Genesis 13:10 - Ohiatonhseratokénti

¹⁰ Tánon né Lot wahatahrakétsko, tánon wahatkáhto né Jordan aonhráhkwakon tsi niwé꞉so iohné꞉kaien né kwáh tsiʼk nonwéhson tsi kíʼ ní꞉ioht ne tsi kahéhtaien ne Eden né Roiá꞉ner róhson, tsi kíʼ ní꞉ioht ne tsi tiohontsá꞉ien né Egypt, ne tsi nieiawé꞉non ne Zoar; né kíʼ nohén꞉ton ne Roiá꞉ner saháhtonʼte ne Sodom tánon ne Gomorrah.

Genesis 13:10 Referans Kwoze

Deuteronomy 34:3

nenhtiené꞉sons nokwá꞉ti ne Judah; ó꞉ni ne tsi kahenthakwénhrare ne iéwas tsi nió꞉re ne Zoar ó꞉ni ne Jericho, né꞉ne tsi kanatowanèn꞉ke ne ioneratésons ioteronhthón꞉ni.

Isaiah 51:3

Asèken ne Roiá꞉ner kwáh kí enhakwahtshésten ne Zion; kwáh enhakwahshésʼten akwékon ne watiesátons nahohontsákes, tánon né ienwahtónhniaʼte nahonhontsáke ne iahonwenhtsáthen thóh nenhiotónhake tsi ní꞉ioht tónhne ne Eden, né iahontsáʼthen ahohóntsa thóh nenhiotón꞉hake tsi ní꞉ioht ne Roiá꞉ner raohé꞉ta; atonnhá꞉rah tánon atsenhnonʼniátshera enkatʼtsénrionh nahonháke, kanonhweratónhtsera tánon thenhiakorihwákwen né karenhní꞉ios.

Genesis 14:8

Ethó꞉ne ne rontinontí꞉io ne Sodom, ne ronnontí꞉io ne Gomorrah, ne ronnontí꞉io ne Admah, ne ronnontí꞉io ne Zeboiim, ó꞉ni ne ronnontí꞉io ne Bela (né꞉ne, Zoar) iahatiiá꞉kenʼne tánon wahonwatinenhrahserón꞉ni ne raononkweʼtaʼshón꞉ʼa ronterí꞉iohs ne nahonterí꞉io thóh aonhráhkwakon ne Siddim

Joel 2:3

Ó꞉tsire iotsahatonhátie ne raotihén꞉ton, tánon ne ratisónhne iotonkwahtékha. Ne raotihén꞉ton ionhontsá꞉ien thóh ní꞉ioht kwáh né꞉ne tsi kahetáien ne Eden, ók tsi nihonatohétston kwáh ahonhotiónskon iontónhon ne iahonwenhtsathénhake, tánon kwáh iáh thahóthen nahonsahotiniá꞉kente.

Genesis 14:2

Kí꞉ken ronhtinontí꞉ioʼs wahonterihiosehrón꞉ni skátne ne ronhnontí꞉io Bera né Sodomró꞉non, né ronnontí꞉io Birsha né Gomorrahró꞉non, né ronnontí꞉io Shinab né Admahró꞉non, né ronnontí꞉io Shemeber né Zeboiimró꞉non, tánon ne ronnontí꞉io ne Bela nónhwe (né shahotihsén꞉na ne Zoar).

Ezekiel 28:13

Eden nónhwe nishiʼtherónhtahkwe, né꞉ne Rawenni꞉io rahohéthakon, né sátsthaʼkwe ne niaʼtekonhtʼthihánion ne kawisthanoronhtserí꞉ios: ne kwáh tetioshokwáhkaras onekwénhtarah nikanenhiótens tánon ne ionenhiákent ionenhianíron; tehiotʼtsinekwáhronhte nóhonte ónenhia, tehioterónhionhton nóhonte, ioteherahrónhnion onénhia tánon ne athéhsa nikanenhiò꞉ten; tehioterónhionthe onénhia, tehioshó꞉kwatʼthe nóhonte nikanenhiothe tánon ne ariwahkonhnhéha nikanenhiò꞉the. Shaiénthakwe ne kawistanoronhtserí꞉ios owistanóronhs. Í꞉se ieshasenhénhni; né꞉ne tewenhnisehráhtekwe saheshahiatónhni.

1 Kings 7:46

Ne ronhnonhtí꞉io akwékon thóh nónhwe nihothenhnáhon nah ionhníhake ne tsi rathiwisthanahwenhthákwa ne Sukkoth tánon ne Zarethan nónhwe, né꞉ne Jordan ahonrakwáhkon.

Ezekiel 31:8

Iáh nonenhthakwénte ne Rawenni꞉io rahohéthakon tahónton ne tahonthahiontenienténste. Iáh nonhetó꞉ia karónta nonhwénton et tehiotenenhráhkathe, Tánon iáh ne thiʼkáien ne karónhta eh náhonske. Iáh nó꞉ia karónta ne Rawenni꞉io rahohéthakon et tehioronhtaneráhkwat.

