalms 37:16

Tsík nikónha ahiakoiéntahke ne tionkwetaiéri sénha ne iawetowáhne sahtèkena íken tsi ní꞉ioht ne iawetowáʼnenh rotiʼiénton ratikwékon ne ionkwetahetkenʼokónhas.

Psalms 35:14

thóh nonkenikonhrák꞉sen tsi ní꞉ioht nahonkatónhni nateró꞉sehra khés niatsiathatekénha; thóh niwaʼkatsʼtsionhniónkwen tsi shí꞉ken ní꞉ioht nakenisténha aiakawehé꞉ionhke, tewaʼkakʼtsá꞉ton tánon waʼkatʼtsiónhnion.

2 Chronicles 35:24

Waʼhonwaiatiʼtháko ne raosehré꞉thakon notsónhkwa, né nó꞉ia notsónkwah kaseré꞉thakon sahonwaiatítha né꞉ne thóh roʼsehrethaiénhthakwe, tánon Jerusalem niahonwaiathénhaʼwe. Thóh nón꞉we iarén꞉heie tánon kanontiʼiótsera tsi ronhwaʼtiʼiathatahástha nón꞉we nahonwaiatháta. Ratikwé꞉kon nonhkweʼshón꞉ʼa ne Judah ó꞉ni ne Jerusalem waʼhontiónhnion tsi waʼrén꞉heʼie.

Deuteronomy 34:8

Nonhkweshón꞉as NʼIsraerʼró꞉nonske wahonwatsiónhnionhs né꞉ne áhsen niwáhsen niwenhniserá꞉ke nikarì꞉wes ne tsi iohontsakwénhrare ne Moab.

Genesis 35:29

Tánon ne Isaac ne nohná꞉ken waʼaónhniaʼte sahatón꞉rie, tánon kwáh tho tsi nithó꞉ionhkwe sharénheie, tánon iahshakohtsá꞉thahrhahse ne rontátenonhkweʼs nohén꞉ton thonenhé꞉ion tsi ní꞉ioht ne ráonha; tánon ne raonekenhteronʼtsheraʼshón꞉ʼa ne ne Esau tánon Jacob wahonwaiaʼtáta.

Genesis 32:11

Saskeʼniá꞉kenht, ahsathón꞉tate, tétstaʼs ne iatiatateʼkén꞉ʼa, tánon takenónhstat tsi nonkwá ne Esau, aseʼkénh ritshá꞉nihs; nontié꞉renʼk èntre tánon iakwakwé꞉kon enhshonkwanonhwariá꞉kon, skátne ne kaʼnisténhseraʼs ó꞉ni ne ratiksaʼokón꞉ʼahs.

Genesis 27:42

Ók ne raowennaʼó꞉konʼs ne thakowá꞉nen ronwaièn꞉ʼa Esau waʼontathró꞉ri ne Rebekah; sók kíʼ ónhkaʼk iaʼakotó꞉ri nahonwenhnónksa ne kenʼniehrá꞉ʼa ronwaièn꞉ʼa Jacob tánon wahonwènhahse, “Né tsatateʼkén꞉ʼa Esau rotatienawá꞉kon ne tsi rateʼnikonhrón꞉nis nahianonhwariá꞉kon.

Genesis 32:3

Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

Genesis 50:2

Eʼthó꞉ne ne Só꞉se wahshakóhnhaʼne ne raohnhaʼtsheraʼshón꞉ʼa ne rontétsenʼts nahonnenheionʼtahserón꞉ni ne roʼníha raoieròn꞉ta. Sók kiʼ ne rontétsenʼts wahonnenheionʼtahserón꞉ni ne raoieròn꞉ta;

Genesis 37:18

Wahonwá꞉ken shé꞉kon ók í꞉non niió꞉re shontá꞉re, tánon nohén꞉ton niá꞉rawe ne ratiiaʼtákta, wahonteʼnikonhrísa nahonwanonhwariá꞉kon.

Genesis 50:15

Ronttó꞉kas nétho ne ronwaʼníha tsi rawenhé꞉ion, ne Só꞉se rontateʼkoʼokón꞉ʼa wahonní꞉ron, “Oh nenʼ ne neniá꞉wenʼne tóka shé꞉kon ne Só꞉se shonkwáhswenhs tánon kaná꞉non tsi aonsahshonkwakáriaʼkse akwé꞉kon tsi niwahétken tsi nihtshitewaierá꞉se?”

Proverbs 18:19

Sheiaʼtakéhnha ne sewatátenonhkwe tánon ronónha ó꞉ni eniesaiaʼtanónhstate tsi ní꞉ioht ne kanatowá꞉nen tewahsónhtote otstèn꞉ra. Tókaʼ tensewaterihwakén꞉ni enthatihnhó꞉ton tsi ronatehnhonhká꞉ronte ne sarihwà꞉ke.