Genesis 19:5 - Ohiatonhseratokénti

⁵ tánon iehonwanaʼtónnions ne Lot, “Kaʼní꞉neʼs thí: ken tehnón꞉kwe né skátne aesewenʼterón꞉take kíʼ oʼkaráhsha? Tahsheiaʼtínekenhf tsi nón꞉we niiákweʼs! Iákwehre tsi ni꞉ioht ne rotinòn꞉wa tsi aiakwatenikonʼhró꞉ri.”

Genesis 19:5 Referans Kwoze

Judges 19:22

Kwáh í꞉ken tsi ronathonhnáhere kwáh thonthahiawénhstsi thó꞉ka nihionkwétakes ne kenhtésehra ronatenikonhrahetkénhton wathonwatiʼnonhsanáke tánon tahontásawenh wahatinoháhiake. Wahonwénhase ne roksthénha, “Tatʼtsiatínekenf tí꞉ken rónhkwe ne thatsaténhawe! Tehionkwahthonhontsóni ne rahónha skát꞉ke ahiakwahtenikonhró꞉ri”

Jude 1:7

Seweiáre wáhi ne Sodom tanon ne Gomorrah, tanon náktha kanataienthonkwe, ne rahononkwetasónhas thóh nahathiweienʼnhoten꞉ne tsi niʼioht thí꞉ken ratironhiakerónons ó꞉ni tsiktiahatiʼieránion tsi nokwáh ne kentéhsera ó꞉ni naskanéktsheras; ne wahatiʼiéna ne karewathátshera ne iotekaʼonwe ne kí꞉ken ne kwáh onkweʼtakwé꞉kon tsi iakonronkaténnis.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Leviticus 18:22

Iáh ónhka ne thehnónhkwe tehiówenk ne kentèsera ahiaterihwathénhtiaʼte; ne Rawenni꞉io rarihwásons ne thóh ní꞉ioht.

1 Timothy 1:10

Né ioteriwahtéha, né kentétsera ratinikonrátha, ne ratiwirahnénskwas, tsi niháti ne ronnowéntha ó꞉ni ronnowéntha ne thènen ahontʼróri tóhka ó꞉ni nónkak ne kwáh ó꞉ia ní꞉ioht tsi ahontróri tsi nòkwa ne kwáh tóhkenske íken noriwahshónha.

1 Corinthians 6:9

Oiwiʼiohónwe sewateriéntare ne ionkwetahétkens tsi iáh tahatihiatakwení꞉ioke ne Rawenni꞉io raonakeráhsera. Tóhsa sewahtatenonwahroritónnien; nónkwe né ieweiennákʼsen tóhkaʼ ó꞉ni kaiatónni konwahsénnahiens tóhkaʼ ó꞉ni iontenahkwaiesátha tóhkaʼ ó꞉ni rotinónwahs tohʼtinikonráhtion

Ezekiel 16:51

“Ne Samaria iáh nènhʼne étho nióre tsi ahioriwáhnerenh tsi kíʼ ní꞉se ní꞉ioht. Sénha í꞉se wéso tsi nishatieriánion ne ioteriwahtéhas tsi ní꞉ioht ne ahónʼa. Ne shariwahetkénsehra ne iakahónhnis ne sehtsihokónhas ne iáh tahiothiníkonh tsi taietʼtsíron.

2 Timothy 3:13

tánon ne ionkwetahétken tánon ne tesakhorenkénnies kwáh sénha enhotihetkénten, sakotinikonraténnis nakorénsons tánon ó꞉ni ronwahtinikonraténnis nón꞉ne ne ronónha.

Ezekiel 16:49

Nahónha tánon nakohiohokónhas konhtatónhnikwe tioríhwa tsi kwáh wéso iothikhwaiénthakwe ó꞉ni skénhnonhk khók tsi konhnónhnhekwe ó꞉ni sakʼthikènhne, ók iáh kíʼ tateshakonahterhiéntarahkwe ne iakóten ó꞉ni ne niaʼtékon tiakotokʼtahníhakwe.

