Genesis 13:1 - Ohiatonhseratokénti

¹ Ká꞉ti nʼAbram tánon né ró꞉ne ó꞉ni ne Lot é꞉ren tontahón꞉nehte ne Egypt tánon akwé꞉kon tsi nihoientahtsherá꞉ien, tánon Negeb nionsahón꞉ne.

Genesis 13:1 Referans Kwoze

Joshua 10:40

Ne Joshua washakosenhniónko nonhontsakwé꞉kon. Wahosénhni ne ronhnonhtí꞉io ne tsi iononhténion kanakerahserá꞉ien, ne tsitkarahkwí꞉nekens nokwá꞉ti iononhtakarenhrénions, tánon ne tsi iaʼtewatsénhtos iononhthaientáserons, kwáh ó꞉ni tsi niká꞉iens ne ionakeraserà꞉iens ne entieʼné꞉sons nokwahtí꞉son. Iáh ónhka tesakohiaʼthanonstá꞉ton; kwáh onkweʼtakwé꞉kon wahontatenonhwariaʼkónhnion. Thóh ki ní꞉ioht ne Roiá꞉ner Raní꞉io ne Israerʼró꞉nonke tsi rotenhnàhon.

2 Samuel 24:7

tánon iahónhnewe tsi tewatenhénraien osténra ne Tyre tánon akwé꞉kon tsi kanatatowanénhkes ne Hivró꞉nons ó꞉ni ne Canaanronón꞉ke; tánon thóh nionsahón꞉ne Negeb ne ne Judah thóh nón꞉we Beer-sheba.

1 Samuel 27:10

Nó꞉nenh ne Achish saharihwanónton, “Ónka nón꞉wa washenenhrénhten nonwahwenhniserátekwe?” Ne Táwit kwáh enhén꞉ron, “Ne iakheiatsatónhti ne Negeb, ne ne Judahró꞉non,” khéhs “Ne iakeiatiatónhti ne Negeb ne ne Jerahmeelites,” khéhs, “Ne iakeiatiatónhti ne Negeb ne ne Kenites.”

Joshua 18:5

Nonhóntsa tsáta natenkahià꞉khonke; Ne Judah thóh enhonhnésehke ne rahotinakerahserá꞉kon ne nenhtiè꞉ne nón꞉we, tánon ne Só꞉se ne rahotinakerahserá꞉kon ne othorè꞉ke nón꞉we.

Genesis 21:33

Abraham tamarisk naʼkarontó꞉ten waharontaièntho thóh non ne Beersheba, tánon thóh nón꞉we nahohsén꞉naien ne Roiá꞉ner, ne ne Ronhnheʼón꞉we Ní꞉io.

Genesis 20:1

NʼAbraham, Mamre nón꞉we tonhtahahtén꞉ti tánon tsit kanakerahserá꞉ien né Negeb nón꞉we iaʼtonsahaná꞉tahkwe, tánon thóh nón꞉we nonsahatatíʼteron tsi naʼtetiátere ne Kadesh tánon né Shur; tánon thóh ná꞉he Gerar nón꞉we nihenʼterón꞉tahkwe ne tsi thihahontsá꞉tehkwe í꞉ken.

Numbers 13:17

Nónen ne Mahís shiasakoténiete, wasakawénhase, “Wáhs kén꞉en iasewatáhshawen othoréke niahásewe ók entiène nó꞉kwah hionhsásewe iatsonhontsóren ne Canaan tánon ethòne ne tsi ionhnonhtarónhnions ne tsi kanakeraseráien.