Genesis 22:2 - Ohiatonhseratokénti

² Né Rawenni꞉io wahén꞉ron, “Iatshiaténhaf néʼtshièn꞉ʼa, énskaʼ khók sanekenhteronʼtsherá꞉ien ne ne Isaac, tsi niká꞉ien ne etshenorónhkhwa, tánon tsi tiohóntsaien ne Moriah niahá꞉sene. Thóh tsi tionontáhere nón꞉we iatʼshenonhwariá꞉kon tánon sátshaʼaht ne raoieròn꞉ta né enhséktatshe.”

Genesis 22:2 Referans Kwoze

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

Romans 8:32

Sékon ó꞉ni neh kwáh roiénha iáh kih tehonónsthaton ne tóhsa aharoniáken, nók wahahónnien nahonthasónkwaʼne! Tsi wahshóntion neh Roiénha—iáh káti onhtèken ó꞉ni kwáh skenénstsi tsi entesóntion nohiáshon nihiorihoténsons?

Hebrews 11:17

Kwáh seh tewehtákwenh wahahónnien ne Abraham wahotewénhthete ne roiénha Isaac nahononwahriákon nónen ne Rawenni꞉io shaotheniéntʼthaʼse. Rahónha seh ne Abraham ne Rawenni꞉io rorahratsʼthé꞉ni, nók kíʼ rohtathewehiennentáhonʼne nahothewénhtethe ne énskak khók rohnekenterontseráien nahononwahrià꞉kon.

Genesis 22:16

tánon rá꞉ton, “Iatetià꞉ti wakerihwahnirá꞉ton, rá꞉ton ne Roiá꞉ner, tiorí꞉wa tsi kíʼ tho náshiehre, tánon iáh tehtshié꞉nen né tshièn꞉ʼa, nénskaʼk khók sanekenhteronʼtsherá꞉ien,

Genesis 17:19

Ne Rawenni꞉io wahén꞉ron, “Iáh, ók ne Sarah ne tesení꞉teron roskenʼrakéhte eniowiraién꞉taʼne né sarihwá꞉ke, tánon ó꞉nenk tsi Isaac entiená꞉tonhkwe. Kwáh enkerihwahní꞉rate nakaterihwaseronniáhtshera skátne ne ráonha né꞉ne tsi nèn꞉we Enká꞉take ó꞉ni tsi wahahwatsiratátie. Né꞉ne tsi nèn꞉we enká꞉take naterihwahseronniáhtshera.

2 Kings 3:27

Sók kíʼ né꞉ne thakowánen roiénha iahohiathénhawe, tsi rahónha thensohnatʼthákwen nahonsahatenonhtí꞉iosthe, tánon thóh iahohiátaren tsi thenhkensthenrothátse ne wathenhénraien tekanathanátʼthone ne kanatowanénhke né nahotheskontʼthase ne raní꞉io ne Moab. Nisraerʼró꞉nons kwáh í꞉ken tsi wahonateronhniénhthen tánon káti onàken sahónhnethe ne kanatowaʼnénhke tánon rahotinakeraserakónhson nionhsahónhne.

Genesis 22:12

Wahén꞉ron, “Tóhsa iaʼtetshanihsnonhsà꞉ren nétho raksá꞉ʼa tóhsa ó꞉ni othé꞉nen naʼtshié꞉raʼs; asèkenh ó꞉nen onkaterièn꞉taraʼne tsi nitshetshá꞉nis ne Rawenni꞉io, tsik sénhaʼk iáh thetehtshiaʼtón꞉ʼne né tshièn꞉ʼa, nénskaʼk khók sanekenhteronʼtsherá꞉ien nakonhá꞉ke.”

