Genesis 18:5 - Ohiatonhseratokénti

⁵ Toh ostón꞉ha tkekhwénhahf, ne naonsesewaʼsháststenʼne, eʼthó꞉ne enwá꞉ton ensewatóhetsteʼ—ne tsi wahskwakwénienhste tsi tésewe tsi wakenónhsote, kwáh kiʼ tenkwahrihwás꞉niese.” Waʼthatirihwaʼserá꞉ko, “Niawenhkó꞉wa eniakwahié꞉na.”

Genesis 18:5 Referans Kwoze

Judges 13:15

Iáh tehotheriénhtare tsi Roiá꞉ner rahoronhiakeró꞉non nètho í꞉ken, ne Manoah wahawénhase, “Ahsatʼthontátʼtsheke tó꞉sa ónenk éhren ahonshá꞉sehte. Takeniríhon kahiatákeras owíra tsiateskóntʼtas.” Ók ne raronhiakeró꞉non wahénron, “Tó꞉ka ahonkenísko, iáh thá꞉keʼke ne sátkhwa. Ók tó꞉ka í꞉sehre naskwahtáko, tsateskónhten nastátʼtse ne Roiá꞉ner.”

Psalms 104:15

tánon onenharatasehontsherákeri enhontʼnekónhni né nenhné꞉e nahontsenhnonniátaʼkwe iakeniehwáhtha kénhie enhonthatókaʼwe ne ratikonhsáke ne nenhné꞉e nahontkatotsherihióhake, tánon kákhwa né꞉ne tsakosasthenhseráwis.

Judges 19:5

Né siʼhioronhkené꞉ha ne kaieríhaton siwenhniserakéhaton ohronhkéstsi wahontkétsko tánon wahontateweienénhthaʼne nahonsahonthénhti. Ók ne iakonhwe ronhwaníha wahawénhase ne Leviró꞉non, “Niá꞉rekwe tesaskáhon. Kwáh nènhne enshonnihióhake. Ísiʼnonhwéha thóne shasathénhti.”

Judges 6:18

Ahʼsatʼthonthátseke tó꞉sa éhren sáset niáreʼkwe akonhnónhte.” Wahénron, “Kénʼen enkésehke tsi nióre thentése.”

Genesis 33:10

Ne Jacob wahén꞉ron, “Iáh, konhianithénthase; thoʼka waketsénhri nahonkerientí꞉io tsi nó꞉kwah ní꞉se, eʼthó ká꞉ti tséna tsi nitkákʼkhawas ne katsanà꞉ke; asèken orihwihiohónwe nahiontkátho ne skonsàke kwáh né꞉ne iontkáthos tsi rahkón꞉sonhte né Rawenni꞉io, tsik sénhak wastiéna tsi nihiawehrientí꞉iot.

Genesis 19:8

Tesewaiaʼtó꞉reht, tékeni tewatiaʼtaseʼtsherá꞉ien ároʼk tekeninahkwahienté꞉ri. Ánion tekheiaʼtínekenhf tánon thóh naʼetshiié꞉ras kwáh tsi nentisewaská꞉neke. Ók tóhsa ohthé꞉nen naʼetshiié꞉raʼs kí꞉ken tehnón꞉kwe; ó꞉nenk tsi entekhéhnhe tiorí꞉wa tsi ionkenatahrená꞉wi.”

Isaiah 3:1

Asèken Nón꞉wa ne Ronontí꞉io ne Sakoiá꞉ner, ne ronterí꞉ios ratironhiakeró꞉nons, Seshakokwenhátie ne Jerusalem ó꞉ni ne Judah tsi nihonwatisnié꞉nons tánon ne kentsiókwas— akwé꞉kon tsi nihatiʼieniahésen ne kanátaro, tánon akwé꞉kon tsi nihatiniahésen nonékanos—

Matthew 6:11

Takȣanont ne kenh ȣente iakionnhekȣen niateȣenniserake.

Genesis 18:6

Abraham iaʼtonsahatskén꞉ni raoʼtohserá꞉kon nionsá꞉re tánon wahrènhahse ne Sarah, “Seweienén꞉taʼn iostoreʼkéha áhsen natétsehst né kwáh katheʼserí꞉io, tesesheʼrhakwènhtehst tánon sateraʼwistonniánion.”

Judges 6:19

Káti ne Gideon kanónskon nionsáre tánon kaiatákeras owíra wahoteskónhten tánon skawinó꞉tsera othésehra wárasthe tsi wahatenatharónnhi iáh thatehoiéston ne waʼthenkwáhtha. Athé꞉rakon tahátha nowàron tánon ne iontenonhtaronhniátha káksakon nènhne wahátha, tánon iahohawíthase ne Roiá꞉ner rahoronhiakeró꞉non ne karonhthó꞉kon thénskote, tánon tahá꞉wen.

1 Kings 17:11

Tánon kíʼ tsi niahá꞉he nakanekakó꞉ha, iathohénreʼthe, “Tánon asatʼthontátʼtseke taskenatharenhawíthen, ó꞉ni.”