Genesis 17:2 - Ohiatonhseratokénti

² Tánon enkón꞉ni nakaterihwahseronniáhtshera tsi naʼtetiàtere Í꞉i tánon ní꞉se, tánon entkón꞉ion naesentiohkowáhnha tsi nienhsathwatsí꞉rine.”

Genesis 17:2 Referans Kwoze

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 9:9

“Ní꞉i iaʼtetià꞉ti, wakonnihátie nakaterihwahsehronniáhtshera tsi naʼtetiátere ó꞉ni tsi nienhsathwatsí꞉rine ne kén꞉ʼen ieniótiehteʼ,

Romans 9:4

Rohnónha neh Rawenni꞉io rahonkwetaʼsónha; rahónha rohtewirahrákwen ó꞉ni washakawenésten ne rahohiatanerakwátsera; iathonteriwáieste tánon tasakáwen ne kaianerénsera, Rawenni꞉io wahsakonathónhaʼse tsi ní꞉ioht tsi ahonwasénʼnaien neh kwáh tkariwaiéri; wahathiʼiéna ne Rawenni꞉io tsi nihorarasthánions;

Genesis 15:5

Átsteʼ niahoiaʼténhawe tánon wahén꞉ron, “Karonhiá꞉ke iaʼsatkáhtho tánon sáhset ne tsi iotsistohkwarónnion, toka enhskwé꞉ni nahsheiáhshete.” Eʼthó꞉ne wahawénhahse, “Thóh kiʼ nenhonatióhkwaske tsi nienhsathwatsí꞉rine.”

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

2 Kings 13:23

ók kíʼ ne Roiá꞉ner kwáh í꞉ken tsi thorihwaʼiérikwe tánon shakoténhrakwe. Iáh tesahkorihwáʼwi nahonwanáthonte, ók kíʼ washakorihwáʼwase tsioríhwa tsi ronaʼtsanerenhserónhni ne Abraham, Isaac, tánon ne Jacob. Kwáh kíʼ iáh nonwénton teshakoiatanikonrénhʼen ne rahonkweʼtashón꞉as.

1 Chronicles 16:16

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

Psalms 25:14

Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.