Genesis 27:4 - Ohiatonhseratokénti

⁴ Eʼthó꞉ne takekhwahsehrónnien ne kakhwákon, ne ne wakekhwá꞉kaʼs, tánon taskekhwahawíhten ne takatská꞉hon; ne naón꞉ton akoniaʼtaté꞉rihste nohén꞉ton akíheie.”

Genesis 27:4 Referans Kwoze

Hebrews 11:20

Tewehtákwen seh wahʼhahónnien ne Isaac tsi waharáhratsʼte ne kahiataterítshera tsi niaʼhonenonhátie ne Jacob tánon ne Esau.

Genesis 48:9

Ne Só꞉se wahawènhahse ne roʼníha, “Í꞉i kheioʼokón꞉ʼa, ronnónha ne Rawenni꞉io rakewirá꞉wi ne kenh nón꞉we.” Tánon ne Jacob wahén꞉ron, “Ákta nontasheiaʼténhaf, ahsathón꞉tate, ne naón꞉ton akheiaʼtaté꞉rihste.”

Genesis 49:28

Ratikwé꞉kon kí꞉ken ne ne tékeni iawén꞉re nihotitióhkwakeʼs ne Israerʼró꞉nons, tánon kenʼ nahó꞉ten wahshakawènhahse ne ronwaʼníha nó꞉nen sahshakoiaʼtaté꞉rihsteʼ, shatiiaʼtátshonʼs ne raonekenhteronʼtsheraʼshón꞉ʼa tahshaká꞉wen ne tkawennaié꞉riʼs kaiaʼtateríhtshera.

Genesis 27:25

Eʼthó꞉ne wahén꞉ron, “Tasekhawíhten, né naón꞉ton ná꞉keke né riièn꞉ʼa raotorát꞉tshera tánon enkoniaʼtaté꞉rihste.” Sók kíʼ iáh ohawíhten, tánon wá꞉rake; tánon otsi꞉tsa iahohnekenhawíhten, tánon wahahnekí꞉ra.

Luke 24:51

Nok tsinikariȣes sakoterennaiennihatie eh tonsahontekhasi, karonhiakon niionsare.

Luke 2:34

Nok ne Simeon ȣasakoiatateriste, nok ȣarenhase nʼOnȣari, ronistenha: Kehiken raksaa, kentiokoȣanen nenhiontkaronniate, kentiokoȣanen oni nenhiontsennonniate nʼIsraerronon, nok oni tenhiontennikonratihatanionkȣe nonkȣeokon.

Joshua 22:6

Ne Joshua ionshasakotó꞉ri nahonsahonhtén꞉ti ratikwekonhátie ne rahohiathateríhtshera tánon ó꞉ni ne ratikwekonhátie ne kí꞉ken owenhnaʼshón꞉as: “Tsi tsisewathenhtiónhe kwáh í꞉ken tsi sewakwáhtse, iohnatiohkowanenhátie ne konhtiʼtshé꞉nens, kawistará꞉kens, owistanoronshón꞉as, teiotwístharon notsí꞉nekwar karísthatsi, tánon wé꞉so naʼtsherónhnias. Rotihiaʼtháhests nónhne né꞉ne sehsewahiátha tsi nahoʼténhsons ietsikwenhá꞉ton ne tesewataʼtsons.” Ethò꞉ne ó꞉nen thonsahontháhakwe sahonhtén꞉ti. Ne Mahís iehotkà꞉wen nonhóntsa ne nà꞉kon nòkwah ne Jordan né꞉ne satehothitiohkwí꞉ien ne Manasseh rahotirihwà꞉ke, ók nó꞉ia satehothitiohkwí꞉ien ne Joshua né꞉ne iehotká꞉wen ne tsi iaʼtewatséntos nòkwah ne Jordan, né꞉ne ó꞉ia kentióhkwas rahotirihwà꞉ke.

Joshua 14:13

Ne Joshua wahohiaʼtaté꞉risthe ne Caleb ne roiénha ne Jephunneh tánon taháwenh ne kanatowá꞉nen Hebron nahowenhkénhake.

