Genesis 26:2 - Ohiatonhseratokénti

² Tánon ne Roiá꞉ner wahototáhshien NʼIsaac tánon wahén꞉ron, “Tóhsa Egypt nienhènhse; thóh senákerek ne tsi ionhwentsá꞉ien tsi nenkonhró꞉ri.

Genesis 26:2 Referans Kwoze

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 18:1

Ne Roiá꞉ner wahototáhshien ne Abraham ákta tsi kehrhí꞉tonʼs ne karíhtonʼs, né꞉ne Mamre nón꞉we, thóh rentskó꞉tahkwe ne tsi ieiontaweiaʼtáhkhwa ne raoʼtohserà꞉kon né kwáh siiorahkwatarí꞉hen,

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 12:1

Ó꞉nen ne Roiá꞉ner wahawénhase ne Abram, “É꞉ren í꞉seht tsi nón꞉we nisanakerahserá꞉ien, ó꞉ni ne sewatátenonhkwe, tánon ne tsi ronónhsote ne iaʼníha ne tsi tiohontsá꞉ien ienkonnaʼtón꞉hase.

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Genesis 17:19

Ne Rawenni꞉io wahén꞉ron, “Iáh, ók ne Sarah ne tesení꞉teron roskenʼrakéhte eniowiraién꞉taʼne né sarihwá꞉ke, tánon ó꞉nenk tsi Isaac entiená꞉tonhkwe. Kwáh enkerihwahní꞉rate nakaterihwaseronniáhtshera skátne ne ráonha né꞉ne tsi nèn꞉we Enká꞉take ó꞉ni tsi wahahwatsiratátie. Né꞉ne tsi nèn꞉we enká꞉take naterihwahseronniáhtshera.

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Exodus 2:24

rahónʼha wahothón꞉teʼne tsi nihoʼnonhsèhna tánon waʼrehiá꞉rahne ne raonateriwasehronhniátshera ne Abraham, lsaac, ó꞉ni ne Jacob.

Leviticus 26:42

Kwáh enkehiá꞉rake nakaterihwasehronhniátshera tsi nòkwah ne Jacob tánon ne Isaac ó꞉ni ne Abraham, tánon á꞉se enskónhni tsi nikhehiararatsʼténhni ne nahontatʼkhéhion nakonhkwetashón꞉as nohóntsa.

Psalms 25:12

Ónka nenhné꞉e ne ronhwatsánis ne Roiá꞉ner? Kwáh kíʼ ensakorihónhnien tsi ní꞉ioht tsi ahontateráhkwahse.