Genesis 19:34 - Ohiatonhseratokénti

³⁴ Tsi ó꞉ia saióhrhenʼne ne tkakowá꞉nen waʼawénhahse nakoʼkén꞉ʼa, “Atskwiʼ skátne iontiaratón꞉ne ne rakeʼníha shioʼkaráhsha; á꞉nion kíʼ etshitenónnien shahnekí꞉ra notsí꞉tsa nenió꞉karahwe, eʼthó꞉ne í꞉se ienhsatáweiaʼte tánon skátne entsá꞉rate. Ne kátiʼ naiethinónhstate tsi nokwá ne etshiteniʼníha tsi wahahwatsiratátie.”

Genesis 19:34 Referans Kwoze

Jeremiah 8:12

Akonkwetashón꞉a, wesehwahtehénʼken tsioríwa tsi nesehwahtiéreh kí꞉ken ioteriwatehasónhas? Iáh, kwáh iáh thènenh tesehwahthehénʼen; akwékon iáh tesehwateriéntahre onhní꞉ioht ne onekwéntahra nahisehwahiató꞉tenʼne! Tánon káti éhtho ní꞉ioht tsi entisehwahiátenʼne tsi ní꞉ioht ne ronátiakes tsi thóh thihiaténʼen; Nónenh enkwahréwahte, thók niensewatókthase. Í꞉i, ne Watiá꞉ner, wakatáti.

Jeremiah 6:15

Ronthéhes onhtèken tioríhwa tsi nihonahtiéren kíʼ kén iotheriwatéhas? Iáh, tehonahthehénʼen; akwékon iáh tehonahtheriénthare onhní꞉ioht ne onekwénthara nahathihiathótenʼne. Tánon káti kwáh éhtho ní꞉ioht tsi enthathihiátenʼne tsi kíʼ ní꞉ioht ne ronáhtsiakes; Nónenh enkheréwahthe, kwáh totʼtsienwatót꞉ten ne ronónha. Í꞉i, ne Watiá꞉ner, wakatháti.”

Jeremiah 5:3

Oriwihiohónwe ne Roiá꞉ner tsi né réhsaks ne tewehthákwen. Iahién꞉ton, ók iáh othènen karíhwa thesónni; wahthiaskwahséhrahkwe, ók iáh teshathontháton nahishaweienthetháhon; Shanonhtsisthaʼníron tánon iáh thathetsisatkarahthénion tsi nòkwa ne sahriwahnerahákʼtsheras.

Jeremiah 3:3

Ne aoríhwa iáh tetsokénnores, tánon ne konhkwitenékha okennorésehra iáh tetsawéhnon. Kwáh ó꞉ni éhtho nishiatóten tsi ní꞉ioht ne ioriwahiathathónʼon; iáh teshatehensehráhien.

Isaiah 3:9

Tsi nihatikonshó꞉tens ne tsi iakorihwanirátis; rontró꞉ris ne raotirihwaneraháktsheras kwáh né꞉ne Sodom, iáh kí tehotirihwaséhton. Enshontateriwáhsten! Asèken ronónha iahontátʼkwaʼse ne karihwahetkénhsera.

Genesis 19:33

Katíʼ wahoniónnien ne ronwaʼníha nahahnekí꞉ra notsí꞉tsa né siioʼkarahsherá꞉tehkwe tánon ne tkakowá꞉nen shakoièn꞉ʼa iahontáweiaʼte, tánon wahiá꞉rate ne roʼníha; iáh tehottó꞉ken kátke niiorá꞉ton khéhs shonsontkétsko.

Genesis 19:35

Sók kátiʼ wahoniónnien né ronwaʼníha nahahnekí꞉ra notsí꞉tsa neʼthó siioʼkarahtsherá꞉tehkwe, tánon ne kenʼ nitiakoión꞉ha waʼtká꞉taʼne, tánon skátne wahiá꞉rate; tánon iáh ohthé꞉non tehottó꞉ken kátke niiorá꞉ton khéhs nitsotkétskwen.