Genesis 13:16 - Ohiatonhseratokénti

¹⁶ Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 13:16 Referans Kwoze

Numbers 23:10

Tsi nithonatwatsiríhnon NʼIsraerʼró꞉nons kwáh né꞉ne okénra í꞉ken— Sóʼtsi ronatiokowánen nahonwaná꞉sehte. Takeríhon nahontsiáke nakenhnísera tsi ní꞉ioht ne Rawenni꞉io rahonkwéta akénhake; Takeríhon kwáh skénnonk tsi akíheie tsi ní꞉ioht ne tronkwetaiéri íken.”

Genesis 28:14

tánon tsi nienhsathwatsí꞉rine ʼeh nenhonatióhkwahske tsi ní꞉ioht tsi tewaʼkenhrotarhon tsi ionhwentsá꞉te, tánon kwáh iaʼtenhsaré꞉ni nakté꞉shon nón꞉we tionhontsaièn꞉ton ne ne tsi iaʼtewatshénthohs, tánon ne tsitkarahkwínekenʼs tánon nothorè꞉ke tánon nentiè꞉ne; tánon kwáh ne tsi iehwatsiraièn꞉ton ne tsi ionhwentsá꞉te kwáh kíʼ eniakoiaʼtaté꞉rihste ne ne sonhà꞉ke nón꞉we entkaientákwe tánon ne tsi nienhsathwatsí꞉rine.

Genesis 32:12

Sasehiá꞉raʼn nétho tsi ní꞉senh, ‘kwáh orihwíioʼón꞉we tsi enkonianeráhsten, tánon tho ní꞉ioht tsi enkhehwatsirónnien tsi nienhsatwatsí꞉rine tsi ní꞉ioht tsi tekanehsaronhkotáhrhon ne kaniataraʼkehkó꞉wa, ne ne iáh thaón꞉ton nahonwanáhsehte ne tsi nihonatiohkowá꞉nen.’”

1 Kings 3:8

Kénʼen skát꞉ke iakwahnákere nonhkweshón꞉as né sehiatarákwen ne kwáh í꞉se ahishonkwetaʼsónhake akénhake, né nonhkweshón꞉as ne sóh꞉tsi ronatsiokowánen iáh thahónton nahonwanásehte.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 15:5

Átsteʼ niahoiaʼténhawe tánon wahén꞉ron, “Karonhiá꞉ke iaʼsatkáhtho tánon sáhset ne tsi iotsistohkwarónnion, toka enhskwé꞉ni nahsheiáhshete.” Eʼthó꞉ne wahawénhahse, “Thóh kiʼ nenhonatióhkwaske tsi nienhsathwatsí꞉rine.”

Revelation 7:9

Shontóhetste kí꞉ken iakatkáto, tánon wakhé꞉ken kwáh í꞉ken tsi kanenhrowá꞉nen né꞉ne iáh thaón꞉ton nahonwanaséhte, né꞉ne kwáh tsi niateiakahontsá꞉ke, né꞉ne kwáh tsi niateiakotará꞉kes ó꞉ni nonkwehó꞉kons ó꞉ni nakoronkhá꞉tsheras, thóh ronhné꞉te ohén꞉ton tsi wanitskwaratseró꞉te ó꞉ni raohén꞉ton ne teiotinaʼkarontón꞉ha owí꞉ra, teonateweiá꞉here kará꞉ken, ne rathihawáhnion ne ionerá꞉tes onenhrashón꞉as.

Jeremiah 33:22

Kwáh enkhetiokowáhnahthe tsi nienhatwahtsiríʼne ne akenhátshera Táwit ó꞉ni enkheʼtiokowahnáhten ne rothikháres ne rahotiʼtáhrahkon ne Levi, ne ne kwáh thóh nawenhtó꞉rehke nahonwahnháshete tsi ní꞉ioht ne tsi iotsistokwahrónnion ne tsi karonhiáte tó꞉ka ó꞉ni tsi níkonh kanesahronkwáhien natsatʼtóntie.”

1 Chronicles 27:23

Né Ronnontí꞉io Táwit iáh nènhne tesakosénhnaron nonweʼshónas né tá꞉ke tewáhsen natehonoserihiákons, tsioríhwa ne Roiá꞉ner tsi rorahráts꞉ton tsi enshakahónhnien Nisraeʼró꞉nons thóh nahonatsokowána tsi ní꞉ioht ne tsi iotsistowarónhnions tsi karonhiáte.

1 Chronicles 21:5

Tsi sahoró꞉ri ne Ronnontiio Táwit né tiokwék꞉ton tsi nihá꞉ti ne ronhnónkwe nahónton nahonwatishotarónhni: 1,100,000 nihá꞉ti ne Israerʼró꞉nonke ratinákere tánon 470,000 nihá꞉ti ne Judah nón꞉we thatinákere.

1 Kings 4:20

Nonhkweshón꞉as ne Judah ó꞉ni Nisraerʼró꞉nonhke thóh nihonatsókwas tsi níkonh tekanesaronhkótharon natsakʼtóntse; tehonskáhons tánon ratinekíra, tánon ronatʼtsenhnónhni.

Judges 6:5

Enhtheshakotihiaténhawe ne rahothitsenenhókons ó꞉ni ne rahonathósehras, thóh nikathenhsonhátse tsi shí꞉ken ní꞉ioht ne tsistáraʼre. Né ronónha ó꞉ni ne rahothitsenenhókons iotiniakwáhere sóhtsi ronatsokowánen nahonwanásehte

Judges 6:3

Né nó꞉nen Nisraerʼró꞉nons enhatiʼientʼthósehron ne rahotiʼientʼthótsheras, ne Midianró꞉nons entʼthónhne skát꞉ke ne Amalekró꞉nons tánon ne iahonwentsiathénken ratitsiókwahien tánon ienhonwanatsatónhti.

