Genesis 24:7 - Ohiatonhseratokénti

⁷ Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.

Genesis 24:7 Referans Kwoze

Hebrews 1:14

Nahóten nen꞉ne ne ratironhiakerónons? Né꞉ne rotihiatatokéntis ronwahʼiótense ne Rawenni꞉io tánon rahónwah teshakotóries nashakotisniénon tsi nihiákon neniehiéna ne kaiatakenhátshera.

Psalms 34:7

Ne raoronhiakerónon ne Roiá꞉ner thensakotsiatáton tsi nihiákon ne ronwaʼsénhnaiens, tánon sahkoniakéntha.

Exodus 33:2

Kwáh raronhiakeró꞉non ienhiʼhiaténieʼte nahiahéntense, tánon kwáh enkhehiatínekenʼwe ne Canaanites, ne Amorʼró꞉nons, ne Hitró꞉nons, ne Perizró꞉nons, ne Hivró꞉nons, tánon ne Jebusites.

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Psalms 73:24

Sarihonhnienhnítshera waʼkenatónhnis tsi nihiohahóten akatʼthaʼhí꞉tha tánon ne tsi iehiotók꞉te kwáh í꞉se kaiataʼnerakwahtsherákon tsi enstiéna.

Psalms 32:8

Kwáh kíʼ enkonhrihónhnien tsi nihiohahó꞉ten asatʼthahíta; Í꞉ih enkonrihónhnien tánon enkonhiatenhnikónhron

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Revelation 11:13

É꞉tho nikaʼhá꞉wi teiotenonhianì꞉ton tsi watsaontsí꞉shonhkwe, tánon noierí꞉haton niekanónshote ne kaʼná꞉takon wakanonshiénnenhne; tsá꞉ta natehonhnenhniawehetsheráhsen niiá꞉kon wahakononwarhià꞉khon tsi wahatsaontsíshonkwe, tánon ne ronátiaʼkes tsi nahotiʼterónhne tánon taʼhón꞉ion ne kaiatanerakwáhtshera ne Raní꞉io ne karonhiá꞉ke.

Hebrews 11:9

Né tewehtákwenh tsi ní꞉ioht ne tihahontsiáte tsi thóh rahnákerekwe né non nikanakerahseráien ne tsi thóh nónwe nihorahratsʼténni ne Rawenni꞉io. Ahtoserahkónshon non nihenteróntaʼkwe, né nònne sáka ne Isaac ó꞉ni ne Jacob, kwáh ne sáka tsi nisakorahratsʼténni ne Rawenni꞉io.

Acts 7:5

Ne Rawení꞉io iáh tetʼthó꞉wi ne Abraham ne hiatehahiáti ahowénhake, iáh sékon ne sewasíta tahiotekerónteke nohóntsia, nók Rawení꞉io waharárasʼte tsi entʼtáwen, tánon rahowenkónwe enkénhake tánon ó꞉ni tsi nienhatʼwatsirí꞉ne. Neh thóh sikaháwi neh saharáhraste ne Rawení꞉io NʼAbraham iáh thénen tehowiraiéntakwe.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Psalms 103:20

Tetsisewaʼnonweráton ne Roiá꞉ner, Ó í꞉se ne sewaʼronhiakeró꞉nons, í꞉se ne sewáʼsháststes ne sewaʼtewenhnarákwah tsi nihorihwaʼtáton, nisewaʼtahónsate tsi nahoténhsons ratónhnions.

Joshua 1:6

Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Numbers 32:11

‘Waʼkaráratste né aoríhwa tsi iáh tiehothikonhtákwen tehotirihwatóken nakonháke, kwáh iáh ónhka ne tewá꞉sen natahahoserihiákon khès ne sénha ahonthahóhionke né Egypt natethawénon tsi iáh tsiá꞉re ne tsi tsohontsáien né khehiararatsʼténhni ne Abraham, Isaac, tánon ne Jacob.’

Numbers 14:30

Waʼkarahrátston tsi enhkwahríhon né thóh nónhwe iahisewanákerehke, ók iáh nónhka ne tsi nítsion thóh tahiáwenhne, nék khók ne Caleb tánon ne Joshua.

Numbers 14:16

tsi wasehnonhwariakónhnion ne shonkwetaʼshónhas ne karakonhkówa né wakarihónhni né tsi iáh tesaʼkwénion nia sehiaténhake ne tsi tsionhontsáien ne sehiararatsʼténhni nahontasehiáwike.

