Genesis 1:28 - Ohiatonhseratokénti

²⁸ Rawenni꞉io wahshakoiatatérihste, tánon ne Rawenni꞉io wahshakóhnaʼne, “Sewawatsirowáhna tánon sewentiohkowáhna, tánon thontasewáraʼn ne tsi ionhwentsá꞉te tánon tasewaniarotáhrhok: tánon ietshiiatiaʼtakweʼní꞉iohste ne kentsonʼshón꞉ʼa ne kaniatarakehkowáhne ó꞉ni notsitenʼokón꞉ʼa ne tsi karonhiá꞉te kontitses ó꞉ni kwáh tsi nikón꞉ti ne konnónhne ne kón꞉nes ne tsi ionhwentsá꞉te.”

Genesis 1:28 Referans Kwoze

Genesis 9:1

Rawenni꞉io wahoiaʼtaté꞉rihste ne Noah ó꞉ni ne raonekenhterontsheraʼshón꞉ʼa tánon waʼhshakawènhase, “Sewahwatsirowáhnha tánon sewentiohkowáhnha, tontasewá꞉raʼn ne tsi ionhwentsá꞉te.

Genesis 9:7

“Ók ní꞉se, sewathwatsirón꞉ni tánon sewentiohkowáhnha, thontasewá꞉raʼn tsi ionwentsá꞉te tánon sewentiohkowáhnha.”

Leviticus 26:9

Kwáh enkwahiatatérisʼte tánon wéso enkwaksatawíhon; kwáh enkatiénawasʼte naterihwaseronhniátshera ne wát꞉son tsi natetewátere.

Genesis 1:22

Tánon ne Rawenní꞉o wahshakoiaʼtatériste, ratónnions, “Sewawatsirowáhna tánon sewentiohkowáhna, tánon thontasewá꞉raʼn nawenkéhshons ne kaniatarakehkowáhne, tánon notsitoʼokón꞉ʼa ionatiohkowáhna né tsi ionhwentsà꞉te.”

Isaiah 45:18

Asèken ne aoríhwa rá꞉ton ne Roiá꞉ner, tsi rahónha ró꞉son ne tsi karonhiá꞉tes (rahónha ne Ní꞉io í꞉ken!) rahónha raieronhtón꞉ni ne tsi ionwenhtsáte tánon rahónhni (rorihwanirá꞉ton; iáh né teosahá꞉ton ne tsikʼtsaiawénhon, né rahonhniá꞉ton naienákereke!): I꞉i ne Watiá꞉ner, tánon iáh ónhka nakó꞉ren né꞉ne akénhake.

Genesis 17:20

Tsi nokwá ne Ishmael, waʼkonwenná꞉ronke; kwáh kíʼ enhiiaʼtaté꞉riste tánon enhitiohkó꞉wanahte ó꞉ni kwáh í꞉ken tsi enhonatiohkowá꞉nenke; tékeni iawén꞉re nihá꞉ti enhonekenhteronʼtsheraién꞉take né꞉ne rotinontí꞉ioʼs enkénhake, tánon né enhiiónniaʼte nahotiohkowá꞉nenke.

Genesis 8:17

Tahsheiaʼtínekenhf kwáh tsi nahó꞉ten ne konnónhnhe ne sewakwé꞉kon ne niaʼtekón꞉tiʼs—ne otsitenʼokón꞉ʼas tánon ne kontitshé꞉nenʼs tánon tsi nikón꞉ti ne konté꞉sereʼs ne tsi ionhwenhtsá꞉te—ne naiotiʼonwarowáhnha nonhwentsá꞉ke, tánon akonthwatsirón꞉ni tánon ionatiohkowáhnha tsi ionhwentsá꞉ke.”

Psalms 107:38

Ne tsi waʼhahiathatériste iawetatʼtsáni watkaiasehrón꞉nion, tánon iáh tehothontháton tsi iotitsiókwaiens ne rahothitsenenhókons tionhnónskwahrons, kaiatákeras, teiotinakaronhtónhas ne nakanenhrásthoʼne.

1 Chronicles 4:10

Ók kíʼ né Jabez rahonháke ne sakoʼNí꞉io Nisraeʼró꞉nons nón꞉we iahaterénhnaien, “Tatiatatérist, Sewenní꞉io, tánon wé꞉so nohóntsa táskon. Tenikweʼkónhak tánon takenóns꞉tat tsi nòkwah ne othénen karihwák꞉sen né tó꞉sa akakwé꞉ni ahonkeronhiakéntaʼkwe.” Tánon kíʼ ne Rawenni꞉io tahá꞉wen tsi nahó꞉ten wahaterenhnaiénthaʼkwe.

Genesis 26:24

Tánon kwáh né siwahsontá꞉te ne Roiá꞉ner wahototáhshien tánon wahén꞉ron, “Í꞉I ne Raoní꞉io ne iaʼníha Abraham; tóhsa sáhteronʼn aseʼkénh Í꞉I tenikwé꞉kon tánon kwáh Enkoniaʼtaté꞉rihste ó꞉ni wé꞉so enkonhwatsirónnien ne nakehnhá꞉tshera Abraham raorihwá꞉ke.”