Genesis 27:7

‘Taskerioʼtenhawíhten, tánon takekhwahserónnien ne kakhwákon á꞉keke, né naón꞉ton akoniaʼtaté꞉rihste raohén꞉ton ne Roiá꞉ner nohén꞉ton akíheie.’

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 27:31

Ráonha ó꞉ni wahakhón꞉ni ne kakhwákon, tánon iahohawíhten ne roʼníha. Tánon wahén꞉ron, “Ánion ne rákeni ranitskó꞉ten tánon í꞉rak ne roièn꞉ʼa raotoráhtshera, ne katí naón꞉ton nahstiaʼtaté꞉rihste.”

Genesis 27:27

Sók kíʼ ákta niahá꞉re tánon waʼthoʼnoronhkwánion; tánon wahatéswahte tsi nihaonseró꞉ten ne raotsherónniaʼt, tánon wahoiaʼtaté꞉rihste, tánon wahén꞉ron, “Ah tsi nihronseró꞉ten ne riièn꞉ʼa kwáh thóh nihiaonseró꞉ten tsi ní꞉ioht ne kahentà꞉ke neʼthó Roiá꞉ner roiaʼtateríhston!

Genesis 27:23

Iáh tehoienteré꞉on, tiorí꞉wa ne rahtsaʼnà꞉ke rononhwéʼrhote kwáh tsi ní꞉ioht ne iatateʼkén꞉ʼa Esau rahtsaʼnà꞉ke; sók kíʼ wahoiaʼtaté꞉rihste.

Genesis 24:60

Tánon waʼontatiaʼtaté꞉rihste ne Rebekah, tánon waʼkonwènhahse, “Tewatenró꞉shen, í꞉se ne kaʼnisténhsera ahsá꞉ton ne tewenʼniaweʼehtsheráhsen ne oié꞉ri tewenʼniaweʼehtsherá꞉sen; aiá꞉wens tsi nienhsathwatsí꞉rine nahshakotiʼshén꞉ni ne kanatowá꞉nenʼs nón꞉we ne ronwatíhswens!”

Genesis 14:19

Tánon wahoiataté꞉rihste tánon wahén꞉ron, “Aiá꞉wens ne kwáh Thótte Rawenni꞉io, ne ne róson tsi karonhiá꞉te ó꞉ni tsi ionhwentsá꞉te ahoiaʼtaté꞉rihste ne Abram;

Genesis 27:5

Ó꞉nen ne Rebekah iotahónhsatehkweh nó꞉nen ne Isaac shahohtháhrhahse ne roièn꞉ʼa Esau. Káti nó꞉nen ne Esau kahehtá꞉ke niahá꞉re nahatorátha tánon ne taontaharioʼténhawe,

Genesis 27:9

Tsí thón꞉nes ne kaiaʼtákeras niahá꞉se, tánon iaʼskenahskwákwas tehniiáhse ne ronáreʼsenʼs kenʼnithotiión꞉a, ne káti naón꞉ton nahikhwahserónnien né kakhwí꞉io ne iaʼníha, kwáh tsi nihawé꞉kaʼs;

Genesis 27:14

Sók kíʼ wahshakohnónksa tánon thóh niahshakoiaʼténhawe tsi ítienʼs ne roʼnisténha; tánon ne roʼnisténha waʼekwatá꞉ko ne kakhwákon, kwáh kíʼ tsi ní꞉thawé꞉kas ne roʼníha.

Genesis 27:17

tahón꞉ion ne kakhwáʼkon, ó꞉ni ne iakotenaʼtarón꞉tahkwe ne ronwaièn꞉a Jacob.

Genesis 27:19

Jacob wahawènhahse ne roʼníha, “Í꞉i ne Esau tekkowá꞉nen ehtshièn꞉ʼa. Tho ná꞉tiere tsi nihsekró꞉ri; ó꞉nen kíʼ sanitskó꞉ten tánon í꞉sek nakatoráhtshera, ne naón꞉ton nahstiaʼtaté꞉rihste.”