Genesis 2:1 - Ohiatonhseratokénti

¹ Tánon ká꞉ti kwáh orihwakwé꞉kon kahsaʼánion ne tsi ionhwentsá꞉te ó꞉ni ne tsi karonhiá꞉te.

Genesis 2:1 Referans Kwoze

Psalms 33:6

Né Roiá꞉ner kwáh nek khók tsi taʼhatá꞉ti onhtónh꞉ni ne tsi karonhiáte, tánon nenhtiekhenékha karáhkwa, nasonthenʼné꞉kha karáhkwa, tánon ne tsi iotsistokwahrón꞉nion onhtónhi tsi nontahatónhrie ne tsi rasakáronte.

Exodus 31:17

Ienhiokonhtákwen tsi enwenésthonke tsi natehiakwáhtere nonhkweshón꞉ʼas nIsraerʼró꞉nonhke tánon Ní꞉i, tsioríwa tsi Í꞉i, ne Watiá꞉ner, wákson ne tsi karonhiáte ó꞉ni tsi ionhwenhtsáte né iáh-iak nónhta, tánon ne tsatákhaton shiʼwenhniserakéhaton watékʼtahne tsi watióte tánon wakenhniseraiérite.”

Exodus 20:11

Né iaʼiákʼkhaton siwenhniserakéhaton Í꞉i, ne Watiá꞉ner, waʼkonhontsíson, waʼkeronʼhíhson, ne kaniaʼtarakheʼkówa, tánon nʼoriwaʼkwékon né thóh íken, ók kí ne tsathákʼhaton siwenhniserakéhaton waʼkenhniseraiériʼte. Né káti aoríwa Í꞉i, ne Watiá꞉ner, waʼtiathatéristhe ne tsathákʼhaton tánon waʼkenhniseratokentísʼte.

Genesis 1:1

Tsi tiotáhsawe Rawenni꞉io wahá꞉ronhionhni tánon waronhontionhni,

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Isaiah 42:5

Asèken rá꞉ton ne Rawenni꞉io, né Roiá꞉ner, tsi rahónha róshon ne tsi karonhiáte tánon waʼthatirónhten, rahónha teotakwahríton ne tsi ionwenhtsáte tánon tsi nahó꞉ten ne nón꞉we nitkáhas, rahónha shaʼkotonrietserá꞉wi nonkweshón꞉has ne tsi ionwenhtsáte ó꞉ni nonikónra tsi nihiákon né thóh nón꞉we naʼtehiontekhaʼhákwah:

2 Kings 19:15

tánon waʼhaterénhnaien, “O Saiá꞉ner, ne Sení꞉io Nisraeʼró꞉nons, sanitskwáhraʼne siskwaʼhé꞉re é꞉neken tsi rón꞉nes ne tehatinerahontiónhtons kontí꞉rios, sonhá꞉hak khók ne Saní꞉io í꞉ken, satkorástons akwé꞉kons tsi kanakeraseraké꞉rons tsi ionhwenhtsáte. Í꞉se shasaháʼnion ne tsi ionwenhtsáte ó꞉ni ne tsi karonhiáte.

Isaiah 45:12

I꞉i wakonhontsíshon, tánon kehiatíson nonkweʼshónhas thóh khéteron; né꞉ne katsanákes tehiotakwahríhton ne tsi karonhiátes, tánon I꞉i kheriwáwi ratikwé꞉kon ne ratironhiakeró꞉nons.

Psalms 146:6

tsi nikáien ró꞉son ne tsi karonhiáte ó꞉ni tsi ionhontsáte, ne kaniatarakekó꞉wa, tánon tsi nahoténhsons né thóh nón꞉we nikónhnes; rahónha ranikonhrará꞉tses ne tewetákwen tsi nénhwe enkénhake;

Zechariah 12:1

Ne kí꞉ken nateriwanhothá꞉tshera tsi nokwáh ne Israel Roiá꞉ner nón꞉we nitsawé꞉nonh, ne Roiá꞉ner raónha tehotakwahrí꞉ton ne tsi karonhiá꞉te, róshon nonhwénhtsa, tánon teshakó꞉wi natónhnhets nonhkweshón꞉ʼa. Rá꞉ton,

Psalms 33:9

Nó꞉nen sahatáti, onhtonhontiónhni; tsi nenhénron orihwaʼkwékon onhtotáshion.

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

2 Chronicles 2:12

Tehonwanonhweráton ne Roiá꞉ner Sakoní꞉io í꞉ken ne Israerʼró꞉nonke, Rahónha ró꞉sons tsi karonhiáte ó꞉ni tsi ionwenhtsáte! Thóhwi ne Ronnontí꞉iokwe Táwit né raoʼnekenterón꞉tshera naʼtenikonhratʼthokhátshera, ne rahónha ó꞉nenh né ratenikonhrón꞉nis nahononhsónhnien nononsatokentiʼkówa ne Roiá꞉ner tánon nahathatenonsónhnien nón꞉neʼe ne rahónha.

Hebrews 4:3

Tsi nítion ne tionkwetákwen, káti, entewahiéna natorihséntshera tsi nihorahrátsʼton ne Rawenni꞉io. Kwáh thoʼní꞉ioht tsi niháwenh, “Wahkenakwenhenʼne ó꞉ni iorihwahníron wakarahrátston: ‘Iáh nonwénton tiahatiráhtaʼne nonwentsá꞉ke tsi nónwe nikhehionhontsá꞉wi nahonthoríhsen!’” Né kiʼwahénron iawehrohátien ne raʼoiohténsera ónen sikáshon ne shontakaháwi ne sharonhontiónni.