Genesis 17:16

Kwáh enkheiaʼtaté꞉riste, tánon sénha ísiʼ nón꞉we kwáh entkón꞉ion naesanekenhterontsheraién꞉tane naonhá꞉ke entkaiènhtahkwe; kwáh entiaʼtaté꞉riste, áonha né kahsótshera enkénhake nonkwehshón꞉ʼahs; tánon ótiaʼkehs enhshakotinontí꞉iokehs nonhkweshón꞉ʼahs né naonhá꞉ke nón꞉we nèntewe.”

Genesis 49:25

Ne Raoní꞉io ne iaʼníha, ráonha enhiaié꞉nawaʼse, Ne ne Rawenni꞉io Roʼshatstenhserowanenʼkó꞉wa ráonha enhiaiaʼtaté꞉rihste ne ne kaiaʼtateríhtshera nokennoréhsera ne karonhià꞉ke nèntewe, Tánon ne iohnoté꞉sonʼs kahnekonnion ne nà꞉kon nonhwentsà꞉ke, Ne ne kaiaʼtateríhtshera naionatiohkowáhnha ne tiohnhónskwaronʼs ó꞉ni neksaʼokón꞉ʼa.

1 Chronicles 26:5

Ammiel, Issachar, tánon Peullethai.

Genesis 33:5

Nó꞉nen ne Esau sonsahatarahkétsko tánon washakóken ne konhnónkwe tánon ne ratiksahokónhas, wahén꞉ron, “Ónhka kiʼ ken sewathorohsenthatie?” Jacob wahén꞉ron, “Né꞉ne ratitsaokonhas ne rahónha Rawenni꞉io tsi nithoriwaieri tsi thó꞉wi ne sanhá꞉tshera.”

Genesis 24:60

Tánon waʼontatiaʼtaté꞉rihste ne Rebekah, tánon waʼkonwènhahse, “Tewatenró꞉shen, í꞉se ne kaʼnisténhsera ahsá꞉ton ne tewenʼniaweʼehtsheráhsen ne oié꞉ri tewenʼniaweʼehtsherá꞉sen; aiá꞉wens tsi nienhsathwatsí꞉rine nahshakotiʼshén꞉ni ne kanatowá꞉nenʼs nón꞉we ne ronwatíhswens!”

Psalms 69:34

Ánion orihwaʼkwékon tsi nihioterihwaʼthéntion ne tsi karonhiáte ó꞉ni ne tsi ionwenhtsáte tehonwaʼnonweráton, ne kaniatarakhekowáne tánon kontikwékon nètho nón꞉we nikonhnónnhe.

Job Tánon ne Raoronhiakensera 42:12

Ne Roiá꞉ner waʼhahiá꞉tateriste tsi ní꞉kon shé꞉kon roʼthenhniserathá꞉thenron ne Job sénha wé꞉so tsi nitiotón꞉ne nó꞉henton; tánon kaié꞉ri iawénre tewenhniawehetsheráhsen teiotinakarón꞉tonha roʼnaskwahièntakwe, ia-iak tewenhniawehetsheráhsen iotiniá꞉kwahere, énska tewenhniawehetsheráhsen nihioianakes ne tehonteniaró꞉roks teotinakares tionhnonskwahrons, tánon énska tewenhniawehetsheráhsen tewahóntes.

1 Timothy 4:3

Nètho ronnónkwes sakothirihonniénni tsi wahétken nahiakóniake tánon naiéke ne kakhwatokenhátons. Nók kíʼ Rawenni꞉io rohsahánion nètho kákhwas naiéke, sahonterennaientáko tsi wahthontenonweráton, tsi niháti ne thonetákwen ó꞉ni rohthiʼienteráʼon noriwí꞉io.

Genesis 5:2

Tsi shakoiaʼtíson roskenrakéhte ó꞉ni tsothonwí꞉sen, wahshakoiataté꞉riste, tánon wahshakosén꞉non “Ón꞉kwe.”

Psalms 8:6

Wasehiatakweʼní꞉ioste nahotkróraste tsi nihioiothénhen ne sahtsanákes; raotishaststenhserákon orihwakwékon waskéron,

Genesis 6:1

Nonkweʼshón꞉ʼa ó꞉nen ohontsakwé꞉kon teiakorénion tánon kontiksaókónʼa wakonná꞉kerate,

Job Tánon ne Raoronhiakensera 39:11

Kwáh ken ne atieniáhese tiorì꞉wa tsi nihashátste? Tánon kwáh raónha atsiénhase ne sahiothénhseras?

Psalms 8:7

thóh kontiʼiátare ne teiotinakaronhtónha tánon ne tehotinákares tionhnónskwahron, tánon ne konhtírios ne kahentáke,

Psalms 115:16

Né tsi karonhiáte né꞉ne Roiá꞉ner raówenk í꞉ken ne tsi karonhiátes, ók ne tsi ionhontsáte ónhkwe nenhné꞉e tesakówi.