Jeremiah 48:34

“Nonhkweshón꞉a ne Heshbon ó꞉ni ne Elealeh wahthothihénrehte, tánon tsi tehonséntʼthos iahatiʼwenhnahnihárahne tsi nióre ne Jahazʼne; nonhkweshón꞉a wahakokthóntehʼne nònhne ne Zoar nónhwe, tánon ó꞉ni iahakokthóntehne ne Horonaim nónhwe ó꞉ni ne Eglath Shelishiyah. Shé꞉kon ó꞉ni ne tsi kahionhátahse ne Nimrim iostatʼténʼen.

Isaiah 15:5

Nakwéri tehoséntʼthoʼse Moab; ne rotiʼnathénhawis wahontèko Zoar niaʼhónhne, tánon Eglath Shelishiyah. Asèken tsi tsionontakàrenhre ne Luhith iahatinonhtarane tehonsentos; ne tsi niehiothahínon ne Horonaim wahatiʼtsitakétsko ne atkaronhniátshera;

Psalms 107:34

né kwáh tiohontsí꞉ios kwáh kíʼ káiase ienhwáʼton né entioróhroʼke ne iotenatentásta tánon tsioiótsis, tsioríhwa né nón꞉we nihatinákere tsi nihonhnonkwetahétʼkens.

Genesis 6:2

ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Genesis 11:27

Né kí꞉ken ne Terah tsi niehothwatsirí꞉non, ráonha iesehshakoioʼokón꞉ʼas ne Abram, ó꞉ni ne Nahor, tánon ne Haran. Ne Haran né꞉ne ieshoién꞉ʼa ne Lot,

Genesis 13:9

Iáh kenh onhwentsakwé꞉kon ne sahén꞉ton thiká꞉ien? Takatiaʼtontákwas. Tóka sehsenekwá꞉ti nonkwá nienhense, ethó né kʼiʼ skeweientehtáhkwen nonkwá nienhénhke; khés sehseweientehtáhkwen nonkwá nienhénhse, eʼthó꞉ne kíʼ skhenekwá꞉ti nonkwá nienhén꞉ke.”

Genesis 13:11

Sók kíʼ ne Lot kwáh tsi niwatená꞉skwa ne Jordan aonhráhkwakon wahataterákwaʼse, tánon né Lot thóh nón꞉we iaʼthaná꞉tahkweʼ tsi tkarahkwí꞉nekenʼs nonkwá꞉ti niahá꞉re; eʼthó kiʼ ní꞉ioht tsi waʼthiatekháhhsi.

Genesis 47:6

Ne tsi ionhontsá꞉ien ne Egypt kwáh sahén꞉ton ká꞉ien; shéʼteron ne iaʼníha tánon ne sewatatekoʼokón꞉ʼahs tsi nón꞉we ne kwáh tionhontsí꞉io; sheríhon ratiʼterón꞉tak ne tsi ionhontsá꞉ien ne Goshen; tánon tókaʼ ónhka tsi nihá꞉ti nahotikwénion, sherihón꞉ten nakonwanatenʼnikón꞉raren nakitshenenʼó꞉konʼs.”

Job Tánon ne Raoronhiakensera 40:23

Shé꞉kon toh nahionekashátsteke ne kaniataratátie, iáh thaoterónhkwen; neh raniahésen nó꞉nen ne Jordan ienwathawénhrate ne tsi rasaká꞉ronhte.

Ezekiel 16:46

“Ne tshiekowáhnen satsíha, ne akonahtasónhas, ne꞉ne Samaria, né꞉ne othoréke nòkwahti hiotséton. Ne kén nienhiakáha sehkénha, skátʼke nakonahtasónhas, né꞉ne Sodom, né꞉ne entiéʼne nokwàti hiotséton.

Ezekiel 16:49

Nahónha tánon nakohiohokónhas konhtatónhnikwe tioríhwa tsi kwáh wéso iothikhwaiénthakwe ó꞉ni skénhnonhk khók tsi konhnónhnhekwe ó꞉ni sakʼthikènhne, ók iáh kíʼ tateshakonahterhiéntarahkwe ne iakóten ó꞉ni ne niaʼtékon tiakotokʼtahníhakwe.

Ezekiel 31:9

Í꞉i wakeronhtanerahkwáhton, né꞉ne tehionenhrésons. Né꞉ne konhwanósʼsaskwe ne niaʼtekarónhtake ne Eden, né꞉ne Rawenni꞉io rahohéthakon.

Ezekiel 47:18

“Né tsitʼkarahkwínekens nokwáhti karisthatátie né iehiotewenókwahte ne nahotonhontsáke ne Damascus tánon ó꞉ni ne Hauran, kenikwékon ne Jordan kaniatarahthá꞉tie né iehiotónhon tsi karisthatátie tsi nahtetsátere ne iohontsáien ne Israerʼró꞉nonhke né꞉ne tsi iatewatʼtsénʼthos nokwáhti tánon ne Gilead tsitʼkarahkwínekens nokwáhti iothohetsthákwen, tsi nióre ne Tamar né꞉ne Dead Sea nónhwe.