Genesis 12:7 - Ohiatonhseratokénti

⁷ Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 12:7 Referans Kwoze

Galatians 3:16

Neh, Rawenni꞉io tsi niʼohrahratsʼténni ne Abraham tánon saiáta ne rahowátsire. Noriwatokénti iáh tewástha ne “iakotiokowánen,” Kíʼ owénna “tionkwétak khók” rótons, tánon nètho rónkwe nehne Kerístos.

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 18:1

Ne Roiá꞉ner wahototáhshien ne Abraham ákta tsi kehrhí꞉tonʼs ne karíhtonʼs, né꞉ne Mamre nón꞉we, thóh rentskó꞉tahkwe ne tsi ieiontaweiaʼtáhkhwa ne raoʼtohserà꞉kon né kwáh siiorahkwatarí꞉hen,

Genesis 13:15

asèkenh akwé꞉kon tsi niiohón꞉tsa ne satkáhthohs entkón꞉ion tánon tsi niensathwatsí꞉rine ne ne tsi nén꞉we í꞉se sewawenkhón꞉we enkénhake.

Genesis 13:4

ne ne tsi nón꞉we nihaón꞉ni ne ietsenhahráhkhwa ne tiotierénhton; tánon eʼthó꞉ne ó꞉nen ne Abram iahaná꞉ton ne Roiá꞉ner raohsén꞉na.

Genesis 13:18

Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.

Exodus 33:1

Ne Roiá꞉ner wahawénhase ne Mahís, “Èren íset né ken nónhwe niwatená꞉taien, i꞉se tánon nonhkweshón꞉ʼa ne tethesehiaʼtinekénhon ne Egypt, tánon thóh nónhwe iahásewe tsi tiohóntsaien ne kheʼierahratsʼténhni entekhéhion ne Abraham, Isaac, tánon ne Jacob ó꞉ni tsi nienhontwaʼtsiríne.

Genesis 32:30

Katí ne Jacob neh watená꞉taien Peniel wahaná꞉tonhkwe, ratónnions, “Aseʼkénh Wahí꞉ken ne Rawenni꞉io ó꞉ni kwáh waʼtiatiatatkonhsatká꞉neren, ók kíʼ shé꞉kon neʼ tsi kónhnhe kanonhstá꞉ton.”

Genesis 26:25

Sók kíʼ thóh nónwe nahrón꞉ni ne ietsenhahráhkhwa tánon wahohsèn꞉naien ne Roiá꞉ner, tánon èʼthó nón꞉we nahataʼtohseró꞉ten. Tánon thóh nón꞉we ne Isaac raohnhatseraʼókon sahonthnawerón꞉ni.

Numbers 32:11

‘Waʼkaráratste né aoríhwa tsi iáh tiehothikonhtákwen tehotirihwatóken nakonháke, kwáh iáh ónhka ne tewá꞉sen natahahoserihiákon khès ne sénha ahonthahóhionke né Egypt natethawénon tsi iáh tsiá꞉re ne tsi tsohontsáien né khehiararatsʼténhni ne Abraham, Isaac, tánon ne Jacob.’

Genesis 12:8

Thóh ionshahatén꞉ti tsi tionontahrónnion niahá꞉re tánon thóh ionsahatená꞉taien, ne ne tsitkarahkwí꞉nekenʼs nonkwá꞉ti ne Bethel, tánon thóh nón꞉we nahataʼtohsehró꞉ten, né Bethel tsi iaʼtewatshénthohs né nokwá꞉ti í꞉ken tánon ne Ai, tsitkarahkwínekenʼs né nonkwá꞉ti í꞉ken; thóh nónwe nonsahrón꞉ni ne ietsenhahráhkhwa tánon eʼthó꞉ne ó꞉nen iahaná꞉ton ne Roiá꞉ner raohsén꞉na.

Hebrews 11:13

Kwáh seh tewehtákwenh nónwe nihotenhénion kíʼ nonkweshón꞉as. Iáh tehotiʼienáhon tsi nahoténshons rohrahrátston ne Rawenni꞉io, nónk ahí꞉non nío꞉re tsi wahʼhonwahtíken tánon iahonwahtí꞉konke, tánon kwáh tiahontʼrohrikó꞉wah tsi thiʼononhontsiáte ó꞉ni rothinatenháwis ne tsi ionwentsiáte.

