Genesis 14:10 - Ohiatonhseratokénti

¹⁰ Kíʼ naonhráhkwakon né Siddim kwáh thitkáhere iohshonwakarón꞉tonʼs né kahnehtahón꞉tsi í꞉ken; tánon tsi nonsahiaté꞉ko ne rontinontí꞉io ne Sodom ó꞉ni ne Gomorrah, ótiaʼke thóh iahatiiá꞉tenʼne, tánon ne ronátiaʼkeʼs tsi tionontahrónnion nón꞉we nionsahonté꞉ko.

Genesis 14:10 Referans Kwoze

Genesis 19:17

Tánon nó꞉nen shontahonwatiiaʼtínekenhweʼ, shaiá꞉ta wahén꞉ron, “Sewaté꞉ko! Sewanónhstat tsi tsónhnhe; tóhsa ne ohná꞉ken iaonsesewatkáhtho khéhs ne kakʼnón꞉we nataesewá꞉taʼne naonhráhkwakon; tsi tionontahrónnions niaʼsewatákhe, tóka iáh tésewehre aesewatiaʼtátsha.”

Genesis 19:30

Shontóhetste kíʼ tsi naʼawènhseron ne Lot iahanontá꞉raʼne tsi tionontáhronnion nón꞉we iaʼthanà꞉tahkwe Zoar nónwe nontá꞉re rónnene ne tekeniiáhse shakoioʼhokón꞉ʼa, asèken róhteronskwe né Zoar nón꞉we nahatiʼterón꞉take; ká꞉ti tsi iotstenhraká꞉ronte nón꞉we nahóntien.

Jeremiah 48:44

Ónhka enhateniénten nahatékwahse ne kateronhkwáhtshera kwáh kíʼ oshón꞉wahkon ienhahiátenne, tánon nónhka tentʼthaʼrátʼten tenthaʼhiákenʼne ne oshón꞉wahkon kwáh tsi tewahnikáhrhare enhoiéna, tsoríhwa ne Roiá꞉ner tsi rokwahtáhkwen ne kawistáheks ne ne Moab ahotkaronhniátshera.

Isaiah 24:18

Ónhka aiontèko nék nahiakothónteʼne katerónhtshera kwáh kí ienieiáthenhne ne tsi iosonhwakáronhte; tánon ónka ne tahontaierát꞉then nosonhkwákon kwáh kí né enhiakoiéna ne tewanikárare. Asèken ne tsi iononstonkwahʼkarónhton ne karonhiáke tekanonhontséseron, tánon ne tsitkenskwáhere ne tsi ionwenhtsáte teiowishónhkwa.

Genesis 11:3

Tánon waʼthontathroriánion, “Ánion! Teiotekeronténion tewatenenionniánion, tánon kwáh í꞉ken tsi tewaʼtaríhaʼt.” Tánon kíʼ wahotineniaientá꞉seron ne teiotekeronténionʼs ne tonsaionaktáhkwen noneniaʼshón꞉ahs, tánon iohnehtókhá꞉hon wáhonsteʼ tsi ní꞉ioht ne ionawaʼtakarí꞉io tsi wahontenawaʼtstónniaʼteʼ.

Psalms 83:10

né꞉ne En-dor nón꞉we nihonwaʼnathón꞉ton, tánon ne raotiʼierontashónhas thóh ohontsáke waʼhót꞉ken tsi nón꞉we nihotiʼiatsenénhon.

Joshua 8:24

Ne Israerʼró꞉nons kwáh onhkweʼtakwé꞉kon shakotinonhwariaʼkhón꞉nion ne tehontaʼtsons ne tsi ionhontsakwénhrare ne kanakerahserá꞉kon tsi nón꞉we niahonwatísehre. Ethò꞉ne Ai nonhshahónhne tánon kwáh kanenrakwénhkon tsi washakotinonhwariaʼkhón꞉nion ne nón꞉we.

Genesis 14:3

Tánon ratikwé꞉kon kí꞉ken iaʼthonnitióhkwaiehste ne raononkweʼtashón꞉ʼa ne ronterí꞉iohs, tho aonhráhkwakon ne Siddim (né꞉ne, Dead Sea).

Genesis 14:9

skátne ne Ronnontí꞉io Chedorlaomer né Elamke, né Ronnontí꞉io Tidal né꞉ne Goiimʼke, né rontinonhtí꞉io Amraphel né Shinarʼke, tánon ne ronnontí꞉io Arioch né Ellasarʼke, né kaié꞉ri nihatinontiiohtsherá꞉ke tahonwanatén꞉rohse ne wísk nihatinontíiohtsherá꞉ke.

Genesis 14:11

Ne tehontátswenhs kwáh akwé꞉kon iahatíhawe tsi nahoʼtén꞉sonʼs kaién꞉takwe ne Sodom ó꞉ni ne Gomorrah, thóh karátse ne kákhwa, tánon é꞉ren sahón꞉nete;

Genesis 14:17

Nó꞉nen sonsá꞉rawe ne Abram tsi nón꞉we nihenʼterón꞉tahkwe, rotkwenionhátie tsi iahoʼshén꞉ni ne Chedorlaomer ó꞉ni ne ronátiaʼkeʼs rontinontí꞉io né skátne ratikwekonhátie, ne ronnontíʼio ne Sodom nón꞉we, iahá꞉re ne tahiatátken ne Abram tho nón꞉we ne Shaveh aonhráhkwahkon (ne ó꞉ni konwanaʼtónhkwa ne Ronnontíʼio Raonhráhkwakon).

Genesis 14:21

Eʼthó꞉ne né ronnontí꞉io ne Sodom wahawénhahse ne Abram, “Takonkweʼtawíhon, ók í꞉se sonháʼak sateweièn꞉ton ne kaientáhtsheraʼs niaʼtehshiá꞉ti.”