Biblia Todo Logo
Bib sou entènèt

- Piblisite -




Genesis 18:12 - Ohiatonhseratokénti

12 Sók ne Sarah aonhá꞉ke khók thaʼkasté꞉riste, watón꞉nions, “Tsi ó꞉nen akekstén꞉ha í꞉ken, tánon né teiakení꞉teron ó꞉nen rokstén꞉ha, shé꞉kon ónhte kenh aonkonʼwéskwen neʼthó naiatiátiere?”

Gade chapit la Kopi




Genesis 18:12
12 Referans Kwoze  

Sarah thóh niʼiakonnótenne; ronwawennarákwakwe ne Abraham tánon ronwanathónkwaʼkwe rahiatakweʼní꞉io. Tánon nónwa neh nakahónha ietʼtsiʼienokónhas tóhkaʼ tkariwaiénri tsi nensewátiere tánon iáh tahóten taisewatʼtsianíseke.


Eʼthó꞉ne ne Abraham onhwentsá꞉ke tshiahakonhsó꞉tane tánon wahahsté꞉rihste, tánon raonhá꞉ke khók tsi wahén꞉ron, “Iotón꞉on ónhteʼkenh ne raksá꞉a nahrennákerate né rón꞉kwe ne roʼníha akénhake nó꞉nen né rón꞉kwe énskaʼtewenʼniáwe niiohserá꞉ke nithó꞉ion? Aó꞉wenh kenh ne Sarah, náonha ó꞉nen tióhton niwáhsen niiohserá꞉ke nitió꞉ion, naiowiraièn꞉taʼne?”


Ne Roiá꞉ner wahawénhahse ne Abraham, “Oh niiotié꞉ren ne Sarah tsi waʼkasté꞉riste ó꞉ni waʼkénron, ‘Kwáh ónhte kenh aonkewiraién꞉taʼne, tsi ó꞉nen akekstén꞉ha í꞉ken?’


Tánon í꞉se kíʼ ó꞉ni satarákwa: kwáh tsi niateháti ne rothiniákʼkons ronateriwaiénʼni nasakothinorónkwake ne rohthiniákʼkon kwáh tsi nihonthatenorónkwa, tánon kwáh tsi niaʼtekónthi ne iothiniákʼkon ionateriwaiénʼni nahonwathikweniénsthake ne iothiniákʼkon.


Tsi nihionkwahiéson, tánon ne iakwenhnasáke ne watsiohénreʼte naʼtsienhnonhniátshera; eʼthóhʼne wahonhnirón꞉nion tsi ienakeré꞉nion nonhkweshón꞉has, “Né Roiá꞉ner iorihowánens tsi nisakotséraʼse.”


Tsi nisatkatotierí꞉io ne ronnontí꞉io enhianónhwene. Tsi rahónha thianiaró꞉taron ónenk tsi entiewénhnarakwe.


Né sahénthenhne ne iónkwe thontáwe tánon tsi rotenonhkáronhte tsi ronónhsohte ne roksténha wakahiatsénenhne, tsi nónhwe nihononhwérekwe ne teníteron. Shé꞉kon thóh kahiathaiénhthakwe ne kwáh shatsioswátʼtheʼne.


tánon ne Elisha warénhase, “Kénʼen nenhkaháwike ne ientsó꞉serate roskenrakéte entsakitharó꞉ke.” “Oh!” tsi nakariwáson, “Asatʼthontátʼtseke, sién꞉shion, tó꞉sa thakanowénhtas. Í꞉se ne Rawenni꞉io rahonkwéta í꞉ken!”


Swiv nou:

Piblisite


Piblisite