Romans 9:8

Ne kíʼ kéntons iáh ratikwékon neh Abraham sakoienokónhas ronónha ne Rawenni꞉io sakoienokónha akénhake, nók neh khók, tsi niháti ne Abraham sakoienokónha, Asèken Rawenni꞉io kwáh oriwihioʼónwe tsi rorahrasténʼni, rohnonha khók neh enhonwatinathonkwake Abraham sakoienokonhas.

Genesis 22:9

Nó꞉nen shiahá꞉newe tsi tiotenatakwèn꞉rare tsi nón꞉we nihonaʼtón꞉ni ne Rawenni꞉io, nʼAbraham thóh nón꞉we nahrón꞉ni ne ietsenhahráhkhwa tánon wahakwatakwenhá꞉ton tsi ni꞉ioht tsi wahaientahrón꞉nion. Waʼthonentsterènkhon ne roièn꞉ʼa Isaac, tánon ietsenharahkwà꞉ke wahoiaʼtá꞉ren, é꞉neken tsi nihoientahrónnion.

Genesis 17:3

Eʼthó꞉ne né Abram wahatatiaʼtiè꞉nenhte kwáh tshiahakonhsó꞉taʼne nonwentsà꞉ke; tánon ne Rawenni꞉io wahawènhahse,

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

Galatians 4:28

Nónwa, í꞉se, nonkwatenrosónhas, Ní꞉io rahoksáta íken neh iorihónni tsi nihorahrátston, kwáh tsi niʼiawén꞉en ne Isaac.

Deuteronomy 30:20

Tsi sewanorónhkwak ne Roiá꞉ner sewaNí꞉io, tsi sewawénhnarak tánon sewariwatokénhak ne rahonhà꞉ke, tánon ethò꞉ne ní꞉se tánon tsi niensatwatsí꞉rine kwáh entionhnhésonhke ne tsi tiohontsá꞉ien né꞉tho tsi sewarahratstén꞉ni nahontashaká꞉wen ne ietsisoʼthonkonhkén꞉en, Abraham, Isaac, tánon ne Jacob.”

Deuteronomy 6:10

“Akwáh ki ne Roiá꞉ner sewaNí꞉io tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob, entsitsonhóntson skátke ne iókwats kanatowá꞉nens ne tsi niká꞉ien ne iáh í꞉se tesewatenatón꞉ni.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Exodus 6:3

Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Genesis 33:20

Thoʼnónwe warón꞉ni ne ietsenharáhkwa tánon né꞉ne El-Elohe-Israel wahanátonkwe.

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Genesis 8:20

Eʼthó꞉ne ne Noah wahaón꞉nien ne Roiá꞉ner ietsenhahráhkhwa, tánon iahshakoiaʼténhawe ne ionatkwénienʼs katshenenʼó꞉kon ó꞉ni tsi nihá꞉ti ne ronatkwénienʼs notsiʼtenʼokón꞉ʼas, wahshakotiaʼtátshaʼahte ne ietsenhahrahkwà꞉ke.

Acts 7:5

Ne Rawení꞉io iáh tetʼthó꞉wi ne Abraham ne hiatehahiáti ahowénhake, iáh sékon ne sewasíta tahiotekerónteke nohóntsia, nók Rawení꞉io waharárasʼte tsi entʼtáwen, tánon rahowenkónwe enkénhake tánon ó꞉ni tsi nienhatʼwatsirí꞉ne. Neh thóh sikaháwi neh saharáhraste ne Rawení꞉io NʼAbraham iáh thénen tehowiraiéntakwe.

Hebrews 11:8

Tewehtákwen seh wahahónnien ne Abraham nahatewénhnaraʼkwe tsi nahóten ne Rawenni꞉io rohróhri tsi tkanakerahseráien niáre tsi nihorahratsʼténni ne Rawenni꞉io enháwenh. Wahatewénhtethe ne raonakeráhsera iáh tehotheriéntare kah nónwe niahawehnonhátie.

Genesis 24:7

Ne Roiá꞉ner, ne Rawenni꞉io tsi karonhiá꞉te, tsi ráonha tatshiaʼtinekénhen ne tsi thonónhsote ne rakeʼníha tánon ne tsi tiohontsá꞉ien tsi nón꞉we tewakenakerá꞉ton; tánon tsi ráonha wahaktháhrhahse tánon akonhá꞉ke rorihwahnirá꞉ton, ‘Tsi nienhsathwatsí꞉rine kwáh entekhé꞉ion kíʼ kén꞉ʼen ionhontsá꞉ien.’ Kwáh kíʼ enthoténniehte ne Raoronhiaʼkehró꞉non ne sahén꞉ton, tánon tho nón꞉we ientshenahkwatshénriaʼse ne riién꞉a.

