Genesis 14:6 - Ohiatonhseratokénti

⁶ Ó꞉ni ne Horites ne ne tsi ronatenontahrónnionhs kanakerahserá꞉ien ne Seir kwáh tsi niió꞉re ne Elparan tsi ieiótte ne iahonwentsathenhá꞉ke;

Genesis 14:6 Referans Kwoze

Deuteronomy 2:22

Ne Roiá꞉ner kwáh nónhne thóh nishakoiéraʼse ne Edomites, né꞉ne tsi nitotwatsirì꞉non ne Esau, ne thóh nónhwe nihanákerekwe tsi iononhtaʼrón꞉nions ne Edom. Raónha shakotòn꞉ton ne Horites, ne káti ne Edomites ahatiʼié꞉na ne raononhóntsas tánon thóh nónhwe nahontená꞉taien, tánon shé꞉kon nónhwa thóh nónhwe nihatináhkere.

Deuteronomy 2:12

Ne Horites Edom né nónhwe nihatinahkerè꞉kwe, ók ne Esau sakoiohokónhas wahonwatihiaʼtínekenhwe, wahonwanà꞉tonhte tsi ratiʼtá꞉raien, tánon ronónha thóh nónhwe nonsahonʼtatì꞉teron, kwáh ki tsi ní꞉ioht ne Israerʼró꞉nons oʼnakénhke wahonwatirékwahthe ne tehontátsions tsi iohontsá꞉ien ne Roiá꞉ner teshakó꞉wi.)

Genesis 21:21

Iahonwenhtsathenhá꞉ke ne Paran nón꞉we nihanákerehkwe; ne roʼnisténha wahonwanahkwatshénriaʼse tsi tionhontsá꞉ien ne Egypt nón꞉we nontakonwaiaʼténhawe.

Numbers 13:3

Ne Mahís wahatewénhnarakwe tánon thóh nónhwe ne karakonhkówa ne Paran thaʼshakoténieʼte ne sakotihenténhse, kén ní꞉ioht: Raotitsióhkwas Ne Sakohenténhse Reuben Shammua ne roʼiénha né꞉ne Zaccur Simeon Shaphat ne roʼiénha né꞉ne Hori Judah Caleb né roʼiénha né꞉ne Jephunneh Issachar Igal né roʼiénha né꞉ne Só꞉se Ephraim Hoshea ne roʼiénha né꞉ne Nun Benjamin Palti né roʼiénha né꞉ne Raphu Zebulun Gaddiel né roʼiénha né꞉ne Sodi Manasseh Gaddi né roʼiénha né꞉ne Susi Dan Ammiel né roʼiénha né꞉ne Gemalli Asher Sethur ne roʼiénha né꞉ne Michael Naphtali Nahbi né roʼiénha né꞉ne Vophsi Gad Geuel né roʼiénha né꞉ne Machi

Numbers 12:16

Ethóne kíʼ ónenh èhren sahónhnete ne Hazerothke tánon karahkonhkówa ionhsahonthahosehróhten ne Paran nónhwe.

Habakkuk 3:3

Ne Rawenni꞉io tsi tiohontsá꞉ien ne Edom nón꞉we nitawè꞉non, né Roiatatokénti Rawenni꞉io tsi ionontahrónhnion ne Paran nón꞉we nonhtahawenonhátie. Raohiatanerakwáhtshera iororókston ne tsi karonhiá꞉tes, né iakahonhnién꞉nis niakahontsakwé꞉kon nonkweshón꞉a tahonwanonwerá꞉ton. Selah

Numbers 10:12

tánon Nisraerʼró꞉nons tahontáshawen waʼthontʼtháhakwe èhren shaʼhónhnete ne iahonwenhtsaʼthènke ne Sinai. Notsíkere thóh iatʼkátane né kaʼrakonhkówa ítken ne Paran nónhwe.

Genesis 36:8

Katíʼ ne Esau tsi ionontahrónnion kanakerahserá꞉ien ne Seir nón꞉we nahatatíʼteron; né Esau ne ne Edom ó꞉ni ronwá꞉iats.

Genesis 16:7

Ne Roiá꞉ner raoronhiaʼkeró꞉non waʼthiatátken ne Hagar tsi tiohné꞉kote ne iawentsathenhá꞉ke né꞉ne tsi nieiothahí꞉non ne Shur

Genesis 32:3

Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

1 Kings 11:18

Midian nónhwe tahonthénhti Paran niahónhne, thóh nónhwe thó꞉ka niháti ronónhkwe wahonhwanatsátarahse. Ethòne Egypt niahónhne tánon ronhnonhtí꞉ioʼke niahónhne, rahónha wahahóntsion ne Hadad tánon ó꞉ni kanónhsa tánon wahoiéritʼtse ne ká꞉khwah.