Genesis 24:59 - Ohiatonhseratokénti

⁵⁹ Káti iaontaténiehte ne rontenoʼsénha Rebekah tánon ne akaonkwe꞉ta tewátshnie skatne ne Abraham raohnhá꞉tshera tánon ne raonkweʼtaʼshón꞉aʼhs.

Genesis 24:59 Referans Kwoze

Genesis 35:8

Tánon ne Deborah, ne ne Rebekah akaonkwé꞉ta teiakóhshnie, waʼkénheie, tánon karontó꞉kon ne karíhton nón꞉we nakonwaiaʼtáta ne nentié꞉ne nokwá꞉ti ne Bethel. Sók katíʼ neh nón꞉we Allon-bacuth waʼkonwahsèn꞉non.

1 Thessalonians 2:5

Kwáh íken tsi sewahteriéntare tsi iáh thóh iséke tiehionkwénon ne karensarontsherákon tsi ní꞉ioht tsi ahionkwataráke, iáh ó꞉ni owennasónhas tehionkwáston naiakwaróhroke ne ahskenátshera—Rawenni꞉io ne sonkwariwaniráti!

Numbers 11:12

Iáh í꞉i tekhehiatíson iáh ó꞉ni í꞉i tekhenakerátston! Onhnonhtiéren tsi askherihwanónhtonhse thóh naʼtiéren tsi shí꞉ken ní꞉ioht ne tewátsnie tsi akhehiaʼkhitàhroke tsi ní꞉ioht nowirá꞉a kwáh tsi nióre ne tsiohontsáien né sehiararatsʼténhni ne shaʼkotisotʼthonkonhkénʼen?

Genesis 24:60

Tánon waʼontatiaʼtaté꞉rihste ne Rebekah, tánon waʼkonwènhahse, “Tewatenró꞉shen, í꞉se ne kaʼnisténhsera ahsá꞉ton ne tewenʼniaweʼehtsheráhsen ne oié꞉ri tewenʼniaweʼehtsherá꞉sen; aiá꞉wens tsi nienhsathwatsí꞉rine nahshakotiʼshén꞉ni ne kanatowá꞉nenʼs nón꞉we ne ronwatíhswens!”

Genesis 24:53

Tánon ne rahnhá꞉tshera wahrotahshión꞉ko nohwistanoronʼshón꞉a ne kawistarà꞉kens ó꞉ni nohwistanoronʼshón꞉ʼa, tánon natsheronniáhtsheraʼs, tánon Rebekah wahshaká꞉on. Tánon ó꞉ni kanorón꞉shonʼs wahshakowíʼhon ne ronwahtsí꞉ʼa tánon ne ontatenisténha.

Genesis 24:50

Eʼthó꞉ne Ne Laban tánon ne Bethuel waʼthnirihwaʼserá꞉ko, “Norihwaʼshón꞉ʼa ne Roiá꞉ner nón꞉we nitewéhtha, iáh í꞉ʼi teionkwá꞉wenʼk ne taetewaiaʼtó꞉rehte.

Genesis 24:54

Eʼthó꞉ne ne ráonha tánon ne skátne ronwaʼriskohtonhátie ronnón꞉kwe waʼthonská꞉hon ó꞉ni wahatihnekí꞉ra, tánon thóh wahonnón꞉wete. Sonsahontkétsko nohnrhonʼké꞉ne, wahén꞉ron, “Ionsahskwaténieht tsi tén꞉teron ne riioʼténhse.”

Genesis 24:58

Sók kiʼ iaʼontatí꞉nonke ne Rebekah, tánon waʼontateriʼwanón꞉tonhse, “Íhsehre kenh aonsésene kí: ken rón꞉kwe?” Waʼtierihwaʼserá꞉ko, “Thóh ien꞉ke.”