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.

Exodus 32:13

Sehiehiárak shonkwetashón꞉as NʼAbraham, Isaac, tánon ne Jacob. Sehiárak tsi kwáh ioriwaníron sehiarahratsʼténhni tsi enteséhʼhion tsi etʼnenhonatiókwahske tsi ní꞉ioht ne tsi iotsistokwahrónhnions ne tsi karonhiáʼte tánon enteséhion tsi nienhontwatsiríne akwékon nonhóntsa sarahrátston tsi enhonawenhkʼkónhweke tsi nénhwe.”

Deuteronomy 9:5

Iáh ne tetiorí꞉wa tsi sewaiánere tánon thóh nisewahiéra né꞉tho Roiá꞉ner tsi sewariwá꞉wis nahisewatié꞉nawatste ne rahononhóntsas. Akwáh enshakohiaʼtínekenhwe ne tiorí꞉wa tsi nihonhnonkweʼtahétkens tánon ne tiorí꞉wa tsi ihré꞉re nahatié꞉nawatste tsi nishakorahratstén꞉ni ne sewasoʼtsheraokonhkén꞉en, nʼAbraham, Isaac, tánon ne Jacob.

Deuteronomy 34:4

Ethò꞉ne ne Roiá꞉ner wahawénhase ne Mahís, “Ne kí꞉ken ne iohontsá꞉ien ne khehiararatstén꞉ni ne Abraham ó꞉ni ne Isaac, tánon ne Jacob tsi enthekhéion tsi nienhontwatsí꞉rine. Wakonhríhon nasatkátho, ók iáh ki thakonhrí꞉hon ne thóh nón꞉we iáse.”

1 Chronicles 16:16

né naʼterihwasehronniátshera tsi ró꞉son skát꞉ke ne Abraham, tsi niʼorahratsʼténhni ne Isaac.

Genesis 13:17

Téstaʼn, sateʼkhaharónnion ne tsi niiohón꞉tseʼs tánon tsi naʼteionhontsaká꞉ron; aseʼkénh í꞉se entkón꞉ion.”

Genesis 28:4

Aiá꞉wens aontà꞉ion ne raoiaʼtateríhtshera ne Abraham, ní꞉se tánon tsi nienhsathwatsí꞉rine naesewakwekónhake ní꞉se, ne naón꞉ton ahsatiénawahste nonhóntsa tsi nón꞉wa nón꞉we nihsenákere tsi thihsonhontsá꞉te í꞉ken—ne nonhóntsa neʼthó Rawenni꞉io thó꞉wi ne Abraham.”

Genesis 35:7

tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.

Genesis 35:12

Ne ohóntsa nétho tekheiá꞉wi ne Abraham tánon ne Isaac, kwáh í꞉se enskón꞉ion, tánon ó꞉ni iensekhé꞉ion tsi nienhsathwatsirí꞉ne.”

Genesis 50:24

Eʼthó꞉ne ne Só꞉se wahshakawènhahse ne rontateʼkoʼokón꞉ʼa, “Ó꞉nen thó꞉ha akíheie; ók kwáh orihwiioʼón꞉we, ne Rawenni꞉io tsi enhtshisewehiá꞉raʼne, tánon entehtshisewaiaʼtínekenhwe ne kenh nón꞉we niionhontsá꞉ien, ók thóh nón꞉we nientshisewaiaʼténhawe tsi tionhontsá꞉ien ne kwáh iorihwahní꞉ron rohrharatstén꞉ni ne Abraham, tánon ne Isaac tánon ne Jacob.”

Exodus 17:15

Ne Mahís warónhni ientsienharáhkwa tánon ne wahanáhtonkwe “Roiá꞉ner sehʼnakeniataʼroharátsera.”

Exodus 24:4

Ne Mahís oriwakwékon wahaʼhiáton tsi nahoténson ne Roiá꞉ner wahénron. Oronhkéstsi nʼóhia sahiórenhne waʼrónhni ne ientsienharáhkwa tsi ionhnonhtoʼtáhon tánon tekeniʼiawénhre nikanénhiake wahanenhiotónhnion, né꞉ne skentaráʼtsions rahotiriwáke ne lsraerʼokónhke.