Jeremiah 6:15

Ronthéhes onhtèken tioríhwa tsi nihonahtiéren kíʼ kén iotheriwatéhas? Iáh, tehonahthehénʼen; akwékon iáh tehonahtheriénthare onhní꞉ioht ne onekwénthara nahathihiathótenʼne. Tánon káti kwáh éhtho ní꞉ioht tsi enthathihiátenʼne tsi kíʼ ní꞉ioht ne ronáhtsiakes; Nónenh enkheréwahthe, kwáh totʼtsienwatót꞉ten ne ronónha. Í꞉i, ne Watiá꞉ner, wakatháti.”

Jeremiah 3:3

Ne aoríhwa iáh tetsokénnores, tánon ne konhkwitenékha okennorésehra iáh tetsawéhnon. Kwáh ó꞉ni éhtho nishiatóten tsi ní꞉ioht ne ioriwahiathathónʼon; iáh teshatehensehráhien.

Isaiah 1:9

Tó꞉ka né Roiá꞉ner roshaststenserowanenkówa iáh thahothontátonke toká꞉ra nihionkwétake iathahonathaténhron, ne Jerusalem kwáh tokénʼen tsi akonwatóntonʼke, tsi kíʼ ní꞉ioht ne Sodom tánon ne Gomorrah tsi niʼiotihiatawénhon.

Leviticus 20:13

Tó꞉ka ne tenónhkwe ne wahiaterihwaténtiaʼte ne kenhtèsera, thóh naní꞉iere ne kwáh hioterihwatéhat, tánon tenitsáron ónenk tsi enhonwatiʼnonhwariákon. Ronónha kíʼ rahotiríhwa tsi enhonwatinonhwariákon.

2 Tiér 2:2

Kwáh kíʼ ó꞉ni, ronatiokowánen neh enhatísere tsi natehiótion ne rahotiweiénnas; tánon neh enkarihónni tsi nihontiéra, nakorénson wahétken tsi ní꞉ioht tsi enhontáti tsi nókwa ne tkariwaiéri.

2 Tiér 2:7

Wahonónstate ne Lot, tronkwetaiéri, tsi nithonikonrén꞉en ne tsi nihioteriwatéha tsi nihatiweienótens né iáh thènen tehonónni ne kaianerénseras.

Genesis 19:6

Ne Lot iahaià꞉kenne tho niahá꞉re tsi thón꞉neʼs ne ronnón꞉kwe, tánon tontahahnhó꞉ton ne rahshón꞉ne.

Deuteronomy 23:17

“Iáh ónhka ne Israerʼró꞉nons, ne rónhkwe tó꞉ka ó꞉ni ne iónhkwe, tiotakwakaré꞉ni ahontatón꞉ni nononsatokenhtí꞉ke nón꞉we.

1 Kings 14:24

Sén꞉ha kíʼ iesewahétʼken, né꞉ne ronhnón꞉kwe ó꞉ni konhnón꞉kwes né ronaterihwaʼthenhtsáton ne ierihwahiathátons tsi nón꞉we nihionhterenhnaienthákwas. Nonhkweshón꞉as ne Judah nónhwe akwékon né thóh nihatiʼiéraʼkwe ne ioterihwathehasónhas né nonhkwesón꞉has tsi nikáien ne Roiá꞉ner theshakohiatinekénʼen ne tsi ionhwénhtsaien né nohénton Nisraerʼró꞉nons sahón꞉newe tsi kanakeraseráien.

1 Kings 22:46

Ratikwékon é꞉ren wasakohiathenháwiʼte ne rotiskenrakéte ó꞉ni ne tsonatʼthonwísens ne iotirihwahiathatónhon né iotihióthens tsi nónhwe ne onó꞉wens í꞉ken ne ietienharákwah né꞉ne shé꞉kon iatehionathaténhron ne tsi nihothenhniserathénionskwe ne ronikénhen Asa.

Ezekiel 16:50

Konhthatónhnikwe ó꞉ni iotinonhtsisʼtaníronhkwe ó꞉ni ne étho nihionahtiéren tsi nahoténsons ne íksons, káti wahkhehiáthonthe, tsi kwáh sateriéntahre.