Deuteronomy 1:10

Ne Roiá꞉ner sewaNí꞉io watsisehwenhtioʼkó꞉wanahte tsi ní꞉ioht ne tsi iotsistohkwarónhnions ne tsi karonhiá꞉te.

Exodus 1:7

ók ne sakonahterehokónhas, né꞉ne lsraeró꞉nonhs, wéso wahotiʼwirahʼientàsehron tánon tsi nahonahtsiokowàhna tánon wahatiʼtsiokwahnírahne né Egypt nónhwe kwáh ronònhak khók thitahtírahkwe.

Genesis 46:3

Eʼthó꞉ne ne Rawenni꞉io wahén꞉ron, “Í꞉i ne Ní꞉io, ne Raoní꞉io ne iaʼníha; tóhsa sáhteronʼn ne Egypt niáhse, aseʼkénh kwáh ne enkoniónniaʼte naesewentiohkowáhnha ne nón꞉we.

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 26:4

Kwáh tenkheiaʼserónnion tsi nienhsathwatsí꞉rine tsi ní꞉ioht tsi iotsistohkwarónnion ne tsi karonhiá꞉te, tánon kwáh enkhé꞉ion tsi nienhsathwatsí꞉rine akwé꞉kon ki꞉ken ionhwentsá꞉iens. Kwáh onkweʼtakwé꞉kon tsi enionkeriʼwanón꞉tonhse nakheiaʼtaté꞉rihste tsi nenhkheiaʼtatérihste tsi nienhsathwatsí꞉rine.

Genesis 21:13

Tánon kíʼ ó꞉ni enkhetiohkónnien nenʼ néʼeh nétho kanáhskwa roièn꞉ʼa, ne tsi í꞉se ó꞉ni etshièn꞉ʼa í꞉ken ne ráonha.”

Genesis 18:18

tsi neniá꞉wenʼne né Abraham kwáh í꞉ken tsi tenhotenonhianíhtonke tánon enhotiohkwaʼsháststeke, tánon onkweʼtakwé꞉kon né tsi ionhontsá꞉te kwáh kíʼ raonhá꞉ke nón꞉we entkaiènhtahkwe tsi enkheiaʼtaté꞉rihste nonkwehshón꞉ʼa.

Genesis 17:20

Tsi nokwá ne Ishmael, waʼkonwenná꞉ronke; kwáh kíʼ enhiiaʼtaté꞉riste tánon enhitiohkó꞉wanahte ó꞉ni kwáh í꞉ken tsi enhonatiohkowá꞉nenke; tékeni iawén꞉re nihá꞉ti enhonekenhteronʼtsheraién꞉take né꞉ne rotinontí꞉ioʼs enkénhake, tánon né enhiiónniaʼte nahotiohkowá꞉nenke.

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 17:6

Kwáh entkón꞉ion né iaʼtetsoké꞉tote naeswentiohkowáhnha; tánon ronnónha enthatiniarotáhrhoke ne tsi ionhwentsá꞉ien ne wé꞉so watenà꞉takes, tánon ne rontinontí꞉ioʼs kwáh sonhà꞉ke nón꞉we entkaiénhtahkwe.

Hebrews 11:12

Nók kíʼ ne Abraham kwáh skanórons nahawenhéion, kíʼ sahiáta rónkwe thóh non nitsawéhnon tsi nihonatiokowáhnen wahawahtsiraiéntaʼne tsi ní꞉ioht né iotsistokwahrónnion ne karonhiakéshon, thóh nihonatiókwah tsi ní꞉ioht ne iáh tahónton naiónshete nonesarónkwah naʼtsatʼtéh꞉shon.

Genesis 16:10

Eʼthó꞉ne ne Roiá꞉ner raoronhiaʼkehró꞉non sahrènhahse, “Kwáh enkonhiónhnien ne tsi nienhsathwatsí꞉rine ne kwáh aesewatiohkowáhnha né꞉ne iáh thaón꞉ton nahonwanáhshehte.

Genesis 17:2

Tánon enkón꞉ni nakaterihwahseronniáhtshera tsi naʼtetiàtere Í꞉i tánon ní꞉se, tánon entkón꞉ion naesentiohkowáhnha tsi nienhsathwatsí꞉rine.”

2 Kings 13:23

ók kíʼ ne Roiá꞉ner kwáh í꞉ken tsi thorihwaʼiérikwe tánon shakoténhrakwe. Iáh tesahkorihwáʼwi nahonwanáthonte, ók kíʼ washakorihwáʼwase tsioríhwa tsi ronaʼtsanerenhserónhni ne Abraham, Isaac, tánon ne Jacob. Kwáh kíʼ iáh nonwénton teshakoiatanikonrénhʼen ne rahonkweʼtashón꞉as.

2 Chronicles 1:9

O Saiá꞉ner Ní꞉io, tierit tsi nitsiarahratsténhni ne rakeníha. Waskenontí꞉ioste tsi nòkwah nonhkweʼshón꞉as né sóhtsi ronatsokowánenh iáh tahónton nahonwanásehte,

Genesis 32:13

Sók kíʼ thóh nón꞉we nahahsontí꞉iaʼke, Jacob waʼtehshakoiaʼtaiehstahshión꞉ko ne raotshenenʼó꞉konʼs ne nahonahskwawíhon ne iatateʼkén꞉ʼa Esau,

Job Tánon ne Raoronhiakensera 5:25

Ní꞉se kwáh kí ensaterienʼtá꞉rake tsi waswatsiratátie tsi enhonatiohkowá꞉nenke, tánon ne seiohokón꞉as kwáh né꞉ne ohonteʼshón꞉as ne tsi ionwenhtsá꞉te.