Genesis 20:9 - Ohiatonhseratokénti

⁹ Eʼthó꞉ne ne Abimelech iahoná꞉ton ne Abraham, tánon wahawènhahse, “Onh kíʼ nihskwaierá꞉se? Onh ní꞉ioht tsi wakerihwanéren tsi nokwá ní꞉se, né tsi táhshawe né teiotenonhianíhton kahnhíhtshera nakonhá꞉ke ó꞉ni nakenakerahserà꞉kon? Tsi nahskatié꞉raʼse iáh teió꞉wenk neh nakaié꞉renke.”

Genesis 20:9 Referans Kwoze

Genesis 12:18

Ká꞉ti ne Pharaoh iahó꞉nonke ne Abram tánon wahén꞉ron, “Nahó꞉ten kí꞉ken tsi nahstié꞉raʼse? Oh nontié꞉ren tsi iáh tehsekhró꞉ri tsi ne ne tesení꞉teron í꞉ken?

Genesis 39:9

Iáh sénha tehoʼshaststenhserá꞉ien kíʼ kén꞉en kanónhsote tsi ní꞉ioht nʼi꞉i, iáh ó꞉ni oh thé꞉nen tehakahtshiawenhrá꞉ti kwáh nek khók tsi nonkwá ní꞉se, tiorí꞉wa tsi í꞉se tesení꞉teron; oh katíʼ ní꞉ioht tsi akkwé꞉ni tho nakátiere ne nikarihwahétken tánon akerihwanéraʼke tsi nokwá ne Rawenni꞉io?”

Genesis 26:10

NʼAbimelech wahén꞉ron, “Oh nahskwaié꞉raʼse? Ónhkaʼk ne rón꞉kwe aiotón꞉ʼon ahonará꞉ton ne tesení꞉teron, tánon í꞉se aesatkehtá꞉tonke nonkwahnhíhtshera.”

Hebrews 13:4

Ne kaniá꞉tshera kwáh onhkweʼtakwé꞉kon tsi teiotonwentióʼon naʼieriwahkweniénstake, tánon ne rotiniátʼkons ó꞉ni ne iotiniákons ioteriwíson ne ahotirihwahtokénhake tsi naʼtehónteron. Rawenni꞉io enshakoréwahte nónka ne ieweienʼnáksen ó꞉ni ónhka ne iontenakwaiesátha.

Titus 1:11

Kwá tehiotonwentióʼon nahonwanáskweke, ne tsi kwá iewahtsirakwékon sakotinikonraksátha ne tsi ne sakotirihonniénnis tsi nahóten ne iáh tathehiothonwentióʼon, tánon akwékon ne karihónnis tsi nihiotéha tsi nihonahtéttien tsi ní꞉ioht tsi rontʼwistónnis.

Romans 2:11

Ne Rawenni꞉io akwékon kwáh satetiót꞉te tsi tesakoiatorétha.

Proverbs 28:10

Tókaʼ tenhsherihwaierónnion nónhka tiakorihwaié꞉ri karihwahétken kenʼniaié꞉iere, í꞉se kiʼ entisatkarenhrákwaʼse; nok ne ónhka iáh oʼthé꞉nen tehotihnhí꞉kon tenhonaterihwaʼserákwahse.

2 Samuel 13:12

Wathonwarihwaserá꞉kwahse, “Iáh, tiaʼtenósenh, tó꞉sa thontaskanóntons; asèken neh naorihó꞉ten iáh thóh teiáwens NIsraerʼronónke; tó꞉sa othènon thóh nátiere neh nihioterihwatéha!

