Genesis 15:5 - Ohiatonhseratokénti

⁵ Átsteʼ niahoiaʼténhawe tánon wahén꞉ron, “Karonhiá꞉ke iaʼsatkáhtho tánon sáhset ne tsi iotsistohkwarónnion, toka enhskwé꞉ni nahsheiáhshete.” Eʼthó꞉ne wahawénhahse, “Thóh kiʼ nenhonatióhkwaske tsi nienhsathwatsí꞉rine.”

Genesis 15:5 Referans Kwoze

Hebrews 11:12

Nók kíʼ ne Abraham kwáh skanórons nahawenhéion, kíʼ sahiáta rónkwe thóh non nitsawéhnon tsi nihonatiokowáhnen wahawahtsiraiéntaʼne tsi ní꞉ioht né iotsistokwahrónnion ne karonhiakéshon, thóh nihonatiókwah tsi ní꞉ioht ne iáh tahónton naiónshete nonesarónkwah naʼtsatʼtéh꞉shon.

Romans 4:18

Abraham tarétakwe ó꞉ni wahaskáneke, iawerohátsien tsi iáh kanekahtewaterihónʼniskwe ne karahrhátsera, ehʼkáti nontáwe tsi wakaiéntaʼne; kanísera neh iaʼteiakahontsiákes, kwáh káti tsi niwáton nohiatonseratokénti, “Tsi iensatwatsirí꞉ne ehʼnenhatíhake tsi níkon hiotsistokwarónnions.”

Deuteronomy 1:10

Ne Roiá꞉ner sewaNí꞉io watsisehwenhtioʼkó꞉wanahte tsi ní꞉ioht ne tsi iotsistohkwarónhnions ne tsi karonhiá꞉te.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Deuteronomy 10:22

Nó꞉nen ne ietsisoʼthonkonhkén꞉en Egypt shiahón꞉ne, tsáta kók nihatihiathásen nihátikwe. Ók ki nón꞉wa ne Roiá꞉ner sewaNí꞉io thóh nió꞉re tsi sewenhtioʼkowanáston tsi ní꞉ioht ne tsi iotsistohkwarón꞉nions ne tsi karonhiá꞉te.

Jeremiah 33:22

Kwáh enkhetiokowáhnahthe tsi nienhatwahtsiríʼne ne akenhátshera Táwit ó꞉ni enkheʼtiokowahnáhten ne rothikháres ne rahotiʼtáhrahkon ne Levi, ne ne kwáh thóh nawenhtó꞉rehke nahonwahnháshete tsi ní꞉ioht ne tsi iotsistokwahrónnion ne tsi karonhiáte tó꞉ka ó꞉ni tsi níkonh kanesahronkwáhien natsatʼtóntie.”

Psalms 147:4

Rahónha thanóntons tsi níkons iotsistokwahrónhnions; akwékon niesakosenhnawíhon.

1 Chronicles 27:23

Né Ronnontí꞉io Táwit iáh nènhne tesakosénhnaron nonweʼshónas né tá꞉ke tewáhsen natehonoserihiákons, tsioríhwa ne Roiá꞉ner tsi rorahráts꞉ton tsi enshakahónhnien Nisraeʼró꞉nons thóh nahonatsokowána tsi ní꞉ioht ne tsi iotsistowarónhnions tsi karonhiáte.

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 28:14

tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 16:10

Eʼthó꞉ne ne Roiá꞉ner raoronhiaʼkehró꞉non sahrènhahse, “Kwáh enkonhiónhnien ne tsi nienhsathwatsí꞉rine ne kwáh aesewatiohkowáhnha né꞉ne iáh thaón꞉ton nahonwanáhshehte.

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 17:2

Tánon enkón꞉ni nakaterihwahseronniáhtshera tsi naʼtetiàtere Í꞉i tánon ní꞉se, tánon entkón꞉ion naesentiohkowáhnha tsi nienhsathwatsí꞉rine.”

Joshua 24:3

Ethòne Abraham iahihiatenhawe, né꞉ne tsi sewasót꞉kenʼen, né tsi tsiohontsaien iseh nakaniatarati ne Euphrates tánon wahihentenhse watʼtronhontsihiake ne Canaan. Wé꞉so wahiwatsironhnien. Isaac wahihionkweton,

1 Kings 3:8

Kénʼen skát꞉ke iakwahnákere nonhkweshón꞉as né sehiatarákwen ne kwáh í꞉se ahishonkwetaʼsónhake akénhake, né nonhkweshón꞉as ne sóh꞉tsi ronatsiokowánen iáh thahónton nahonwanásehte.

Nehemiah 9:23

Ne washehionhniá꞉te ne raotinekenteronhtsherashón꞉as Toh nahonatiókwasʼke tsi iotsistohkwarónhnions ne tsi karonhiá꞉te, tánon ní꞉se thóh niashehiaténhawe tsi tiohontsá꞉ien tsi niká꞉ien ne sheró꞉ri ne shakotinihó꞉kons tehiotonhontsó꞉hon thóh niahón꞉ne tánon ronhtié꞉nawast né꞉tho.

Job Tánon ne Raoronhiakensera 35:5

Iasatkátho tsi karonhiá꞉te tánon satkátho; sathenhnikonrátren ne tsi karonhiá꞉te, ne sénha tiót꞉te tsi ní꞉se ní꞉ioht.

Isaiah 51:2

Iatsiatʼkátho ne Abraham ianíha tánon ne Sarah tsi nikáien iesanakeráts꞉ton; asèken raonhatsíwa khók kènhne nó꞉nen shiaʼhináton, ók wahiʼhiathatériste tánon wahihiónhnien nahotsiokowá꞉na.

Genesis 32:13

Sók kíʼ thóh nón꞉we nahahsontí꞉iaʼke, Jacob waʼtehshakoiaʼtaiehstahshión꞉ko ne raotshenenʼó꞉konʼs ne nahonahskwawíhon ne iatateʼkén꞉ʼa Esau,