Genesis 11:1 - Ohiatonhseratokénti

¹ Ó꞉nen kíʼ ohontsakwé꞉kon énskaʼk khók tsi niionhronhkhaʼtsheró꞉ten tánon ne shaʼkawén꞉naʼs í꞉ken.

Genesis 11:1 Referans Kwoze

Acts 2:6

Sahonatʼthónteʼne kí꞉ken ontʼtsaróko, kwa kentioʼkowánen wahonʼnitiokwaróhroke. Kwáh ratiʼkwékon rononʼniʼnhekénʼen, Asèken kwáh ratikwékon wahonatʼthónteʼne, ne thoʼnethákwen neh rohthítha꞉re tsi nihonronhkhatseró꞉tens.

Zephaniah 3:9

“Asè꞉ken ethò꞉ne kwáh tensetʼteni nonkweshón꞉as tsi ní꞉ioht tsi ronhtátis né꞉ne orihwí꞉io tsi ahonsahontrorísehke, ne káti ratikwé꞉kon ahónton nahatináton ne raoshén꞉na Roiá꞉ner, ne nahonwahiò꞉tenhse skaʼnikónhrat khók akénhake.

Isaiah 19:18

Ne ètho entewenhniseráteʼke wísk nenkanataiéntaʼke ne tsi watonhóntsaien ne Judah né꞉ne ronthátis tsi nihonronhkatʼtseróten ne Canaanró꞉nons tánon enhatiʼrihwanírate tsi enhotiʼrihwatokénhake rahonháke ne Sakoiá꞉ner ne ronterí꞉ios ratironhiakeró꞉nons. Skanáta kí꞉ken ne enkonwahnaʼtónhkwahʼke tsi kanatowaʼnénke ne Karáhkwah.

Genesis 10:32

Ne kí꞉ken ne raotitaraʼshón꞉ʼas ne Noah raonekenhteronʼtsheraʼshón꞉ʼas, ne entioianénhawe tsi nienhonthwatsí꞉rine ne raotitióhkwakonʼs; tánon thóh tontáhsawen kí꞉ken onkwehshón꞉ʼas tsik nonwéhson niaʼthonré꞉ni ne tsi ionhwentsá꞉te shonhtóhetste tsi iawenhó꞉tonhkweʼ.

Genesis 11:2

Tsi tontahonná꞉tahkwe ne tsitʼkarahkwínekenʼs nokwá꞉ti nontahón꞉ne, iahón꞉newe iohontsakwèn꞉rare ne Shinar nón꞉we tánon tho nón꞉we nahontená꞉taien.

Genesis 11:6

Ók ne Roiá꞉ner wahén꞉ron, “Sewatkáhtho, tsonkwé꞉taʼk ié꞉ken, tánon ratikwé꞉kon sewahronkhátsheraʼk khók tsi ní꞉ioht tsi rontá꞉tis; tánon ne khók kí꞉ken ne tiotierenhtáhkwen ne tsík tshiahatiieránion; iáh thahó꞉ten tsi nenhonhská꞉neke ne iáh thahotirihwanó꞉ronʼse!