Acts 4:24

Nónen ne thonetákwens sahatiriwáronʼke, kwáh rathikwékon hiathónʼtiesʼte skátʼke tsi wahonterénʼnaien rahohénton ne Rawení꞉ioʼke: “Sewenní꞉io ó꞉ni sahsahánion tsi karonhiáte, ó꞉ni tsi ionwentsiáte, tánon ne kaniatarakhekówa, tánon ó꞉ni nohiáson nahótens akénhaʼke ó꞉ni neh thóhnon nihonónʼnhes!

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 10:12

Ne Roiá꞉ner tsi róhson tsi ionwenhtsiáte raoshastsʼténsera rótston; tsi rokwahtáhkwen ne tsi ionwenhtsiáte raonikonhrowaʼnhátshera rótston tánon ne ne raonikonhraienʼtátshera wahtewatirónten tsi karonhiáte.

Isaiah 65:17

Asèken ónenh thó꞉wa ahonsakón꞉ni ná꞉se tsi aonsakaronhiáteʼke tánon ná꞉se tsi aonsaionwentsáʼteke; né tiotihénton nahorihoténhsons kwáh iáh tahonsawehiáraʼke khès nahonshonʼnonhtónhnionʼke.

Isaiah 48:13

Katshanáke iotskwáhere ne tsi ionwenhtsáte, tánon né kheweientethákwen watʼkatakwáhriʼte tsi karonhiátes; nó꞉nen shontakatáhti, óksak thóh nahá꞉wenhne.

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Genesis 2:4

Tánon eʼthó ká꞉ti ní꞉ioht ne Rawenni꞉io tsi róhshon tsi ionhwentsá꞉te ó꞉ni ne tsi karonhiá꞉te. Nó꞉nen ne Roiá꞉ner Rawenni꞉io sharonwentsí꞉sa ó꞉ni shaharonhísa,

Genesis 1:10

Ne Rawenni꞉io ne iaonhwentsiáthen ohóntsa wahanátonhkwe, tánon nohné꞉ka ne skátne tsi nón꞉we niotnekaró꞉ron kaniatarakehkó꞉wa wahanáhtonhkwe. Tánon ne Rawenni꞉io wahatkáhtho tsi niioiánere.

Deuteronomy 17:3

tsi ne konhwatisénhnaiens ó꞉ni tekonwatiriwásniese ne oiáhsons nihioʼokónhas tó꞉ka ó꞉ni ne tsi karáhkware tó꞉ka ó꞉ni nasonhthenʼnékha karáhkwa tó꞉ka ó꞉ni ne tsi iotsistoʼkwahrón꞉nions, oianahatí꞉iere tsi ní꞉ioht tsi rotró꞉ri ne Roiá꞉ner.

Jeremiah 8:2

Tsi ní꞉ioht nakaró꞉ronhke tánon akahiathátenhke, ne raotiʼstienhokónhas thóh nenhʼhiothónhake tsi ní꞉ioht ne óhtha iakonhonsahresensthákwah onhwenhtsiáke kahkéhron. Tánon tsi tenhwahrehniáthonke thóh tsi iohráhkhothe, tánon ne asontʼténhnekhe karáhkwah, tánon ne tsi iotsistokwahrónʼnions, né kí꞉ken nonhkwehshón꞉a ienonhrónhkwahkwe tánon ne tahieriwásniehʼne, tánon ne konhwaterihwaiénhnisʼkwe ó꞉ni konhwathisénhnaiensʼkwe.

Isaiah 55:9

Asèken né tsi karonhiáte sénha né éʼneken iotohetsthákwen tsi ní꞉ioht ne tsi ionwenhtsáte, ká꞉ti nakeweʼiénhnas sénha né éhʼneken iotohetsthákwen tsi ní꞉ioht ní꞉se saweiénhnas tánon nakanonthonhnióntsheras tsi ní꞉ioht ní꞉se sanonthonhnióntsheras.

Job Tánon ne Raoronhiakensera 12:9

Ónhkak ken ne kí꞉ken tsi nihá꞉ti ne iáh tahiakoterienʼtá꞉rake né꞉tho né꞉ne Roiá꞉ner thóh nióshon kí꞉ken?

Acts 7:42

Káti ne Rawení꞉io ahéren wárete tsi non nihónnes tánon iasakótkaʼwe neh꞉ne ahonsakonwasén꞉naien ne tsi iotsistokwarónnions ó꞉ni ne tsi karonhiáte, kwáh tsi ní꞉ioht tsi kahiáton ne kahiatonserákon ne rotitokénses: ‘Tionkwe Nisraero꞉nons! Iáh i꞉i takenhake nètho í꞉se ietsiʼiateskonte katʼtsenen ne kaiéri-niwásen niʼioseráke tho nón꞉we iahontsiaʼthenhake.

Luke 2:13

Nok ok eh iakaniionten rotitiokȣatsanit ratironhiakeronon Karonhiake tahatiientakȣe tehonȣanonȣeronnions ne Niio, ronton:

Isaiah 34:4

Akwékon tsi nihioteriwatiéren ne tsi karonhiáke kwáh enhiotishatstenhserónhti, tánon ne tsi karonhiáte kwáh enwatʼwenónhni tsi ní꞉ioht nohorótha. Akwékon nahoshatsténhsera kwáh enhiotistatáse kwáh tsi ní꞉ioht nónerate iostatʼtenhenhátie ne tsi watenenharíseres, khés ne káhik iostatʼthenhénhase ne tionnionwarontonhakówa tsi kérite.

Psalms 104:2

ne tesatʼwahwenhétʼthon ne kaswatʼthétsera tsi ní꞉ioht natʼtserónhnia akénhake. Waʼtestakwáhrihte ne tsi karonhiátes tsi ní꞉ioht natóhsehra,