Numbers 26:53

“Tetsinárit nonhóntsas tsi natehónteres nonhkweshón꞉ʼas, né tewanónhton tsi niháti.

Joshua 1:6

Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Joshua 8:30

Ethò꞉ne ne Joshua thóh tsi Ionónhthe ne Ebal wahahón꞉hnien ne Rawenni꞉io ne Ietsienharáhkwa, né꞉ne Sakoní꞉io ne Israerʼró꞉nonke.

Joshua 22:10

Nó꞉nen ne tsi kentióhkwaiens ne Reuben, Gad, tánon ne nà꞉kon nòkwah ne Manasseh iahón꞉newe ne Geliloth nón꞉we, ské꞉kon né꞉ne tsi iaʼtewatséntos nòkwah ne Jordan, kowá꞉nen wahonhnón꞉ni ne iohrá꞉se ietsienharáhkwa thóh kaniataráktha.

Judges 6:24

Ne Gideon kwáh éhtho nónhwe nahahónhnien ne Roiá꞉ner ietsienharákwah tánon né wahanátonhkwe “Ne Roiá꞉ner Skénnon íken.” (Shé꞉kon kíʼ thóh nónhwe ne Ophrah tkáien, né kíʼ rahonawenkʼhónwe ne Abiezer kentára.)

1 Samuel 7:17

Eʼthó꞉hʼne énsraʼwe ne Ramah, asèken thóh nón꞉we nihononshótaʼkwe; rahón꞉ha sakohkó꞉rakwe NʼIsraerʼró꞉nons neh nón꞉we, tánon wahahónhnien ietsenharákwa ne Roiá꞉ner.

2 Samuel 24:25

Ehʼthóhʼne ó꞉nen ne Táwit wahahónnhnien ne ietsienharákwah ne Roiá꞉ner, tánon wahatenaskwáhstsahate ó꞉ni iahá꞉thate ne atakarihtétsera. Káti ne Roiá꞉ner watariwaserá꞉ko ne raoterénnaient nonhón꞉tsa aoriwá꞉ke, tánon ne kanratarinétsera tsi tonhsontkaraténi éhren sáwete NIsraerʼronónke.

1 Kings 18:32

Né níkens onenhiasónhas né sharónhniaʼthe ne ientsienharákwa tsi ahonwasenhnaienthákwahke ne Roiá꞉ner. Waʼthakwahthásete watronhtsiákon, iatekaiéri tsi nahasónhwetsthe ne kaiéri nikaweró꞉kwahke ahontnekátha.

1 Chronicles 16:18

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

2 Chronicles 20:7

Í꞉se nonhkwahní꞉io í꞉ken. Nó꞉nen ne shonkweʼtashón꞉as Nisraeʼró꞉nons kénʼen nonhtahón꞉ne kíʼ ionhontsáien, washehiatínekenhkwe nonhkweʼshón꞉as ne kén ratinákereʼkwe tánon né thontaʼshé꞉hion nohóntsa tsi nithonatwatsirínon né Abraham, tiatenhróʼkenʼne, né nahonahwenhkhónhweʼke tsi nénhwe enhkénhake.

2 Chronicles 20:11

Kén kíʼ ní꞉ioht tsi sahionkhikáriakse—tahónhne nahonsahionkhihiatínekenhwe ne tsi ionhontsáien ne taʼkwáh꞉wi.

Ezra 3:2

tánon ne Joshua né roʼní꞉ha né꞉ne Jehozadak, né꞉ne skátke ronaterihón꞉te tsi tenitsihénsthatsi, tánon ne Zerubbabel ne roʼní꞉ha né꞉ne Shealtiel, ratikwé꞉kon ne ronhthatenónkwes, sahonhnón꞉ni ne ratsienharáhkwa ne Sakoní꞉io ne Israerró꞉nonke, ne káti nahónton é꞉tho ahonsahonteskónhten tsi entsohianénhawe tsi nikahiá꞉ton ne Mahís rahohianerenhserá꞉kon, ne Rawenni꞉io rahonkwè꞉ta í꞉ken.

Jeremiah 3:18

Israel enhiotiatáhrahse ne Judah, tánon skátʼne tsi nentʼkéne nahonshatianahkeráhko tsi kanahkerahsehráhien ne othoréhke tánon thóh niénskehʼne tsi tiohontsiáien nètho thekhehiáwi ne ietʼtsisotʼtkonkonhkénʼen né tsi rahonahwenhkónhwe enkénhake.”