2 Samuel 12:5

Ehʼthóhʼne ne Táwit raonhakwáhtshera tehiotenonhianíton tsi waʼkatsiró꞉ten niahotiatónti ne rónhkwe. Wahawénhase ne Nathan, “Ne Roiá꞉ner tsi nirónhne, ne rónhkwe ne kíʼ thóh nihoiéren tehothénhtion narénheʼie;

Joshua 7:25

Tánon ne Joshua wahénron, “Onhnonhtié꞉ren tsi thóh nió꞉re tsi taskwahawíten ne thahionkwahnikónhraren? Ne Roiá꞉ner énthion ne tahisaʼnikónhraren!” Onhkweʼtakwé꞉kon káti wahonwanenhióhiake ne Achan tsi nió꞉re iaʼthatikónhten; tánon ó꞉ni wahonwatinenhióhiake ne rahowá꞉tsire tánon wahonwanatiataʼtsáhathe ó꞉ni tsi nihoientaʼtseraiénthakwe.

Leviticus 20:10

Tó꞉ka ne rónhkwe enhatenakwahiésaʼte né꞉ne Israerʼró꞉non ró꞉ne, rahónha ó꞉ni ne iónhkwe tsi enhonwatinonhwariákon.

Exodus 32:35

Káti ne Roiá꞉ner iahaʼté꞉niete ne kanhraʼtarinhétsera nonhkwèʼne, tsioríwa tsi wahaʼtiriwakwéni ne Aaron narónhni ne owistanó꞉ron tionónhskwaron rátsinn-owíra.

Exodus 32:21

Wahawénhase ne Aaron, “Ónh nahesahiérase kí꞉ken onhkweshón꞉ʼa, tsi wasehiónhnien thóh nihioriwaʼtsháni tsi wahatiriwánerahke?”

Genesis 38:24

Kaʼk non ne tókaʼ áhsen niwenhní꞉take ohnaʼkèn꞉ke ónhkaʼk wahonwahró꞉ri ne Judah, “Ne sesá꞉fha Tamar wathonwisenʼtsheráksen waʼontatón꞉ni; sénha í꞉siʼ nón꞉we iowiraientá꞉sere ne wakarihón꞉ni tsi niwathonwisenʼtsheráksen naʼkaiaʼtó꞉ten.” Tánon ne Judah wahén꞉ron, “Tatsaʼtínekenhf, tánon konwatiaʼtén꞉tahf.”

Genesis 34:7

Ne Jacob raonekenhteronʼtsheraʼshón꞉ʼahs kahentà꞉ke naʼtontahón꞉ne. Ne sahatirihwá꞉ronke, ne ronnón꞉kwe kwáh í꞉ken tsi tahontónʼneke ó꞉ni kwáh í꞉ken tsi wahotinà꞉khwen, tiorí꞉wa tsi niiorihowá꞉nen tsi nahóhnhiʼkeh wahshakoʼnikonhrakaré꞉wahte ne Israeronónke tsi skátne wahiá꞉rate ne Jacob sakoièn꞉ʼa, aseʼkénh neh nikarihó꞉ten iáh teió꞉wenk neh nakaié꞉renke.

Genesis 20:8

Ká꞉ti Ne Abimelech nó꞉ia saióhrhenʼne ohrhonʼkéhstsi wahatkétsko, tánon ratikwé꞉kon iahshakohnónkhon ne raohnhaʼtsheraʼó꞉kon tánon orihwakwé꞉kon wahshakohró꞉ri; tánon né ronnón꞉kwe kwáh í꞉ken tsi wahotíhteronʼne.

Genesis 20:10

Tánon ne Abimelech wahawènhahse ne Abraham, “Nahó꞉ten sanonhtónnionhskwe, tsi kíʼ thóh náhshiere?”

Genesis 29:25

Né saʼóhrhenʼne, tsi Leah seʼ; tánon ne Jacob wahawènhahse ne Laban, “Nahó꞉ten kí꞉ken tsi nahstié꞉raʼse? Iáh kenh tsi konioʼténhse Rachel teiorihwá꞉ke? Oh katíʼ nontié꞉ren tsi wahskeʼnikonhrhá꞉ten?”