Exodus 13:5

Ne Roiá꞉ner kwáh iekáien tsi ioriwaʼníron tsi shaʼkorahratsʼténhni ne ietʼtsisotʼthonkonhkénʼen natsíʼtsion ne Canaanites rahoʼnonhóntsa, né saka ne Hitró꞉nons, ó꞉ni ne Amorʼró꞉nons, ó꞉ni ne Hivró꞉nons, tánon ne Jebusites. Nónen thóh nienʼtshihiaténhaʼwe ne iohontsaʼré꞉sen ó꞉ni ne ionhontsíio, ónenk tsi ensewaʼteniʼkonhroʼrí꞉sehʼke nenh kakʼkwárahke nenhteʼwatenhniʼtatiéʼrenhte ne iatehiosehràhke.

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Jonah 1:9

“Hebrew nikenekwensó꞉ten,” waʼtharihwaʼserá꞉ko ne Jonah. “Ne ní꞉i rihsénnaiens ne Roiá꞉ner ne Rawenni꞉io tsi karonhiá꞉te, tsi nikáien rohsaʼánion ne onwéntsha ó꞉ni ne kaniataraʼkehkó꞉wa.”

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Ezra 1:2

“Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

Judges 2:1

Ne rahoronhiakerónon ne Roiá꞉ner Gilgal nónhwe tahaténhti tánon Bochim niaháre tánon washakawénhase Israerʼró꞉nons, “Thohʼthakwahiatínekenhwe ne Egypt tánon thohʼnónhwe takwahiaténhawe ne tsi ionhontsáien ne kheʼhiarahratsʼténhni ne ietsisotʼthonkonhkénʼen. Wakíron, ‘Iáh nonhwénhton thaʼtátiake nakaterihwasehronhniátshera tsi nòkwah ní꞉se.

Genesis 16:7

Ne Roiá꞉ner raoronhiaʼkeró꞉non waʼthiatátken ne Hagar tsi tiohné꞉kote ne iawentsathenhá꞉ke né꞉ne tsi nieiothahí꞉non ne Shur

Genesis 21:17

Tánon kí ne Rawenni꞉io wahowennà꞉ronke ne raksá꞉ʼa; tánon kíʼ ne raoronhiaʼkehró꞉non ne Rawenni꞉io iahaná꞉ton ne Hagar karonhiá꞉ke nontá꞉we, tánon wahrènhahse, “Nahó꞉ten tesatateʼnikónhrhare, Hagar? Tóhsa sáhteronʼn; asèkenh Rawenni꞉io wahowenná꞉ronhke ne raksá꞉ʼa tsi nón꞉we ní꞉res.

Genesis 22:11

Thontaiawénhstsi ne Roiá꞉ner raoronhiaʼkeró꞉non karonhià꞉ke nontá꞉we tahonà꞉ton, “Abraham, Abraham!” Waʼtharihwaʼserá꞉ko ne Abraham, “Kén꞉ʼen í꞉keʼs.”

Genesis 24:3

tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

Genesis 24:40

Ók wahakènhahse, ‘Ne Roiá꞉ner, tsi niká꞉ien ne raohén꞉ton í꞉keh enthoténniehte ne raoronhiaʼkehró꞉non naetsatenró꞉shen ne enhshaiánerahste tsi niènhse. Entehsheiaʼténhawe ne iakón꞉kwe nahotíniake ne riièn꞉ʼa ne ne Í꞉i iakwatátenonhkwe non néntien, ne ne rakeʼníha nokwá raohwá꞉tsire.

Numbers 11:12

Iáh í꞉i tekhehiatíson iáh ó꞉ni í꞉i tekhenakerátston! Onhnonhtiéren tsi askherihwanónhtonhse thóh naʼtiéren tsi shí꞉ken ní꞉ioht ne tewátsnie tsi akhehiaʼkhitàhroke tsi ní꞉ioht nowirá꞉a kwáh tsi nióre ne tsiohontsáien né sehiararatsʼténhni ne shaʼkotisotʼthonkonhkénʼen?

Joshua 24:3

Ethòne Abraham iahihiatenhawe, né꞉ne tsi sewasót꞉kenʼen, né tsi tsiohontsaien iseh nakaniatarati ne Euphrates tánon wahihentenhse watʼtronhontsihiake ne Canaan. Wé꞉so wahiwatsironhnien. Isaac wahihionkweton,

Psalms 136:26

Ó tetsisewanonhweráton ne Rawenni꞉io karonhiáke, asèken ne iorihwatóken raonoronhkwáhtshera tsi nénhwe enkátake.