2 Chronicles 3:1

Ne Ronnontí꞉io Táwit, né꞉ne Solomon roʼníha, ó꞉nenk roráhkwen tsi nón꞉we nenhatenonhsónhni Nononsatokentiʼkówa. Né꞉ne Jerusalem nón꞉we, né꞉ne tsi Ionónte ne Moriah, thóh nón꞉we ne Roiá꞉ner nihothotashénhni ne Táwit, tsi nón꞉we ne Araunah né꞉ne Jebusite rásthakwe nenhawáheʼke. Ronnontí꞉io Solomon tahatásahwenh ne kahioténhsera

Judges 11:39

Shiaʼkáhewe ne tewenhníthake ronhwaniné꞉ha sahiónhwe. Thóh kíʼ nahá꞉iere tsi kíʼ nihoraratsthéni ne Roiá꞉ner, tánon tsi wahahé꞉heie á꞉re khók tehiakoniákonkwe. Ne ki aoriwà꞉ke thóh nikarihoténhne Israeronónhke

Judges 11:31

Enkhehiatsatátsahathe tsi né enhkhonʼtátie nenhtewatsérenhte nónhka enhtieiákenhne nakenónskon ne tahiatiatátken, nónenh énskewe tsi wakatkwehionhátie. Né enkontátʼtie nètho ónhkwe tsi akhehiateskónhthen.”

Genesis 21:12

Ók ne Rawenni꞉io wahawènhahse ne Abraham, “Tóhsa tesatateʼnikonhrhá꞉ren tsi nokwá néʼtho raksá꞉a ó꞉ni ne senahskón꞉nis Hagar. Tho ná꞉tsehr tsi nen iesahró꞉ri ne Sarah, asèkenh tsi nienhsathwatsí꞉rine raonhá꞉ke ne Isaac nón꞉we nenhtón꞉ne kwáh kíʼ tsi nikoniaʼrarátstenhni.

Romans 5:8

Nók Rawenni꞉io rawenéston tsi nishonkwanorónkwa—kwáh sékon sihionkwariwáneren neh Kerístos shasonkwenʼhéiaʼse!

Micah 6:7

Kwáh onhtéken ne Roiá꞉ner ahawerienhtí꞉ioste ne thó꞉ka tewenhniawehetsheráhsen niháti teotikakaronhtón꞉a ratítsinn, né oié꞉ri tewenhniawehetseráhsen nakónhake kaniataratátie iorésen? Né onhtéken aontatiéste ne thakowá꞉nen rièn꞉ʼa ne aorihwà꞉ke nakerihwanerahák꞉tsheras, ne naoshatsténhsera ne tsi kónnhe asè꞉ken ne nahorihwaneraháktsheras nakatónnhets?”

Genesis 8:20

Eʼthó꞉ne ne Noah wahaón꞉nien ne Roiá꞉ner ietsenhahráhkhwa, tánon iahshakoiaʼténhawe ne ionatkwénienʼs katshenenʼó꞉kon ó꞉ni tsi nihá꞉ti ne ronatkwénienʼs notsiʼtenʼokón꞉ʼas, wahshakotiaʼtátshaʼahte ne ietsenhahrahkwà꞉ke.

Genesis 22:3

Ká꞉ti Abraham síiohrhonʼkéhstsi wahatkétsko, wahohkwenià꞉ren ne raotshé꞉nen tewahónhtes, tánon iahshakoiaʼténhawe tehniiáhse ne kenʼnithotiión꞉ha raonkweʼtaʼshón꞉ʼa, tánon ne roièn꞉á Isaac; waʼthaientià꞉kon nahateká꞉tahkwe tsi enhatsaʼáhtahkwe ne ienhá꞉tate, tánon thóh nón꞉we niaʼhón꞉ne tsi nón꞉we ne Rawenni꞉io nihohró꞉ri niá꞉re.

Genesis 22:9

Nó꞉nen shiahá꞉newe tsi tiotenatakwèn꞉rare tsi nón꞉we nihonaʼtón꞉ni ne Rawenni꞉io, nʼAbraham thóh nón꞉we nahrón꞉ni ne ietsenhahráhkhwa tánon wahakwatakwenhá꞉ton tsi ni꞉ioht tsi wahaientahrón꞉nion. Waʼthonentsterènkhon ne roièn꞉ʼa Isaac, tánon ietsenharahkwà꞉ke wahoiaʼtá꞉ren, é꞉neken tsi nihoientahrónnion.

Genesis 21:3

NʼAbraham Isaac wahoná꞉tonhkwe né roièn꞉ʼa tsi niká꞉ien ne Sarah wahonákeratste.